يبقـى الـردى فـي عيـون الـنـاس مـتـردي..!!

ظروف الوقت للشاعر: سلطان بن سعيد

الفـكـر شـارد وانا ودي ولا ودي=والـعـمـر محـدود والانـفــاس مـحـسـوبــه
وأنا من العقــل مـتـعـشــي ومـتـغدي=والحـمـــدلله نعـرف الــدار ودروبــه
والله فـلا أطـمع بثوب مايـجـي قـدي=يـوم أكـثر النـاس دايـــم مـسـبـل ثــوبــه
وشلي على اللقمه اللي في طرف يدي=مـا أقـدر عليهـا وهـي مـا هيـب مكتوبـه
كـم واحــــد يـحـســب إن اللوم مـتعدي=واللـوم غـشـيــه مـن راسـه لعرقــوبــه
نتـبـع ظــروف الـزمن ونـجـيـب ونـودي=ونقـوم ونـطـيح كـل دون ماجــوبـه
مــا بـيـن موج البـحر والجـزر والـمدي=تبقـى الثقـة حاجـة فــي النـفـس مطلـوبـه
حتى لو إن الظروف تسير فـي ضـدي=لابـــد تــرجــع ظروف الــوقــت مـغـلـوبـه
ورث ورثــتــه ورثــــه أبـوي عــــن جـدي=ماهيـن نفسـي ورى الـلـي ينـفـخ أجنـوبـه
أعـز نـفــســي وأنا مـانــيــب مـنحــدي=الأمـر لله وبـاب الرزق مـن صــوبــه
إخوان يوسف من أصل الأب والجـدي=خـذوه مــره وراحـو به ولا جوبـه
يبقـى الـردى فـي عيـون الـنـاس مـتـردي=مـتـوقـي فـي لحاف يــستــر عـيــوبــه
هـذا وانـا طـول عمـري مانكشـف ســدي=عـالي النـظر والقـلوب الـسـود مقـلوبـه
نـسـايـر الـوقـت واثـر الوقـت متحدي=يـطـرح ويـجرح ونـار الـمـوت مشـبـوبـه
لا..واعـسـاهـا سـحـابـة صـيــف وتــعــدي=الهـاجـس الـلي يـلوف الـقـلب ويـلوبه
أمــوت وارحــل ودمـعـي مـاوطـى خـــدي=حتى لو الروح مـسـلوبه ومـنهـوبـه

الله الله على الاختيار
صح لسان الشاعر سلطان بن سعيد
وسلمتي على حسن الاختيار تحياتي

شُكـــري وإمتنـآآني ل رووووووعـة إطلالتك
لاخـــــــــــــــلا و لا عـــــــــــــــــــدم

صح لسان الشاعر

ويعطيك العافيه على الاختيار الجميل

تحيتي لك

شآكره لحضورك وطلتك الراقيه

فلك اجمل بإقات الود والعرفإن
مع خالص التحايا وارقها