بدينــــــا بذكر اللـــــي خلق جنة الفـــــــــردوس

هذه قصيده تحكي عن احوال الناس في هذه الايام
••••••••••••••••••••
•••••••••••••••••••
بدينــــــا بذكر اللـــــي خلق جنة الفـــــــــردوس=خلقها وبين في كتابه مراتـبهــــــــــا
قريب مجيـــــب يعــلم الــــسر والهاجــــــــــوس=ومن حكمته سير الفلك مع مراتبهــــا
الله خلق كـــــل البــــــشر رئيس ومريــــــــــوس =خلقها وفي يوم القيامه يحاسبهـــــــا
سلامي على اهل الدين كـــــــسابت النــــــاموس=سلامي عليهم عد ذاري هبايبهــــــــا
على منهج التوحـــــــيد نأخـذ عــــــــبر ودروس =دعاة العقيده مانقصر بواجبهــــــــــا
سلامي على اللي لحيـــــته مايجيها المــــــــوس=ولا شجع الكوره وصفق للاعبهـــــــا
على سنة المعـــــــصوم ماطـــــــول الملــــبـــوس=عفيف جنابه والمعاصي مجنبهـــــــا
يقرأ الكتـــــــاب ولا يداني أهل المنــــكـــــــوس=كمل بالصفات الطيبه من جوانبهـــــا
فعله رفع رأســـــــه مع رافـــــــعين الـــــــروس=تقدم على كسب المعالي وفاز بهـــا
ترى راعي الطاعات عــــــــــاداته النامــــــــوس=على طاعة المعبود نفسه مدربهــــــا
انا أشوف بعض الناس في سيـــرته دنـــــــفوس=حريمه مع السوق دايم يدوج بهـــــــا
يشري لها الموتـــــر وسواقهـــــا الهنــــــــدوس =ولا يسأله لا راح متى يعود بهـــــــــا
وفي منــــــزله خدامـــــه تعـــــــبد الجــــــاموس=تربي وراعينه على خبث مذهبهــــــا
وفي البيت تلفـــــاز عليه الجـــــــميع جلـــــــوس=على شاشته كل المعاصي يجيكبهـــا
وترى النوع الأخر في المكاسب ضعاف أنفــوس=مشو في الربا ماحسبو في مصايبها
شباب على درب الــــردى يدفـــــعون أفلــــــوس=شرى غرشة الوسكي علشان يشربها
ولمن بغى يســــــهر أكل الحبــــه أم القـــــــوس=احبوب خطيره والمراجل تخربهــــــــا
أعيال الحمايل جأو عقــــــــب الحبوب تيـــــوس=وكم واحد باع الشرف من سبايبهـــــا
خذ العز من رأســـه برجلــــــه يدوســــــــه دوس=جميع المصايب مايحسب عواقبهــــــا
علامــــــة شرابـــــه للزقــــاير سواد ضـــــروس=على فرته حط النجاسه وجاكبهــــــــا
وصــــــــــلاة ربي عد ماذعــــذع النســــــنـوس=على المصطفى المختار سحايبهـــــــا

•••

( نقل مماراق )

اخوى
الحكــــــــــيم
صح لسان الشاعر ولاهنت ومشكور
على النقل والنشر المميز
تحيتي

صح لسان الشاعر
وسلمت على الاختيار لاهنت

الاخ / غازي بن عجاب ابوزوايد

الاخ / ابو حمـــــــــــــــــد

اسعد الله قلوبكم ومتعها بالخير دوماً

أسعدني كثيراً مروركم وتعطيركم لهذه الصفحة

وردكم المفعم بالحب والعطاء دمتم بخير وعافية .

وتقبلوا تحياتي العطرة .

أخوكم / الحكيم ,,,,,,,