ياللأسف والله بعض الرياجيل

يــا للأســـف والله بـعــض الرجـاجـيـل=يعطـي الكـلام ويختلـف عـن كـلامـه
عيب ٍعلى الرجال لا قـال لـه قيـل=مــــا يـحـكـمــه ولا عـلــيــه الـمــلامــه
مـــن لا يـحـسّـب للـيـالـي المـقـابـيـل=يـقـضـي حـيـاتـه بـيــن ذل ورخـامــه
ويعيش ماله مع هل الطيـب قنديـل=ويـــدس رأســـه مـثــل رأس النـعـامـه
والـيـا تكـلـم جـــاب هـــرج ٍتـهـاويـل=يشـيـل ضـلـع طـويـق يـدفـن تهـامـه
ويقول أنا لي وقفة ٍمع هل الخيل=مـا وصلـهـا حـتـى الهـلالـي سـلامـه
والـيـا نخيـتـه قـــال مافـيـنـي الـحـيـل=يـــاســـرع والله صـــدتــــه وانــهــزامـــه
هرج النهـار يضيـع لمـا أقبـل الليـل=وقـــت الـشـدايـد مـــا يـحــزّم احـزامــه
ولا لـه مكـان مـع هـل البـن والهـيـل=وعلـى المراجـل مــا تشيـلـه عظـامـه
والمـدح مكـسـب للـرجـال الحلاحـيـل=أهـل الكـرم والطيـب وأهـل الشهامـه
اللـي إليـا صكـت حـذوف المحابـيـل=رجـالــهــم لاقـــــام نــومـــس مـقــامــه
هرجـه يصونـه لايجـي فـيـه تخّمـيـل=ويعـيـش عـمــره بـيــن عـــز وكـرامــه
الـمـرجـلـه لــــو إن يـديـنــه مـكـابـيــل=يوصـل لهـا مــا ينثـنـي عــن مـرامـه
والـيـا اعـتـزا ماهـمّـه الـحـط والشـيـل=مـــــوتٍ بــعـــزّ ولآ حــيـــاة الــنــدامــه
والـيــوم يـــا دنــيــا العناءوالـبـهـاذيـل=يالله عـسـى مـنّـك نـصـيـد الـسـلامـه

الشاعر
سعيد بن فالح المهداني