الشاعر بدر الحويفي

هذي القصيده للشاعر / بدر الحويفي ...
مناسبة القصيده .. ان أحد الاشخاص سئل أبو سلمان " أنت من أي القبايل" فرد عليه هذه الأبيات...
..........................

به شخص يسألني من اي القبايل=قلت اي نعم حاضر وابا اثبت وجودي
أسمع جوابي في بيوت قلايل=الأصل حربي و البطاقه سعودي
وليه علاقه مع رجال الحمايل=و باالشعر عشاق المعاني شهودي
ومن خيرة الشعار ناخذ دلايل=والشعر منهج به نزول و صعودي
وقريحتي نظم البيوت الجزايل=أرضي بها الصاحب وابا أزعل حسودي

هذي القصيده للشاعر / مرزوق بن مضحي الفريدي ....التي يجاري فيها الشاعر بدر الحويفي
.............................

البارحه ما امسيت أخيل المخايل=بين الجلد وشعاف ذيك النفودي
جتني بيوت"ن" وافيات المكايل=من شاعر يرقى الطويل السنودي
يقول يسئلني من الناس سايل=واثبت له اني مواطن سعودي
يااللي تبي عن بدر وصف وسلايل=هذاك ابو سلمان عرب الجدودي
لاصك جال بجال مامن سهايل=في فعلهم يوم الشجاع محمودي
لاثار غبار الخيل وقت القوايل=عدوهم مقفي ما اظنه يعودي

شكراً ابو نغم
على الاضافه الرائعه لاهنت
وللمعلوميه الشاعر بدر الحويفي له ديوان هنا
وتم نقل موضوعك الى هنا شكراً لك

صح بدن الشاعرين الكبيرين

وتسلم ابانغم على الاضافه

ومرحبابك ضيفا عزيزاً

صح لسان الشاعر بدر الحويفي .....
والشاعر مرزوق لو ان ملاحظه على كلمة سعودي... سراها الحويفي وكررها مرزوق بمجارااته فلو بدلها ب مواطن صمودي افضل
وجهة نظر فياليت توصل للأخ / مرزوق وهي معرضه للقبول والرفض ......

تحيااااتي

لاهنت ابو نغم
وصحت السن الشعراء الكبار
تحيتي