03-04-07, 10:52 PM
|
المشاركة رقم: 1 |
| المعلومات | | الكاتب: | | | اللقب: | عضو مؤسس وإداري سابق
| | الرتبة: | | | الصورة الرمزية | | | | البيانات | | التسجيل: | Apr 2007 | | العضوية: | 30 | | الاقامة: | بوابـــة الوطـــن | | الجنس: | ذكر | | المواضيع: | 1582 | | الردود: | 6938 | | جميع المشاركات: | 8,520 [+] | | بمعدل : | 1.37 يوميا | | تلقى » 3 اعجاب | | ارسل » 3 اعجاب | | اخر زياره : | [+] | | معدل التقييم: | | | نقاط التقييم: | 128 |
| الإتصالات | | الحالة: | | | وسائل الإتصال: | |
| المنتدى :
مجلس المحاورات والمساجلات الشعرية  راحـــوا صـنـاديــد الــرجــال الـبـوالـيـد= وجــدي علـيـهـم ليـتـهـم بـالـوجـودي
لقد ارسل لي الشيخ / نافع بن عوده بن هديب الفريدي هذه الابيات 0
وهي من شعر ه وما جادت به قريحته وقد عرضها على الامير زيد بن حماد الذي اعجب بها وقرر وضعها في كتاب مشاهير الفرده 0
وانا اعتقد ان هذه الابيات قد قيلت في رثاء فقيد قبيلة الفرده خاصه وحرب عامه وهو الشيخ / فالح بن صلبي بن دبيل ( ابو سلطان) الفريدي رحمه الله 0 وهو يتوجد بها بصفه عامه على كبارية الفر ده الذين رحلوا عنا امثال عبد الله بن علي بن مخلف بن هديب وعبيد بن هديب والشيخ جازي بن هجاج الوسوس وساير بن عبد الله بن حديد وراشد بن محمد بن سدحان 00 والشيخ محمد بن فالح بن حديد وعبد الله بن جدعاء وضيدان بن صالح بن قنيان وغيرهم من الذين غيبهم الموت عنا ولايحضرني اسمائهم رغم اننا لن ننساهم 0
لا والله إلا برك الزمل يا زيـــــــد = والحمل ما ينشال فوق القعودي
راحوا صناديد الرجال البواليــــد = وجدي عليهم ليتهم بالوجودي
وجدي عليهم وجد من طاح بالبيد = صكن عليه مجنزرات اليهودي
الى ذكرت افراق هاك الأوليــد = يا مير والله جرح قلبي يزودي
رجال(ن) لهم في صفحةالمجد تخليد = مجد(ن) تليد ورثوه الجدودي
========================================
وقد رد الأمير زيد بن حماد على الشيخ نافع بن عودة بن هديب بهذه الأبيات 000
يا أبو بدر كل الذي قلت تأكيد = إرادات خالق والخلايق شهودي
ما على نافع ولا هو على زيد = من خلق آدم ثم عاد وثمـــــودي
من ذوي جنين محدود الأمر تحديد = رزق وحياة وثالث اجل محددي
بفقد ما بالكون خيار الأوليد = وما ترى الباقي حساب معدودي
رجل كما ألف يعادل آلاف ويزيد = وآلف وجود كن ماله وجودي
كثر غثاء سيل (ن) ملا واسع الريد = للعرب والإسلام مافي ذودي
مجندين لخدمة البيض تجنيد= بيس لهاخدمة وبيس الجنودي
ناده فحل لو هو ولد رجل صنديد= مايرفع الأنذال طيب الجدودي
مثل الحويض الي على ماردت فيد= الأسم حوض ولا يجيه الورودي
للوالدين وكل الأقراب مايفيد= لسته الزوجة واهلها محمودي
وامه وابوه يزورهم في ضحى العيد = وان اسمحت له ام رائد يرودي
==========================================
هذه القصيده من مبارك بن ناصر بن حديد مجاراة للشيخ / نافع بن عوده بن هديب //
نافع شكاء الفرقا ويسند على زيد= واثا ر بركا ني وفجر صمودي
يابوبدرلاتجرح الجرح وتزيد= شكوا مثل شرواك زادت لهودي
جرحت جرح مانفع فيه تضميد= جرح الفراق الي تعداء الحدودي
فرقاالرجال الي تضدالأضاديد = في ماقفن به كل فصل معدودي
وجدي عليهم لاكن الوجد مايفيد=كم ابلجن صكن عليه اللحودي
وين الرجال وين هاك الصناديد= وين الرجال الي تحل العقودي
جمال التخوت إليارغن المفاريد= اللي مواقفهم سناد وصعودي
خذتهم الدنيا على غير مانريد= ولاظنتي في مثلهم تيتجودي
ربع لك الله شوفهم عندنا عيد= راحت بهم دنيا غدور وجحودي
دنيا كفا الله شرها كيدهاكيد= هذامصبحته وذاك مهجودي
=========================================
وقد رد عليه الشاعر / خليف بن داخل ابن نومان ألفريدي بهذه الأبيات 000
ألبارحه صار نومي تجاليد = والعين عييت في منامه تنودي
كشفت أنا الجوال ولقيت تمجيد = ورجف ضميري وساعدنه عضودي
ارسالتن تخاذ مع العمر تسنيد = تضربني ألأمواج واطلع سنودي
من نافع بن عوده شيخ ألأواليد = طيبه قديم ولا يبي له شهودي
والله ما لومه بكثر التماجيد = يبكي على ربعه باللحودي
يبكي فالح وجازي وبن حديد = ويبكي على قدامهم من فهودي
وردو على عد طويل المواريد = وأنا أحمد الله ذا شي محمودي
============================================
وقد رد عليه بادي البسيس العلوي أبو ماجد بهذه الأبيات 000
لو التوجد ينفع عبيد مع زيد = كان أتوجّد عدد رمل النفوذي
وهيهات ما ينفع كلام التراديد = والموت حق (ن) والبقا بالفهودي
وين الرجال أهل الكرم والتماجيد = ربعي وربعك يا عريب ألجدودي
عينت أبو بادي وفالح وأبا زيد = وضيدان والنومان وهل العدودي
راحوا وحنا واقفين على السيد = ما بيننا يا كود قطع الحدودي
يا أبو بدر هذا زمان التناكيد = الحق ضايع لو تجيب ألشهودي
الله يكفينا هل المكر والكيد = ونا سعودي وانت مثلي سعودي
===============================================
وقد رد الشاعر/ فهد بن فالح بن متلع ألفريدي بهذه الأبيات 000
يا أبو بدر دنياك ما بها تقاعيد = من حضر يومه زوروه أللحودي
حصلت فيها النعم وبكل تأكيد = يا أبو بدر ذكرك تعدى الحدودي
لو به أحد يفوت من صايد صيد = خلد رسول الله خيار الوجودي
ولا تلام في فقد الرجال الصناديد = سلاحنا في كل درب يكودي
ارجو للي يبدي الخلق ويعيد = عسى يبعثهم مقام محمودي
صار العوض فيهم كبار الهرابيد = اللي سوالفهم تبط الكبودي
سوالف الدنيا طوال براميد = نزولها مضمون عقب الصعودي
قد باعها ابن حميد برخص وتزاهيد(1) = حرّج عليها ما لقي من يزودي
تطرب أهل الموضات وأهل التقاليد = اللي على الشاشات مثل ألقرودي
صار ضحاياها عيال الأجاويد = شنت لهم حرب لواها معقودي
شنت لهم نار حطبها المقار يد = قاموا عليها يضرمون الوقودي
انظر محاقين الخلايا قلابيد = يحيا عليه الليل كله قعودي
ومخدرات تسود الوجه تسويد = كسبوا بها حرب بليا جنودي
المؤمن العاقل بحيّره وتنكيد = على انحرافه يبذلون ألجهودي
صلوا على اللي وحد الدين توحيد = اللي سكن طيبه وجلّى اليهودي
(1) قد باعها ابن حميد برخص وتزاهيد: ــ حيث يقول ابن حميد 000
 | |  | | وأخير منها ركعتين بالاسحار = لا طاب نوم اللي حياته خساره | |  | |  |
وقد رد الشاعر/ونيس بن عقيل الضعيني الحربي
مجاراة لقصيدة /نـــافـع بـن عـودة الفـريـدي الحـربي
هــاض الكنــين وهــيض القلــب ياعبــيد = قــاف لابــن عوده عريــب الجــدودي
ببياتــــه اللـــــي ســـــاندوها القواصـــيد = أبيـــات شــعر مثـــل عـــد النقــــودي
يشـــكي بهـــا مــن ضــيم بقعــا تناكـــيد = يشـــكي عناهــــا والنكـــد والهــــودي
ويبكـي علـى شــوف الرجـال الصــناديد = صكــت علـــيهم مظلمـــات اللحــودي
دنيـــاك مــا دامــت لعنتـــر وأبــا زيــــد = ولاأحــــدٍ مخلــــد دايمــــآ بــالوجودي
مـــال الأجــل لا قــرب الأجــل تمديــــد = شـــين محـــدد يــامـــلا مــا يـــزودي
مـــن شـــد راح ولا تفبــــد التواجـــــيد = ولا ظنتــي مــن شـــد منهـــا يعـــودي
وقبلــك جرعــت مــن المــرارة تراديــد = وكنيــت فـي داخــل حشــاي الهـــودي
علـــى النشـــامـا كاســـبين التمــاجــــيد = ســتر العـــذراى واشــمات الخــدودي
أقفـــت بهــم ســـود الليـــال الســــراميد = وحنـــا بثـــرهم نـــاطحين الســــنودي
وبـــإذن الكــريم منـــزل الـــدر بالديــد = يظهـــرمــن الأحفــاد مثــل الجـــدودي
مـــن مــاكر الأبطــال تظهــــر بوالـــيد = مثـــل الفهـــود تشــوف عندك فهــودي
ولا العفــــون ومــاكر العفــــن مايفـــيد = لــو ذره أكثــر مــن ارمــال النفــــودي
تمــت وصــلوا عــد مــاهــل مـن عــيد = علــــى محمــــد والألـــــه معبـــــودي
:d :d :d
التعديل الأخير تم بواسطة ذيبان ; 28-05-12 الساعة 01:06 AM
سبب آخر: تغيير العنوان
|
|  |
العرض العادي
