واتنفس رغم هذا الضيق في صدر المدينه

واتنفس رغم هذا الضيق في صدر المدينه

وآتنفّس رغم هذا الضيق في صدر المدينة ..!=وآتبسّم حتى لو مابه ..... عصافير وأغاني !
وانتي أنتي .. مثل ماأنتي ..ولكنّك حزينة !=تربكين الدمع ويل الدمع من ضيق المحاني !
صح أنا مااخترت اكون إنسان يمكن تعشقينه !=بس انا ماخترت أكون إلا معاك انسان ثاني !
كنت اقول البحر ماينشد عن هموم السفينه !=صرت أقول اللحين دلوني على وجه المواني !
آه .. واللي خالق ٍ بي صوت يصعب تسمعينه !=ماقطفتك ( لحظة ٍ حلوة ) من أغصان الثواني !
أشبه احساسي ولاأشبه هذاك اللي ... تبينه !=شاعر ٍ من ضعت عندك ضاع يوم إنه لقاني !
أشبه اللي مرّ في صدري وانا مدري حنينه=مثل هذا الفرح ..... هذا الجرح لامنّه بكاني !
أنسكب لك شي مثل المي ! يمكن تشربينه !=وارتوي بك شعر.. مثل الشعر لامنّه .. دعاني !
مثل هذا الحزن هذا الحزن لامرّ بـ سكينه !=مثل هذا النور مثل شعور من يدّي .. خذاني !
مثل هذا اللي يدوّر في يدينك .. عن يدينه !=مثل هذا اللي يمرّ اللحين كل اللي .. قراني !!
مثل هذا اللي يحث خطاه ماتلحق .. سنينه !=مثل هذا اللي تشوفي كيف لو شفتيه جاني !؟
شاعرك لو ماتنفّس ضاق به صدر المدينة=شاعرك لو ماتبسّم .... كان مارفّت أغاني !
أفتحي قلبك وشوفي وش ورى دمعات عينه=يمكن تحسيّن باللي ماقوى ... ينطق لساني !
لايمر ّ الحزن مثل اللي يمرّ .. وفي يمينه !=قلب ماتنبض سنينه مثل .. نبضات الأماني !
من يقول الصبح هذا صبح ! واشياءه حزينه !=من يقول الناس مثل الناس ماحس ّ بحناني !
الحزن ماهو مثل ماشعر واحسّك .. تشعرينه !=الحزن لاجيت ادور لك وانا اجهل مكاني !

ل الشآعر ../ بركات الشمري


آإملي تنآإل آإعجآإبكم ..

أخونا أبوالرجال صح لسان الشاعر . و تسلم على النقل الجميل . تحياتي

صح لسان الشاعر بركات الشمريوسلمت على الاختيار لاهنت

المشاركة الأصلية كتبت بواسطة الجديد

أخونا أبوالرجال صح لسان الشاعر . و تسلم على النقل الجميل . تحياتي

تسلم ويسلم مرورك وتواجدك
مشكور

المشاركة الأصلية كتبت بواسطة ابوحمد

صح لسان الشاعر بركات الشمريوسلمت على الاختيار لاهنت

مرورك وتواجدك وتنسيقك
له مكانةفي مصفحي
يعطيك العافية الف شكر لك

اهلا اخي ابو الرجال والقصيده ؟؟
بصراحه اكثرها حشو وتوجد بها ابيات مكسره وانا بشفافيه ومصداقيه يستحيل امر على اي قصيده الا اعطي راائي بها وافرح ليا عطوني الاخرين والمتذوقين ارائهم واتقبلها واقبل النقد بصر رحب
عندك .. المدينه مكرره مرتين .... بصراحه اول ماشوف تكرير القافيه بالقصيده اكتب عليها اكس على طول وقفت على القافيه المكرره لابد من الشاعر يحرص على انتقاء المفرده الجميله ويبتعد عن التكراار
اللذي قد يفقدالقصيده رونقهاوجمالها ويجعل للنقاد والشعراء مدخل لهم ....

اخي ابو الرجال
والا انت مشكور وجهودك رااائعه اتجاه منتدانا والكل يشهدلك... بس مدري وش جاب الشمري لك يمكن يقربلك ههه

تقبل تحيااااتي وتقديري ....

اخوى
ابوالرجال
لاهنت على النقل وصح لسان الشاعر
تحيتي

المشاركة الأصلية كتبت بواسطة هابس العلوي

اهلا اخي ابو الرجال والقصيده ؟؟
بصراحه اكثرها حشو وتوجد بها ابيات مكسره وانا بشفافيه ومصداقيه يستحيل امر على اي قصيده الا اعطي راائي بها وافرح ليا عطوني الاخرين والمتذوقين ارائهم واتقبلها واقبل النقد بصر رحب
عندك .. المدينه مكرره مرتين .... بصراحه اول ماشوف تكرير القافيه بالقصيده اكتب عليها اكس على طول وقفت على القافيه المكرره لابد من الشاعر يحرص على انتقاء المفرده الجميله ويبتعد عن التكراار
اللذي قد يفقدالقصيده رونقهاوجمالها ويجعل للنقاد والشعراء مدخل لهم ....

اخي ابو الرجال
والا انت مشكور وجهودك رااائعه اتجاه منتدانا والكل يشهدلك... بس مدري وش جاب الشمري لك يمكن يقربلك ههه

تقبل تحيااااتي وتقديري ....

اخوي هابس مرورك مبهور
رغم انه نور ألا فهو مكسر السطور
أنت شاعر فلا تحرم المتذوق كثرة النقد لما يختاره ويتذوقه
ورأيك لا محالة سوف يصل الشاعر
لكن أرحب بك في مصفحي اهلا بك اهلا بهذا المرور
وأشكر لك اشادتك ل جهودي في منتداكم
وهل تشك ان يكون هذا منتداي معك
لا يشهد لي ولك الا أقلامنا
مرحبا بك مرة أخرى أنت ومرورك نور على نور

المشاركة الأصلية كتبت بواسطة غازى بن عجاب أبوزوايد

اخوى

ابوالرجال
لاهنت على النقل وصح لسان الشاعر

تحيتي

الف شكر لك ابا فيصل على المرور والتواجد