مقانيص منوعه......نايف بن مياس

السلام عليكم ورحمة الله وبركاته

اخواني انتهاء موسم المقناص وربطنا الطيور الله يعيد الموسم علينا واخترت لكم صور


يقول الحويفي

والله يالولا غايتي ما انقـل الطيـر=مانقل على كفي خفـوق الجناحـي

أبي اليا فزت تقل شعـف معصيـر=وقفت تعقـد مـع سهـال فياحـي

ليا تلني واقفى يخطرف له السيـر=جايع وحاديه والزعل من صياحـي

لا طقهـا بالصايديـن المواخـيـر=طاحت تدوس ونجم الطير صاحـي

وليا حصل جول رتـوع ومخاميـر=في ماقع عن نشر الأدباش زاحـي

وتركزن له تقـل شـول معاشيـر=وغزن غلبهن عقب ماهن مطاحـي

منهن علق باللي مثل بكرة الظيـر=ونكد عليهن عقب ماهن ضواحـي

وجيته يمزرها على القـاع تمزيـر=يشلـق معلـق ثديهـا بالجناحـي

هذيـك والله منوتـي يالمناعـيـر=ان كان انا مجنون وان كنت صاحي

وكل برايـه لـه تصـرف وتدبيـر=ولأحد على الدنيا جلس واستراحـي

وأرزاق خلق الله وهايـب وتقديـر=ورزقي على مجرري هبوب الرياحي

ولا ينقص الرجال كثـر المخاسير=لصار دون الوجه ماهـي سفاحـي

والقل ماعذرب رجـال بهـم خيـر=والمال ماعـز الرجـال الشحاحـي

مار اتركونـي يالوجيـه المسافيـر=هذا الذي وافـق عليـه اقتراحـي

[/p
oem]










































هذي رحلة الصقار بالله وش رايكم تونس او لا معنا حق بالصيف يوم نبكي على المقناص والشتاء