( سيد الاحبـــاب )

العيد : لاعاد المــهـا سيــد الأحباب=يجي لعيده عـــدة أعيــاد ياعيــد
ويا ملّ قلبٍ من هوى الزين ماتاب=يرسم حروف الود ويحدّد القيد
على النقــا هــــذي تواصيف الاسباب=واللي خفى : هــمّ , وعواذل , وتنكيد
أحيــان صفوة ناس , واحياناً أجناب=ماضي وحاضر والليالي مفاريد
عشت الهوى جملة شقاوي ومنــصاب=في حب مكنون الغلا , زهرة الغيد
اللي عليها وصف , منه الشهد ذاب=وعنها كتبت أشجان حلو التغاريد
هــــذي حياتي بالهوى ظلّ واهـداب=وقبلي شكى بالحب عنتر وابوزيد

على النقا هذي تواصيف الاسبـاب
واللي خفى : همّ , وعواذل , وتنكيد


كان الله بالعون
الشاعر القدير نواف فارع
جنيت على غيرك وحركت مشاعر
قلت فأجدت القول قصيده اعجبتني جداً ببوحها
الصادق وتصوير الأحداث بإقتدار لله درك ابا عبدالسلام
تحيتي

صح لسانك ياابن طليحان ، لاهنت على اتحافنا بهذه الشامخة

مبدع دائماً

تقبل مروري وإعجابي

طاب مرورك ودامت كلماتك ..

شاعرنا وناقدنا / أبوفيصل .

كلك ذوق ونظر .

وتقبل تحيتي وتقديري .

أرحب والله إن ترحب ..

أخي الشاعر المتميز / عبدالله بن مغضب .


وصح كلك .

تحيتي وتقديري .

صح لسانك
ابو عبدالسلام
وافيه ياوافي لاعدمناك

صحت مشاعرك وأشجانك ... مراقبنا القدير / أبوحمد .

ودام تواجدك الرائع .

تحيتي وتقديري .

صح لسانك قمه بلابداع والاخلاق

قصيده أعجبتي وراقت لي

أخي نواف حركت القلوب الخضر من الحي

الأخضر الى الرياض الله يسامحك


تقبل أرق التحايا وأجملها

ودامت ردودك في سماء الإبداع .

شاعرنا ومراقبنا / أبوعمر .

صحت كلماتك ونقدك وحروفك .

تحيتي وتقديري .

صح لسانك على هذه الؤلؤية التي انفرطت من
صدق شاعرها وشاعريته

يعطيك العافية اخينا نواف وسلم راسك