الوقت يمضي والليالي مدابير = والجسم من زود الهواء هد حيله
تقبل عليّ هموم بقعى طوابير = وتشب صدري مثل شب الفتيله
واصبر واقول بصمت يالله عسى خير = يمكن مع الأيام تاتي قليله
أشوف ناسٍ نعنبوها طراطير = تبغى تطيح براس شاعر قبيله
قولوا لهم بدري عليهم وبكّير = أهل القلوب الحاسده والرذيله
مهما يطير البوم ويطير ويطير = بيني وبينه ألف ليله وليله
يامسويٍ حالك مثل سالم الزير = الله يرحملي زمان الجليله
وأنا شموخي ماعلي منك ياصغير = أدوس راس اللي نواني بحيله
ومن لا يقدر مالقى أي تقدير = تلغيه كل الناس باسرع وسيله
وأنا ماقول اني أنا حضرة جرير = لا شك لي موقع ورايه طويله
وابشرك ماهمني نافخ الكير = همي مع اللي له رموشٍ ظليله
الي غلاها فاق حد التعابير = مهره اصيله ايه مهره اصيله
اللي لمن قالت أبي قلت بيصير = تامر على اللي بس تبغى الكحيله
ياويل حالي كل ماقامت تسير = لا والله الا ويل حالي ياويله
تقول كنها من على القاع بتطير = ماتعترف بأسلوب لفه وميله
وأن سولفت ياناس وشلون باصير = يفقد أبو محمد بقايا دليله
ويضيق صدري لين افك الأزارير = واسرج خيول الفكر وأجلب حصيله
واجيه أنا وحروف شعري مسايير = نروا ونروي كل عرق ومسيله
اذا زهمني قلت لبا وياخير = امر ولو جات السوالف طويله
لو كن انا وياه ضمن المشاهير = والله يضيع القيس وتضيع ليله
ولو كان تدخل في سباق الاساطير = فازت فقط بلثام راقي وشيله
وأنا بفوز بحرفنة شاعرٍ غير = حرفٍ سلس واخرى حروفٍ جزيله
طغت على كل البنات الغنادير = أم الحلا وأم الغنج والجميله
الشمس تبكي له مع حزة عصير = والليل سامر في روابع جديله
والثلج سايح ذايب بجمة البير = والنار داعبها نسايم عليله
يسعد صباحه كل ماغرد الطير = ويسعد مساها كل يومٍ وليله
هذا الهواء والحب مافيه تفسير = تجعل عيونك من دموعك ذليله
اقولها من قلب صادق وبضمير = الله لا يقطع خليل بخليله
قولوا لهم بدري عليهم وبكّير
أهل القلوب الحاسده والرذيله
مهما يطير البوم ويطير ويطير
بيني وبينه ألف ليله وليله
يامسويٍ حالك مثل سالم الزير
الله يرحملي زمان الجليله
وأنا شموخي ماعلي منك ياصغير
أدوس راس اللي نواني بحيله
ومن لا يقدر مالقى أي تقدير
المصدر : مهرة أصيلة اخترت اجمل ابيات في هالقصيده
ابيات على اصوله
اشكرك
ياالمهرة الاصيله<<<غيرت اسمك ههه
2اعجاب
مهرة أصيلة 
رد: مهرة أصيلة 
تعاند من يعاندها سابقا..
العرض العادي
