ونبكي لا بكا المجروح حر بكاه يدفعنا

سراب وضحكةٍ صفرا بلا رحمة وامل كذاب = واحاديثٍ تدوس من البياض اللون والمعنى
تزور عيوننا نفحة هنا وتموت عند الباب = وتذبح صادق النية وتسري في مواجعنا
نسد الدرب في وجه الظنون ونجرح البواب = ونمشي في طريق الصبح لين الليل.. يصفعنا
مجانين البياض قلوبنا تضحك ولا ترتاب = ولو شمس الهجير تذيب املنا في مرابعنا
نفيض اخلاص نعطي من محبتنا بدون حساب=نحسب الناس كل الناس نسخة من طبايعنا
نرش الدرب للنشوان ولعينه نصير اهداب= ونبكي لا بكا المجروح حر بكاه يدفعنا
نحب النور لاجل النور لو نور النواظر ذاب =تحملنا عنــــــــانا لو غرقنا في مدامعنا
لنا في هامة العليا سكن ومن النهار ثياب=ولنا من نفحة الطيب الشذا والحق يقنعنا
نعيش اغراب بين الناس وان متنا نموت اغراب=وتنسانا العيون اللي لاجل سلوانها ضعنا
غلط .. لكن وش الحيلة؟طبيعة والطبع غلاب= نتوب وننقض التوبة ونور الصدق يتبعنا
الشاعر والإعلامي / علي المفضي الحربي

نفيض اخلاص نعطي من محبتنا بدون حساب

نحسـب النـاس كـل النـاس نسخـة مـن طبايعـنـا

نــرش الــدرب للنـشـوان ولعـيـنـه نـصـيـر اهـــداب

ونـبـكـي لا بــكــا الـمـجــروح حــــر بــكــاه يـدفـعـنـا

دائما تجود بأجزل الشعر
تعودنا منك الجزل
يعطيك العافية بن مطيع

صح لسان الشاعر والاعلامي المميز علي المفضي على

هذه الرايعه الغير مستغربه عليه وشكراً ابوصالح على

الاضافه ولك ازكاتحياتي

يبقى ابو عادل علي المفضي
رمز بالشعر والشعورصح لسانه وعلى شأنه
ولاهنت ابو صالح على الاضافه الرائعه
تحيتي

الاخوه الكرام شرفني مروركم جميعاً
وعساكم في الوجود

تسلم يمينك اخوي أبن مطيع ولاهنت

على انتقاء الرائع وصح لسان الحربي

تحيتي ...

صح بدنك على المرورالرائع والجميل

صح لسان الشاعر علي
ومشكوور اخي الغالي على النقل والجود الغير مستغربه منك تحيااتي وتقديري

صح السان الشاعر وصح بدنك ع النقل