مجالس الفرده - ونبكي لا بكا المجروح حر بكاه يدفعنا

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - ونبكي لا بكا المجروح حر بكاه يدفعنا (http://www.alfredah.net/forum/threads/alfredah34143/)

ونبكي لا بكا المجروح حر بكاه يدفعنا

سراب وضحكةٍ صفرا بلا رحمة وامل كذاب = واحاديثٍ تدوس من البياض اللون والمعنى
تزور عيوننا نفحة هنا وتموت عند الباب = وتذبح صادق النية وتسري في مواجعنا
نسد الدرب في وجه الظنون ونجرح البواب = ونمشي في طريق الصبح لين الليل.. يصفعنا
مجانين البياض قلوبنا تضحك ولا ترتاب = ولو شمس الهجير تذيب املنا في مرابعنا
نفيض اخلاص نعطي من محبتنا بدون حساب=نحسب الناس كل الناس نسخة من طبايعنا
نرش الدرب للنشوان ولعينه نصير اهداب= ونبكي لا بكا المجروح حر بكاه يدفعنا
نحب النور لاجل النور لو نور النواظر ذاب =تحملنا عنــــــــانا لو غرقنا في مدامعنا
لنا في هامة العليا سكن ومن النهار ثياب=ولنا من نفحة الطيب الشذا والحق يقنعنا
نعيش اغراب بين الناس وان متنا نموت اغراب=وتنسانا العيون اللي لاجل سلوانها ضعنا
غلط .. لكن وش الحيلة؟طبيعة والطبع غلاب= نتوب وننقض التوبة ونور الصدق يتبعنا
الشاعر والإعلامي / علي المفضي الحربي