حايل تهـل الدمع من عين الشمال ,,,, ودموع جده من بحر جده تريـق

الجرح طير في سما حزني طليق ,,,, والعين تبكي والصدر مليان ضيق
والمملكه في اخر ايام السنه ,,,, تعيش في حاله من الحزن العميق
حايل تهل الدمع من عين الشمال ,,,, ودموع جده من بحر جده تريق
وزارة النقل الاذان الصامخه ,,,, والايدي اللي بالامانه ماتليق
طريق متشقق ولاهوب مزدوج ,,,, ويش توقع يحصل بهذا الطريق
اكيد بتصير الحوادث كل يوم ,,,, وترى السبب من هالتشقق والمضيق
ياليت دولتـنـا ترمم هـالطـرق ,,,, مادام ميزانية الـدوله تطيــق
ومانيب مستغرب ياسكان العروس ,,,, لو مات منكم كل يوم إمية غريق
بس الغرابه ماحصل فالمدرسه ,,,, ماتت معلمتين من سبة حريق
ضحوا بانفسهم لإنقاذ البنات ,,,, وزفيرهم ماعاد حصل له شهيق
عسى عوضهم في حساب الاخره ,,,, قصرين فالجنه ونهر من رحيق
والله حسيبك ياوزير التربيــه ,,,, المدرسه تقول لك : توك تفـيـق
قبل امس لا طفايه اولا توعيـه ,,,, واليوم توك جاي بالحبل الوثيق
بكره يطيح السقف فوق الطلبــه ,,,, وتنشأ لجـان وهيئـه وكادر فريق
مادامت الدنيا لمنهو حبها ,,,, حتى لو انه يعيش فالبيت العتيــق
فيمكن مع الايام ياللي فالعروس ,,,, تموت من فيضان ولا من حريــق




ريم

كلام واقع ..بل مشاعر شاعر صادق لايعرف المحباه
صح لسانه
فمتى نفيق بعد فوات الاوان؟؟؟
الف شكر على الاضافه اختي