آخر 15 مواضيع : كتاب وصفات منال العالم           »          كتاب شهيوات شميشة           »          كتاب أطباق النخبة أمل الجهيمي           »          كتاب مقبلات و مملحات-رشيدة أمهاوش           »          شيلة (صدقيني ) للشاعر/ مبارك سالم المصلح الحربي ( ابن دهيم...           »          شيلة حرب(طالب من رفيع العرش)للشاعرسالم بن علي المصلح الحربي...           »          شيلة (احبك ) للشاعر/ مبارك سالم المصلح الحربي ( ابن دهيم...           »          اجتماع عائله الدغاشمه من فرده من حرب في ملتقاهم السنوي...           »          اجتماع الملسان السنوي الثالث للعام 1438           »          تغطية / اجتماع الدبلان السنوي لعام ١٤٣٨هـ           »          لجنة التنمية الاجتماعية في خصيبة تقيم فعاليات رمضانية...           »          لجنة التنمية الأهلية في خصيّبة توافق على إقامة ملتقى...           »          الشاعر/مبارك بن سالم المصلح الحربي ( ابن دهيم )قصيدة ( حرب )           »          تغطية زواج الشاب: خالد بن عفتان بن زويد الفريدي           »          قصيدة الشاعر/ نايف بادي طليحان المخرشي ورد الشاعر/عبدالله...




بعض قصائد عبدالعزيز العبلان


إضافة رد
 
LinkBack أدوات الموضوع انواع عرض الموضوع
قديم 12-09-11, 06:06 PM   المشاركة رقم: 1
المعلومات
الكاتب:
اللقب:
::عضو جديد::
الرتبة:

البيانات
التسجيل: Mar 2009
العضوية: 2000
الجنس: ذكر
المواضيع: 5
الردود: 22
جميع المشاركات: 27 [+]
بمعدل : 0.01 يوميا
اخر زياره : [+]
معدل التقييم:
نقاط التقييم: 50

التوقيت

الإتصالات
الحالة:
عبدالرحمن العبلان غير متصل
وسائل الإتصال:

المنتدى : دواويـــن
افتراضي بعض قصائد عبدالعزيز العبلان

بعض قصائد أخي الشاعر عبدالعزيز بن سعيد بن عوض الفريدي

وتلبية لطلب الأخوه الأعزاء خارج منتدى مجالس الفرده
وايضاً من المشاركين بالمجالس العامره بسمها وبهلها

اتشرف بنقلها لكم
-----------------------------------------



فنـــــا.... جيــــــــل



فنا ..جيل يالي تشربون الفناجيل=وجا جيلنا والقدس طال احتلاله
نعبد اللذي بيته حمته الأبابيل=والاقصى علينا صار شبه استحاله
ومن موجز الأخبار قبل التفاصيل=علينا ثقيل الهم خيم ظلاله
على جو غزه قصف مثل الهماليل=وفي برها الفسفور زاد اشتعاله
دمرها الحصار وبالمعابر عراقيل=وكن شعبها بالكون عايش لحاله
نشوف الفتى اللي مادله بالمداهيل=يشيل الحجر من ضيقته وانفعاله
صمد مارضخ لو غربلته الغرابيل=رساء لمر من برضه يرسّي جباله
عزومه تسوقه بالدجاء كالقناديل=لمجده ولو رجله تثنت حَبا له
شعاره ليا ضاقت دروب التساهيل=جهادي لدين الله وروحي فداله
ولاميل لو ملتم ولا أرجع ولا. ميل=عن الحق مرجع مثل من ما وفاله
وشعب العرب همه يلم المحاصيل=ومن دون دعمه مايزكي حلاله
ياهيه الليالي حالكتٍ مقابيل=توجه لمن هو ماجهلها رساله
ترا لوصفت مثل القراح الشهاليل=تذوق أبتواليها مرار الحثاله
ومنهو رضا الذله تنزله تنزيل=ومن غاب فعله مايفيده جداله
وإذا ماتوصلنا للأقصى المواصيل=عن أمة محمد مايطول انعزاله
رجاء ..جيل باقي دام فيهم رجاجيل=وإذا خاب جيل اليوم يظهر بداله

وهذه مرثية بالشيخ عايض بن عبلان


غفر الله له واسكنه فسيح جناته




على ربحك بمر ربك يحدك نوب ألد أعداك=ودونه دون ماتدري يردك اقرب أصحابك
وربك مع غنا نفسك بفضله لا قسم وعطاك=تبا ترضى بما تعطى ولا تشقابه اعصابك
وإذا في خيرها الدنيا بها طول الأمل أغراك=عسا من خيرها الخيره تخيّر خير مزهابك
تيقّن وآمن بربك ولا ينقصك فيه إدراك=فما صابك فلا يخطي وما أخطاك ماصابك
وألا ياقلب لك خمسة عشر عامٍ ولا عزاك=ولا لي بالرثا دامه ليا ماثمك ماثابك
ولكن بعد مادارت سنينك ماقدرت انهاك= عقب صبرك عسا قافك عن الخيرات مقفابك
على نظم الرثا تنظم عسا ما يوثمك معناك=تتقا واتقن المعنى توقا واحسب احسابك
تتقا لجل ماتجزع من اللي كاتبه مولاك=مادامك متقي ربك حشا المنقود ماشابك
توقا لجل مايدنا عن حدود الهدف مغزاك=ولو لي يادهر بيّن عقب حكم القدر نابك
يشوف اللي فقد غالي بساتين الزهور اشواك=ولا يّـستَر صدره لو يشوف العشب متشابك
ونا يا ضلع يهيضني لك الماضي واجي وأرقاك=ألا ياعزتي للي حداه الهم يرقابك
بلاي أن مرقبك يرقب على قصرٍ شمال أحماك=ياقصر ابروي الناظر لعل العين تروابك
وانا أدري ميت همومي بصدري غيثها ذكراك=على بالي بلا طاري ليا نسنس هوا جابك
بعد ماحكمت المولى خذت شيخ ٍ رفع مبناك=عقب خلاك ما تقدر تقف رجلي على بابك
وألا يامنزل الرحمه على روحه رجيت أرضاك=إلآهٍ منزل اكتابك شفا لصدور طلا بك




مجاره لقصيده الشاعر الكبير ابن زويبن

يامل قلبٍ هجوسه مايدارنّه=يركن على واهجه روس المشاهيبي
لولا ولولا ولولا وش ينجنّه=مافادني طبكم ياهل التطابيبي
لولا كتاب الهدا مع محكم السنه=ولولا عوايد هل الشميات والطيبي
لو ماسوالف سليم السلم سلنّه=كثرة على قلة الخيره مطاليبي
واللي عيونه غزير الدمع هلنّه=وده يروّي ظما حدبن مجاديبي
إن كان عيّن عزومه لايعزنّه=بالعز عازه عزيزات المناصيبي
وسلمت ياطيبن صدره غدا كنه=عدن قراحن من اخيار المشاريبي
يروي دلي والرشي لابد يلحنه=خلن على جاله اوسومن معاطيبي
باللي يدلن قبل صافيه يردنه=وليا شلعن تقل تشذبه المشاذيبي
عقب السقاء بالقساء لوهن يجازنه=العذب ماعذربه زعم العذاريبي
وليا نسو ماخذو بالعون مامنّه=ماجاز عما جزلبه بالمواجيبي
ما منً طيبه بناسن خيبو ظنه=ماجاد به مارجى بجره مكاسيبي


هذه القصيده في قناة لم تكن بالأساس قناة مختصه بالشعر
وقدمت من قدم ماله قبل شعره

مومن بمن انزل أيات المعارج=بالمصطفى مومن وبسرا ومعراج
ارجية لضاقت جميع المخارج=بمره يهـيـي لي من العسر مخراج
يجعل لطار الحظ برضي مدارج=ويصبح كما سيلٍ نزل يدرج إدراج
يامدور أرباحك وراء الحد خارج=وربحك بدارك وفره والي الأفراج
وشلك بناسٍ عندها النصب دارج=حتى الشعر سلعه تسوق وتنراج
وقامت قنوات الغنج والمفارج=يستثمرون الشعر بعداد وخراج
والشاعر اللي مكسبه ما يخارج=تبقى مظاريفه حبيسات الأدراج
وصاروا كما جول ٍ شلع مايدارج=وخلفه هواء الشعار منوين ماراج
لعبه مزيف حسمها من خوارج=تبغا تسبب بيننا جدال وإحراج
واليوم بانت وأقتنع كل هارج=ولاهو مطاوع بالمساكين هراج
حنا قوافينا رست كالبوارج=وراياتنا بيضٍ على روس الأبراج
يشعم حطب نيراننا مايتسارج=يسري لها الساري بلاشعلة سراج

قصيده حاول ان ادرجها كامله ولكن اصر ان اختصر ابياتها

وهي في شخص فدوه لرجال الطيب و الوفاء شرواكم

ابطيت طيب ماتبيّن طبايعك=لين المواقف بيّنة لي طبوعك
طبعك غلب يابن الهليمه تطبعك=لطيب نبع(ن)مارتوت به جذوعك
عليك كايد مايفيدك تصنعك=له منهلن دونه قريبن رجوعك
لجل زهيد المال بانت طمايعك=بين عقب زعم النزاهه دنوعك
أهل النذاله بالنذاله تطاوعك=وهل النقاء سارو على غير طوعك
عند الخطا تبشر بمن هو يركعك=ياللي لوجه الله قليلن ركوعك
كب المراجل رح وقابل ربايعك=لصار ماتقوا عليها ضلوعك



بمناسبة عيد الفطر المبارك

بديت بذكر سبحانه عليمٍ معتلي معبود=شرح صدر اللذي دايم بذكره يلهج إلسانه
مبارك عيدكم والله يتمم غاية المقصود=عسانا بسعينا نلنا رضا الرحمن سبحانه
وعسا عيد البلاد اللي تحت حكم السعود يعود=بلادٍ شرعها سنة رسول الله وقرأنه
نبارك والولا باقي وراثه ياعيال العود=نبارك والولا عهده نعيده لجل برهانه
نبارك للذي بابه بعد ربي ماهو مردود=ملكنا دام له عزه ودام الخير لخوانه
ملكنا يرخص الدنيا لجل دين الهدا المحمود=بماجاده بذل جهده لعز الدين وواطانه
وعلى شعبه شمل خيره كريمٍ ماذخر مجهود=جبر عثر الضعيف اللي شكا من قلت أعوانه
بعد شاف اللذي شونه قليلٍ مايسد اقصود=رفع شون الضمان اللي بماله عان شيبانه
دعا له شايبٍ بيته غدا بعضه شبه مهدود=بعد ماعطاه من مالٍ رفع به مايل أركانه
فرج هم الشباب اللي شكاله دخله المحدود=ومن دون الزواج أزراء يرد اديون ديانه
ورجانا بالسعد باقي عسا خير البلاد ايزود= بلادٍ برضها بيتٍ امنه الله با مانه
إلاهن تم انعامه ومن يشكر عليه ايجود=رفع شان اللذي دينه لجل يرضى رفع شانه
بلادٍ صانها الخالق وخيّب هقوة المقرود=لها منهو نوا بالسو يجي سمه بشريانه
ومصيره صابر الحاسد يشيبه غنا المحسود=مادامه ماذكر ربه يبا يوثمه شيطانه
كلامٍ صدق برهانه عليه امن الرجال اشهود=ولا فاد الردي مجدن تلاعج صفر تيجانه
وصل الله على الشافع بيومٍ للملا مشهود=نبين باعثه ربه متمم لآخر اديانه


هذه القصيده لها مناسبه .. وصاغها بحسب الزمان والمكان
والقصيده تحكي عن نفسها

ولانقول إلا الله يعز ولاة الامر ويرزقهم البطانه الصالحه


ذكرت من نزل ذكره على عبده بشهر الصوم=عظيم الملك سبحانه خفايا الكون عالمها
وسلام للمسلمين الله على السنه وطيب اسلوم=عسى ازحول الرجال الله من الأهوال ايسلمها
والا ياليت وجه اللاش من حينه خلق ماسوم=ولا نغتر بنذالن ليا بانت مواسمها
يحسب اللي لقا لقمه يعديها ورا بلعوم=ولكن شلته يبست من الخيبه بلاعمها
وقف هاك النهار اللي تلاعج في ضحاه انجوم=رجالن لعتزت تعتز ولا تردي عزايمها
وعقبه بمر سبحان نشت صوب الجنوب غيوم=عسا ربي بعد مده بوبل الوسم ايتممها
وانا لا قلتها واثق ولا ني تايه وموهوم=ولكن شلة النمه اتوها ووهمها

هذه القصيده رد اسناد من الشاعر نايف بن مياس

يابحر الهوا نايف هقابك عساه إيعوم =مجاديف نايف جعل موجك ماينسفها
تلاطم به امواجك ولا ينصفه مقسوم=على عكس مجدافه تهبهب عواصفها
يرده قدر ماهو ردين ضعيف اعزوم=والاقدار في قدرة إلآهن مصرفها
ولاهو على درك يابحر الهوا ملزوم=ولكن بيكمله مشاوير ناصفها
يعدد علل حاله ولحدن خلق معصوم=وبعض العلل دايم تصادف مواصفها
سهامه وسط صدره تبين ثلاث اوسوم=وحاله على ماحل به مايحسفها
غدا صدره معزب وهمه لفا معزوم=مشاعره في ماجوب ضيفه مكلفها
ولاهو مثل خبلن هوا ماثناه اللوم=ورايه جميع اريا عذوله يخالفها
بدربه على سامر نجومه سرا منجوم=تغره نجومن تبهره في تلاصفها
حقوق الهواوي بالهوا عدلها مهضوم=عسا تبهج الدنيا ظميرٍ معاسفها
لامات الزهر باكر يعله حقاق اوسوم=وتزهالك اثماره وتزهر وتقطفها

هذه القصيده بعد انقاطع بفتره سابقه


سلام الله على الأعضاء سلام الله على الزوار=تحيات الثناء تغلب على من مايزورها
وأنا مع منتدى ربعي وفي وبأكمل المشوار=وبا خيب خبولن في ولاي الشك ايساورها
صحيح أن كثرت الهرجه تبا تكثر بها الأشوار=وبه ناسٍ نشاورها وناسٍ مانشاورها
وبه ناسٍ على الفاضي تحب اتسلط الأنوار=وبه ناسٍ تنورنا عسا ربي ينورها
ومن ماهي ببكر أرضه ولو يزرع بها الأشوار=بعز الوسم ماتنبت ولو دارت محاورها
ولا ينبت ببستانه جديد الورد والنوار=يبا يلقا زماليقن بعد مبطا يدورها
يعيش اللي نظم قافه على المعنى كعقد اسوار=يروض شارد الجزله عقب فكره يناورها

هذه اول قصيده له


سر ياقلم وأستاذن الفكر لآذنك=أكتب من اللي في صميمه جزايل
دام المعاني بالفكر محفظة بنك=من موجب التوثيق تلغى الوكايل
ياقاف نبدع باالبدع عقب نازنك=ونعرف عميق امثايلك والهزايل
ونعرف نوجه للهدف راس نشينك=ولا نوثق الكلمة بليا دلايل
قافك بقمة حبكته مايمكنك=إلا ثلاثٍ يشعلن الفتايل
اليا بدعت القاف من شي محزنك=أٌما رثا ولا هموم وهوايل
او صار صدرك من غثا الغيض شابنك=ووجست في وسط الظماير ملايل
والا طرب ماكنه إلا يجننك=وقامت بساتين المشاعر تمايل
ياهاجسي بين لنا من مكامنك=واختر لنا من هالثلاثه.. مثايل
لاصار مانت بعايش عيشتٍ ظنك=ولالك هوا بمناسفات الجدايل
بيِِّن لنا اللي معلن له تظامنك=ومايطرب إحساسك لياصار مايل
قال ..الفريدي لاقسا الوقت مزبنك=وهو محزمك إليا أجهدتك المشايل
أغنم رجالن بالمعزه تثمنك=أعيال راشد عاسفين الأصايل
وياماس لوقالت لك الناس مثمنك=ماصرت درع لمن غزته القبايل
ومالٍ عقب قارون من كان ضامنك=لا بد له من جور الأيام زايل

في اول حفل بمناسبة عيد الفطر المبارك

نرجي كريمٍ مقتدر يقبل الصوم=ولايخيب من مضا أرمضان بقيامه
ويغفر لمن هو زل من جاهل القوم=وإيثبّت اللي ملتزم بلتزامه
والعيد عاد وياعسا فرحته دوم=وتجنب الأجواد طرق الندامه
والله يديم الغيث بديارنا اوسوم=ويحمي وطنا ولا يزعزع نظامه
وحنا دروع الدين والشرك مهزوم=بقيادة اللي يدركون الزعامه
طعنا اللذي بثنتين مايقبل السوم=شرع الشريعه والوطن هو حزامه
هذاك ابومتعب نصر كل مظلوم=وكلٍ تحت ظله يعيش بكرامه
ومن يتبع الارهاب واهم وماثوم=يخزيه ربي ولا يحقق مرامه
فرحة وطنا ما مضى مثلها اليوم=يطلب لبن نايف تدوم السلامه
والله يذل منهو به الفكر مسموم=ويعز راع الحق ويعلي مقامه
والله يهادي من عن الدين منجوم=والجهل نور الحق يجلي ظلامه
ويقافله سيري لك الدرب مرسوم=وجودي من الخيرات مثل الغمامه
شلتي قناطير الذهب كنه أرجوم=واصبح بها المهموم يهنا منامه
واليوم نور الحفل كالعقد منظوم=ولا يهون منهو له ولاه اهتمامه
ونعم بنشاما في مهماتها تقوم=ولحدٍ يقلل بالزوم ألتزامه
لوهمهم بالطيب بس حبة أخشوم=محدٍ فرض بين الرجال أحترامه
وعليه صلو عد ماتظهر أنجوم=نبينا الشافع بيوم القيامه













التعديل الأخير تم بواسطة عبدالرحمن العبلان ; 13-09-11 الساعة 12:19 PM
عرض البوم صور عبدالرحمن العبلان   رد مع اقتباس
قديم 12-09-11, 09:54 PM   المشاركة رقم: 2
المعلومات
الكاتب:
اللقب:
عضو ماسي مميز
الرتبة:
الصورة الرمزية
 
الصورة الرمزية ذعذاع الشمال

البيانات
التسجيل: Mar 2010
العضوية: 2780
الاقامة: السعـــــــوديه
الجنس: ذكر
المواضيع: 1678
الردود: 3083
جميع المشاركات: 4,761 [+]
بمعدل : 1.39 يوميا
تلقى »  9 اعجاب
ارسل »  2 اعجاب
اخر زياره : [+]
معدل التقييم:
نقاط التقييم: 50

التوقيت

الإتصالات
الحالة:
ذعذاع الشمال غير متصل
وسائل الإتصال:

كاتب الموضوع : عبدالرحمن العبلان المنتدى : دواويـــن
افتراضي رد: بعض قصائد عبدالعزيز العبلان

قصائد جزله من رجل وشاعر جزل وكفو

للأخ القديرالشاعر :: ابو عبدالاله عبد العزيز العبلان

شكرا لك اخي عبد الرحمن العبلان .












توقيع :

.
.
.
.




عرض البوم صور ذعذاع الشمال   رد مع اقتباس
قديم 13-09-11, 05:22 AM   المشاركة رقم: 3
المعلومات
الكاتب:
اللقب:


عضو مجلس الإدارة

الرتبة:
الصورة الرمزية
 
الصورة الرمزية فهد الطميشاء

البيانات
التسجيل: Jun 2007
العضوية: 423
الاقامة: القصيم
الجنس: ذكر
المواضيع: 757
الردود: 9025
جميع المشاركات: 9,782 [+]
بمعدل : 2.21 يوميا
تلقى »  37 اعجاب
ارسل »  69 اعجاب
اخر زياره : [+]
معدل التقييم:
نقاط التقييم: 346

التوقيت

الإتصالات
الحالة:
فهد الطميشاء غير متصل
وسائل الإتصال:

كاتب الموضوع : عبدالرحمن العبلان المنتدى : دواويـــن
افتراضي رد: بعض قصائد عبدالعزيز العبلان

أبو عبدالإله من الشعراء الرائعين الذين عرفناهم عن قرب بمجالس الفرده
وهو من القامات الشعرية المميزة ، وهو أيضاً ناقد في الشعر
ولا غرابة فهو نشأ في بيت شعر

كل الشكر لك : عبدالرحمن فقد اسعدتنا بهذه الروائع الجميلة ،، كل الشكر والتقدير لك
ونتمنى أن تطرح بقيّة القصائد ليكون ديوان مكتمل لشاعرنا
ليرجع إليه محبوه وهواة وعشّاق الشعر

بارك الله فيك












توقيع :

.

تؤمـل في الدنيا طويـلاً و لاتـدري ** إذا جـنّ ليــل هـل تـعيش إلى الـفجر
فكم من صحيح مات من غير علة ** وكم من مريض عاش دهراً إلى دهر

.

عرض البوم صور فهد الطميشاء   رد مع اقتباس
قديم 13-09-11, 05:40 AM   المشاركة رقم: 4
المعلومات
الكاتب:
اللقب:

المشرف العام
عضو مجلس الإدارة

الرتبة:
الصورة الرمزية
 
الصورة الرمزية عبدالله حمد الفريدي

البيانات
التسجيل: Jul 2010
العضوية: 3075
الاقامة: القصيم بريده
الجنس: ذكر
المواضيع: 952
الردود: 7757
جميع المشاركات: 8,709 [+]
بمعدل : 2.65 يوميا
تلقى »  102 اعجاب
ارسل »  131 اعجاب
اخر زياره : [+]
معدل التقييم:
نقاط التقييم: 107

التوقيت

الإتصالات
الحالة:
عبدالله حمد الفريدي غير متصل
وسائل الإتصال:

كاتب الموضوع : عبدالرحمن العبلان المنتدى : دواويـــن
افتراضي رد: بعض قصائد عبدالعزيز العبلان

اخو عبدالعزيزالعبلان صح لسانك
قصائد جزله من شاعراً اعتدنا منه الجزاله
وبيض الله وجهك عبدالحمن مجهود رائع تشكر عليه
وبنتظار باقي القصائد لاهنت












توقيع :

عرض البوم صور عبدالله حمد الفريدي   رد مع اقتباس
قديم 13-09-11, 12:19 PM   المشاركة رقم: 5
المعلومات
الكاتب:
اللقب:
مراقب بيت القصيد
الرتبة:
الصورة الرمزية
 
الصورة الرمزية علي الجضعان

البيانات
التسجيل: May 2007
العضوية: 415
الاقامة: في وطن الشموخ
الجنس: ذكر
المواضيع: 543
الردود: 7569
جميع المشاركات: 8,112 [+]
بمعدل : 1.83 يوميا
تلقى »  41 اعجاب
ارسل »  14 اعجاب
اخر زياره : [+]
معدل التقييم:
نقاط التقييم: 166

التوقيت

الإتصالات
الحالة:
علي الجضعان غير متصل
وسائل الإتصال:

كاتب الموضوع : عبدالرحمن العبلان المنتدى : دواويـــن
افتراضي رد: بعض قصائد عبدالعزيز العبلان

شاعر يجبرك على قراءه قصائده كل ماتمر من هناء له بصمه يصعب تقليدها

تقبل أرق وأجمل تحياتي والف شكر ع الأضافه

مشرفنا الغالي نطلب منك قصائدغزل أذا تكرمت












توقيع :



عرض البوم صور علي الجضعان   رد مع اقتباس
قديم 15-09-11, 12:39 PM   المشاركة رقم: 6
المعلومات
الكاتب:
اللقب:
إداري سابق
الرتبة:

البيانات
التسجيل: Feb 2008
العضوية: 917
الجنس: ذكر
المواضيع: 107
الردود: 1232
جميع المشاركات: 1,339 [+]
بمعدل : 0.32 يوميا
تلقى »  5 اعجاب
ارسل »  5 اعجاب
اخر زياره : [+]
معدل التقييم:
نقاط التقييم: 50

التوقيت

الإتصالات
الحالة:
عبدالعزيز العبلان غير متصل
وسائل الإتصال:

كاتب الموضوع : عبدالرحمن العبلان المنتدى : دواويـــن
افتراضي رد: بعض قصائد عبدالعزيز العبلان

يعطيك العافيه يابو عوف

واشكر الاخوان ذعذاع وفهد
وابو حمد وابو عمر

على تواجدهم

ومرورهم المشرف

ولهم فائق التقدير والاحترام

وبالنسبه لطلبك يابوعمر إن شاء الله تخضر بساتينه

(شعر الغزل)
وابشر

تحيتي للجميع












توقيع :


لو من توجّد جابله وجده الجود=محدن بزين أسلوم ربعه تجوّد


عبـدالعزيز بن سعيد بن عوض الفريدي


التعديل الأخير تم بواسطة عبدالعزيز العبلان ; 15-09-11 الساعة 01:21 PM
عرض البوم صور عبدالعزيز العبلان   رد مع اقتباس
قديم 11-12-11, 09:43 PM   المشاركة رقم: 7
المعلومات
الكاتب:
اللقب:
إداري سابق
الرتبة:

البيانات
التسجيل: Jun 2007
العضوية: 472
الاقامة: الخبر
الجنس: ذكر
المواضيع: 99
الردود: 1079
جميع المشاركات: 1,178 [+]
بمعدل : 0.27 يوميا
تلقى »  12 اعجاب
ارسل »  19 اعجاب
اخر زياره : [+]
معدل التقييم:
نقاط التقييم: 50

التوقيت

الإتصالات
الحالة:
نواف بن هلال غير متصل
وسائل الإتصال:

كاتب الموضوع : عبدالرحمن العبلان المنتدى : دواويـــن
افتراضي رد: بعض قصائد عبدالعزيز العبلان

قصيد جزل
فعلا يجبرك على قراءته جزالته












توقيع :



ياشمس انا عايش على اشعة الشمس=لاتختفين وتنتهيبك سنيني
بعدك حمسني في خفا خافقي حمس=له واهجٍ سوه على نون عيني
وشلون ابأسهر في غيابك وانا عمس=وأسلا وعثرات الزمن تحتريني

عرض البوم صور نواف بن هلال   رد مع اقتباس
قديم 31-08-12, 03:22 AM   المشاركة رقم: 8
المعلومات
الكاتب:
اللقب:
إداري سابق
الرتبة:

البيانات
التسجيل: Feb 2008
العضوية: 917
الجنس: ذكر
المواضيع: 107
الردود: 1232
جميع المشاركات: 1,339 [+]
بمعدل : 0.32 يوميا
تلقى »  5 اعجاب
ارسل »  5 اعجاب
اخر زياره : [+]
معدل التقييم:
نقاط التقييم: 50

التوقيت

الإتصالات
الحالة:
عبدالعزيز العبلان غير متصل
وسائل الإتصال:

كاتب الموضوع : عبدالرحمن العبلان المنتدى : دواويـــن
افتراضي رد: بعض قصائد عبدالعزيز العبلان

لاهنت يانواف على التواجد

وابشر يابو عمر بالغزل الاسبوع القادم لدي قصيدتين

ابشوف الانسب بوقتها وابشر يابن جضعان

تحيتي للجميع












توقيع :


لو من توجّد جابله وجده الجود=محدن بزين أسلوم ربعه تجوّد


عبـدالعزيز بن سعيد بن عوض الفريدي

عرض البوم صور عبدالعزيز العبلان   رد مع اقتباس
إضافة رد

الكلمات الدلالية (Tags)
العبلان , عبدالعزيز , قصائد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
مجموعة قصائد قيلت بخضير ابن داموك الفريدي الحربي ذعذاع الشمال مجلس فضاء الشعر 2 26-03-12 05:25 PM
ديوان الشاعر علي محمد الجضعان ((قصائد)) ابـن مـطـيـع دواويـــن 33 03-01-12 12:15 AM
من قصائد حجرف الذويبي.. سلطان أبن ذويـخ مجلس قصة وأبيات 2 24-07-11 11:00 PM
قصائد صوتيه للشاعر بن فطيس منصور الوسوس مجلس القصائد المرئية والمسموعة 3 31-07-10 03:10 AM
قصائد مختاره من ملتقى الربيع ( كبد ) متعب بن نومان مجلس الشعر الخاص 5 10-03-08 11:51 AM


الساعة الآن 09:56 AM


Powered by vBulletin® Copyright ©2000 - 2019, Jelsoft Enterprises Ltd.
Content Relevant URLs by vBSEO TranZ By Almuhajir
Ads Management Version 3.0.1 by Saeed Al-Atwi
لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52