يا اللي شريت البعد ما غاب طاريگ ♥ •

•... يا اللي شريت البعد ما غاب طاريگ ♥ •

شفتك بعد غيبه و حاولت احاكيك =مهوب من قلبي ولا من جراته
بغيت اقول فلان و ازريت اناديك =وكني سمعت اسمي معا الالتفاته
فزيت من نومي وانا اقول لبيك =و اثرك رؤيا .. في منامي وجاته
صفقت كف .. وقلت يا حلم يشوويك =جددت لي جرح هنى في مباته
يا اللي شريت البعد .. ما غاب طاريك =حتى لو ان البعد .. سوى سواته
مهوب محزني .. على حاجة فيك =الا ان قلبي شايف بك غناته
كن الطيوف تقول وش حال غاليك=واقول راح .. وما بقى الا غلاته
لو ان ماجاني من الهم ياتيك =كان المصلي ما حفظ وش صلاته
مريت شارعكم وصادفني اخيك =واللي قطع كبدي ..حلاتك حلاته
بغيت الخبط من دعاياه.. وادعيك =واسمك وقف بين اللسان ولهاته
وبغيت اجيب العيد واقول : يرضيك =فاللي وصاتي له .. وضيع وصاته
البعد شيب خافق ميت فيك =والى مشى خطوه عثر في عصاته
مشكلتي ان قلبي يحبك ويغليك =ومشكلتك انك شخص عايش حياته
كثر الجفا .. نار .. وحطبها تغليك =خف الحطب .. لا تزيد نار الشماته
إن ما احزنك جرح برجواه يدعيك=ماعاد تفرق عيشته من مماته
قلبي وعمري .. كلها بين اياديك=العمر فدوه .. لكن القلب هاته
وإن مابغيت ترد قلبي ما او اوصيك =احسن عزاه .. اللى دريت بوفاته