آخر 15 مواضيع : كتاب وصفات منال العالم           »          كتاب شهيوات شميشة           »          كتاب أطباق النخبة أمل الجهيمي           »          كتاب مقبلات و مملحات-رشيدة أمهاوش           »          شيلة (صدقيني ) للشاعر/ مبارك سالم المصلح الحربي ( ابن دهيم...           »          شيلة حرب(طالب من رفيع العرش)للشاعرسالم بن علي المصلح الحربي...           »          شيلة (احبك ) للشاعر/ مبارك سالم المصلح الحربي ( ابن دهيم...           »          اجتماع عائله الدغاشمه من فرده من حرب في ملتقاهم السنوي...           »          اجتماع الملسان السنوي الثالث للعام 1438           »          تغطية / اجتماع الدبلان السنوي لعام ١٤٣٨هـ           »          لجنة التنمية الاجتماعية في خصيبة تقيم فعاليات رمضانية...           »          لجنة التنمية الأهلية في خصيّبة توافق على إقامة ملتقى...           »          الشاعر/مبارك بن سالم المصلح الحربي ( ابن دهيم )قصيدة ( حرب )           »          تغطية زواج الشاب: خالد بن عفتان بن زويد الفريدي           »          قصيدة الشاعر/ نايف بادي طليحان المخرشي ورد الشاعر/عبدالله...




ديوان الشاعر / بدر الحويفي


موضوع مغلق
 
LinkBack أدوات الموضوع انواع عرض الموضوع
قديم 09-08-09, 11:56 AM   المشاركة رقم: 1
المعلومات
الكاتب:
اللقب:
مشرف سابق
الرتبة:
الصورة الرمزية
 
الصورة الرمزية f15

البيانات
التسجيل: Aug 2008
العضوية: 1293
الاقامة: بريدة
الجنس: ذكر
المواضيع: 1624
الردود: 5444
جميع المشاركات: 7,068 [+]
بمعدل : 1.79 يوميا
تلقى »  2 اعجاب
اخر زياره : [+]
معدل التقييم:
نقاط التقييم: 121

التوقيت

الإتصالات
الحالة:
f15 غير متصل
وسائل الإتصال:

المنتدى : دواويـــن
ديوان الشاعر / بدر الحويفي

السلام عليكم ورحمة الله وبركاته

حبيت أقدم لكم مجموعة من قصايد الشاعر الكبير :: بدر الحويفي

وبدر قصايده كثيره واغلبها في وصف الطير والمقناص ...




القصيدة الاولى



وان كان تقدر لا طلب منك عـاز ه
عطه الطلب تقدير لا يطوي اليـاس
واهـم ميـزه بالنفـوس العـزازه
والا ضعيف النفس ماهو على ساس
واظن مابه شخص مابـه حـزازه
يرضى على ناس ويزعل على ناس
ومن لا عرف قدر الشرف وامتيازه
هذاك لا يشعر ولا عنده أحسـاس
ضميـر مايشعـر عبـاره جنـازه
مايجمعه بالمجتمع نبـض الأنفـاس
وصحبت ضعيف العقل مثل القزازه
مهمـا تداريهـا تكّسـر وتنحـاس
هذا ولو كـل المساعـي مجـازه
ماصار بالدنيـا موازيـن وقيـاس





القصيدة الثانية:



يالله ياجالي صـدى كـل كربـه
ياللي عن الطلاب ماصـك بابـه
تفرج لمـن ذاق بالعمـر طربـه
شيبه تكامل قبـل يكمـل شبابـه
امضى حياته بين سفـره وغربـه
ولا ساعده حـظ الشقـا بانقلابـه
واقرب قريب ليا شكى مانظربـه
خلان وقـتٍ اليـوم كـلٍ هبابـه
ماكل طيرٍ يعجب اللي صقر بـه
ولا كـل رجـالٍ يثمـن جوابـه
ولا كل من يبني جدار استتر بـه
ولا كل جـارٍ تستريـح بجنابـه
ولا كل من يملك رصيد افتخر به
مالٍ بدون حقوق واضـح عيابـه
الا الذي بالواجبات اشتهـر بـه
يحوز تقديـر الشـرف باكتسابـه
وطاع الذي فعل المكارم امربـه
يرجي رضا الخالق ويخشى عذابه





القصيدة الثالثة:



انا مع الطيّب علـى كـل بابـه
اللي ورى ظني تعـدى هقاويـه
احسب حسابه واتحمـل عتابـه
اللي من الحكمـه نتايـج مباديـه
واللي يجي يمي هـلا مرحبابـه
عندي على الميسور والله يحييـه
ومن صد عنّا ما حسبنـا حسابـه
لا هو برجيني ولا نـي براجيـه
من زارني زرته وأقـدر جنابـه
ولا همني شخصٍ عطاني علابيه
كان اجنبي والا من ادنى القرابه
مااشره عليه ولا يجي لي مشاريه
سلامةٍ من بعض الأشياء كسابـه
والرجل يعرف مايصيبه ويخطيه





القصيدة الرابعة:



واطيري اللي صـار موتـه غبينـه
تفريط موتـه والسبايـب مريخـان
ذبّاح ماشافـت علـى القـاع عينـه
جزام مايكفـخ علـى غيـر برهـان
وصايفه من كـل الأطـراف زينـه
ماقلت به لـولا ولا قلـت نقصـان
قطعيـةٍ حرشـاء قطـوعٍ متيـنـه
شرق ووصايفها تواصيـف شيهـان
عوق النفيج ان صار بأرضٍ حصينه
اللـي مزابنهـا خمايـل وشعـبـان
لا صفّحت عنهـا التبـوع المهينـه
وباهت سلقها والقصص بأرض قيعان
والخـرب منهـا مايفكـه خزيـنـه
مضرابها مع غاربـه بيـن الامتـان





القصيدة الخامسة:



لا شفت لي شخصٍ علي متغيّر
ماني على شوفه وروياه منحـد
انا ليـا منـي توريـت أسيّـر
سيرت يم اللي ليا جيت ماصـد
علاقتي بالناس مـع كـل خيّـر
لو كان مالي في نسوبه نسب جد
وجه السعد في كل الأحوال نيّر
مـن مذمـوم الطبيعـه تعـقـد
ماني رفيق اللي ذراعه قصيّـر
لا صار ماهو بالمهمات مسنـد
انا من ابطال الرجـال متخيّـر
اللي مساعيهم شريفـه وتحمـد
ولاني من اقوال الغشوم متـذيّ
رناس على سرد السوالف تهدد
واللي يعيب الناس عقله صغيّـر
لاشايف عيبـه ولا حافـظٍ سـد
ماقلتها للنـاس قصـدي معيّـر
انا عن القول الرخيـص اتبعـد
ولا ني على فكر الأوادم مجيّر
الطبع تيـارٍ بالافكـار يصعـد





القصيدة السادسة::



من لا يقـدر واجبـي مارجيتـه
كان أجنبي والا من اقرب لحومي
اللي ليـا منـي بحاجـه بغيتـه
عقد حجاجه تقل مصاص لومـي
لو هو بكيفـي يعلـم الله رميتـه
واشوم للطيّب قـوي العزومـي
اللي يقـدر عنوتـي لا نصيتـه
يفرح ليا جيته ويقضي لزومـي
وجه السعد فعله ورى اللي هقيته
لعل يفدونـه جميـع الرخومـي
اللـي مشـرّع للمساييـر بيتـه
مزاح ماهـو دوبلـيٍ كظومـي





القصيدة السابعة



هذي قصيده من قصـار القصايـد
موضوعها يشرح عن الصيد تقرير
ما اظن باقـي للحبـاري شرايـد
من يوم كل الناس صارو صقاقيـر
ناسٍ تجـول مـن جميـع البدايـد
أهل ولع كلٍ على المرتبـه طيـر
وانا عن الموضوع ما مـن بعايـد
مالومهـم زميلـهـم بالمشـاويـر
وليا لقينـا اللـي هالأيـام صايـد
رحنا على دربه عسوس ومداويـر
وقلنـا ياليتـك معلـنٍ بالجـرايـد
ياللي ذبحت الخرب واف الاشابير
فعلك على اللـي مالقـى الصيـد
زايدواصل مسيرك ياعشير المناعير
كان انت لا دورت تلقـى طرايـد
شد الرحـال ومتـر البـر تمتيـر
خـل الكسـل لمكبريـن الوسايـد
ياللي مع الصحراء تـدل المعابيـر





القصيدة الثامنة:



الوضع اشوفه منعكس ومتغيّـر
مهما بغيت تعدل الوضـع عيّـا
دورٍ به العاقل صحيح متحيّـر
واللي يريد بخاطـره مـا تهيّـا
واكبر مصيبة كل ماجا مسيّـر
وقال الجماعه قلت ماهم هنيّـا
دام القريب من القريب متذيّـر
وسوس له الشيطان من غير شيّا
هذا خطا مايقبلـه كـل خيّـر
ماكان سلـم اسلافنـا هالسويّـا
راحوا هل الجيره وحق المجيّر
ابعد علينا مـن نـوال الثريّـا
ولا اقول ماباقي للأجواد ديّـر
ما أذم عشاق الشرف والحميّـا






القصيدة التاسعة:



يا علي طيري ضاع باادنى (طميّه)
اقفى وانا مع ساقته ناشف الريـق
اقفـى يجـاذب خـارمٍ شقلبـيـه
لا صاعها تعطي عن الطير تدنيـق
وعودت اصفّق ياعلي فـي يديـه
في ساعةٍ صارت علي السعه ضيق
مدري يمومـه ياعلـي بـأي نيـه
اتلى الخبر به يوم تـلّ المسابيـق
بينـي وبينـه تزمـي الجرهديـه
باارضٍ وعر منها تهاب السواويق
مافيـه درب إلا لـراع المطـيـه
وتسددت قدمي جميـع الطواريـق
وعودت بحـلٍ ياعلـي بالقضيـه
وعلقت دسّـه ياعلـي بالمعاليـق
من عقب ماني كـل يـوم بشغيـه
اليوم ابقضب دافيـات المشاريـق





القصيدة العاشرة:



ياالمنتقد مالك علـى النـاس مدخـال
شوري توقع واقصر الحبـل للغـوج
راجع ضميرك قبل احطك على البـالإ
ن كان ماراسك عن الشـور مصنـوج
مادام مكنونـي ورى عجـم الاقفـال
ترى الهروج الفاضيه ما لهـا حـوج
حنا عـرب مـا همنـا نقـد الانـذال
نحمـى كرامتنـا ولانقبـل الـعـوج
اجـواد ماننقـص للاجـواد مكـيـال
اهل نقاء ماهـي سواليـف وهـروج
ياللي تحيـل والدهـر فيـك محتـال
هاك الزمان اللى به الوجـه مسهـوج
ايام فيها عشـت فـي خـوف واذلال
مثل المريعي يسبـر الحـوم ويلـوج
واليـوم مامثلـك ولا صـار رجـال
وعندك لتحريـف السواليـف كتلـوج
عن جيلنا الحاضر وعن ماض الاجيال
تخفاك عادات العرب وانت مرجـوج
وان طعتني تعرض عن القيل والقـال
تراك مهمـا غـرك الـزود مفلـوج
انعم بظـل اللـي لنـا درع واظـلال
للـي يقـودون السفينـه مـع المـوج
قيـاد رايتـنـا صنـاديـد الابـطـال
اهل السيوف اللي بها السـم ممـزوج
عيال الحرار اللي بها تضرب امثـال
والا انت لو يضرب بك الوصف فروج






القصيدة الحادية عشر::



يارجـل لا تنقـل نبـاء كـل نـقـال
به نـاس حتـى الميـت مايتركونـه
والقيل عنـدي لـه مفاتيـح واقفـال
معنـاي ماكـل العـرب يفهمـونـه
ولا اقول انا زايد علـى كـل رجـال
كم واحـد مايقصـر العـرف دونـه
خص الرجال اللي يجيـدون الامثـال
البيـت عـن معنـاه مـا ينقصونـه
اخص لي نـاس يحوسـون الاقـوال
ا لبيت لـو هـو معتـدل يكسرونـه
لو هم كبار اعمـار بالعـرف جهـال
ومـن عمـي قلبـه ماتفيـد عيونـه
وان شفـت لـي شـخـص خـيـال
ي وخيالما اشفق عليه ولا تدخل بشونه
ينبيه عـن حظـه تواريـخ الاجيـال
يجهـل خبـر والنـاس مايجهلـونـه
يشوف نفسه ويـن مـا مثلـه امثـال
ترميـه باحضـان الجهالـه ظنونـه
والناس تعـرف بالطبايـع والافعـال
واللـي تعـزه سمعـتـه يمدحـونـه
والماء يجيبه عـذب ويجيبـه احثـال
والكون به مـن كـل كايـن نمونـه





القصيدة الثانية عشر:



يالله يامـكـون بـالأجـسـام الارواح
ياكاتـب الارزاق والاجـل بالـلـوح
ياللـي بتقديـرك تصاريـف الاريـاح
بأمرك وتسهيلك عبـر بالبحـر نـوح
تجعل لنـا بهـداك ممسـا ومصبـاح
واجعل لنا في طاعتك صدر مشـروح
قبل انتـداب اللـي للاعمـار يجتـاح
اللي من أعصاب لجسد ينزع الـروح
مهمـا تقـدم علمنـا والجـهـل راح
الملتزم من بعض الاشكـال مجـروح
يشـوف بعيونـه تقالـيـد وأشـبـاح
وملابس تلبس علـى جسـم مفضـوح
لبس الخـوارج عندنـا زاد وانسـاح
وهذا خطا ماهـو بالأسـلام مسمـوح
وكثـر التبجـح والتفاخـر بالأفـراح
ينخاف مـن عقبـاه تبذيـر مسفـوح
تبذيـر للنعمـة وتنثـيـر واشـفـاح
وبعض الشعوب بغيهب الجوع مطروح
مافيهم اللي من طوى الجـوع مرتـاح
اللي هلك واللي على الجنب مسـدوح
مانعتبـر ونكـرر الشكـر بالـحـاح
والموعظة نلقي لهـا سمـع وشبـوح
الديـن لـه مرشـد وللخيـر نصـاح
وبـاب الكرامـة للمنيبيـن مفـتـوح
وحفظ الشرف والدين للمسلم اوشـاح
تاج على متنـه مـن الـرب ممنـوح
الديـن بالدنيـا لنـا عـز وســلاح
وبالاخرة نـور لنـا بالدجـا ضـوح
والصبـر والتوحيـد للخيـر مفتـاح
وهدي النبي توجيه ناصـح لمنصـوح
واللي ربح يـوم الخسايـر والاربـاح
اللي كتابـه عـن خطايـاه ممسـوح






القصيدة الثالثة عشر:



ما بالكرم يا زول عيب ومعاييـر
العيب باللـي يالـردي ينكرونـه
لعـل بيـتّ ماتجيـه المساييـر
واللي يبون الكيـف ماينحرونـه
ينزل عليه الفقر قسمـه وتقديـر
من واحدٍ كـل المـلا يرتجونـه
مثبى الرخوم اللي تهاب المخاسير
المال لأعمـار الفنـاء يجمعونـه
أخص من هو عند نفسه كما الزير
والمرجله عنها الرخامـه تخونـه
محروم مايقدر على نيـة الخيـر
مثل العقنقل بس يـدرج مكونـه
عساه يفـدى الطيبيـن المناعيـر
اللي ليا اقبل ضيفهـم ينطحونـه
اللي ليا شانـت وجيـه المثابيـر
بالواجب الموجـود مايذخرونـه
والطيب سلعه للوجيـه المسافيـر
كان الردي يحسب كرمهم مهونـه
العيب باللي به عن الطيب تقصير
اللي ليا أوجس نايبه غـار لونـه
وشعاد لـو يملككنـوز ودنانيـر
محروم ماله غير نظـرة عيونـه
لا قربوا عند الضريـح الحفافيـر
والمال ضاع وصاحبـه يدفنونـه
ما نال به طوله ولا نال به خيـر
حصل غثـاه وورثتـه يقسمونـه
ويبقى الثناء لأهل الثناء يالمعاثيـر
وجزاء الكريم من الكريم المعونه






القصيدة الرابعة عشر:


صح باالعادات عنـوان الدبـور
تكثر الغلطات وأسبـاب النـزاع
ان تحملنا الزعل فـج الصـدور
وان تكلمنـا لنـا حـق الدفـاع
كيف يتـرك كـل نبـاحٍ عقـور
تزعج العربـان بحلـوقٍ وسـاع
قامت الادياك تطمـع بالصقـور
والثعالب ما تهاب مـن السبـاع
وش هدفكم يامخوشـة الجحـور
مدة الفاره على الافعى الـذراع
والوضيع اللي عن الراي امحقور
صار له بالمجتمع منطـق وذاع
كيف ينسى قيمته ماض العصور
يومهـا بالملـح والملحـه يبـاع
كـل شــيٍ يامماليكمخـبـور
لم ربي شملكم عقـب الضيـاع
في ظلال اللي لهم بالمجـد دور
الاسود اللي لهـم بالمجـد بـاع
شبرهم زايد على كـل الشبـور
آل سعود اللي لهم امـرٍ مطـاع
ضدهم مكسور باسـه ومعثـور
وارثين المجد من ليـثٍ شجـاع



القصيدة الخامسة عشر::



انا اكتفيت بعـز راسـي وربعـي
ماهو مخافـه يالسنافـي سكاتـي
انا على مجـراي الاول وطبعـي
وفي حـال وفـي حـال عاتـي
ليا عوى الذيب المناحـر لسبعـي
اقيس بالحاضر مـدى المقبلاتـي
مااشر على هذا وهـذا بصبعـي
ولا انفخ على ذرعان جسمي لهاتي
ولا اقول بالمنتوج نصفي وربعـي
ولا اقول انا ابو زيد ولا الزناتـي
عن درع ابو عمار قانـع بقبعـي
وشرار ضوي مالفزه في عباتـي
لو مادخل قولي نظر كـل تبعـي
تجوف الزول الغشيـش طعناتـي
ماني غديرٍ يرشح القيـض نبعـي
انا من الصافـي تصـدر رواتـي
ولاني بحال اللي ضحكعقب شبعي
واصبح يحلل منطقـي وكلماتـي
قانع بعرفي لو ضحككـل هبعـي
نـاسٍ يحركهـا النسيـم لشماتـي
ادامها مـن حلـق دبٍ وضبعـي
ادرجتهـا فـي سلـة المهملاتـي






القصيدة السادسة عشر:



البل عطايا الله اللي قدرهـا عالـي
سفن الصحاري سعدها في قوايمها
تبـي لهـا واحـدٍ يبذلهـا الغالـي
مثل (الفريحي)مـدللها ومكرمهـا
ومثله رجالٍ تقدر حرش الاذيالـي
عن صالح الذود ما تبرد عزايمهـا
واللي سجنها بشبكوقيـد وعقالـي
حقيقه إنه مهيـن البـل وظالمهـا
تأكل بعضها زعل من قلة الوالـي
تصرّف اللي يهين الإبـل حطمهـا
خص اللي حطها في شبكالاهمالـي
يومين عنها يغيب ويـوم يطعمهـا
واللي يبي يعترض ويعارض امثالي
يرسل علّيـه تقاريـره ويحكمهـا
وباتصرف معه في كل الاحوالـي
وأنا رجل ما اظلم العالم ولا اشتمها
وعندي براهين تثبت كل الاقوالـي
ناسٍ تعرف الصحيح وناس اعلمهـا
وانا تراي اعرف المخرج ومدخالي
والسالفه واضحه من دون أترجمها
ومعنى القصيدة يخاطب ناس عقالي
ماودي الناس تغفـل عـن بهايمهـا
إن طاعوا الناس هذا اللي يورالـي
وإن عيت الناس مالي حق يلزمهـا
وإن كان به واحدٍ رأيـه تصدالـي
يرسل لي الحجة البيضاء ويرسمها





القصيدة السابعة عشر:



ياهل النياق اللي عليهـن تصكـون
من فضلكـم لا تسجنـون البهايـم
ما فيـه داعـي للبهايـم تحبسـون
خلـو عطايـا الله تـذب الخرايـم
ياليتكـم عـن مشتراهـا تجـوزون
والا تبّعـد عـن صطـول القمايـم
امـا عطوهـا حقهـا لا تشحـون
والا اتركوهـا مالكـم بالظـلايـم
بحقوقها اللـي واجبـه لا تعيـون
الله عطاهـا للصـحـاري قـوايـم
البل بها شجعـان نجـد ايتعـزوون
اللـي وراهـا يجدعـون العمايـم
مقدارها عنـد المناعيـر مضمـون
يـوم انهـا بيـن القبايـل غنـايـم
ليت الذي تحت المقابـر يشوفـون
اللي عن البـل جاهـدوا بالعزايـم
عنها بميـدان المعـارك يهوشـون
يوم الرمكتعطـي هجـوم وهزايـم
هذا وانا ما افرض على الناس قانون
وجهة نظر ما افرض عليهم لزايـم
واللي عطوها حقهـا مـا يلامـون
بعنايـة البـل مالحقـهـم لـوايـم





القصيدة الثامنة عشر::



الكريم اللي نزل عنـد البخيـل
ضايقه مايحتمـل فعـل الخيـار
الكرم يصعب على الرجل الرذيل
ضعف نفسه عيّفه حسن الجوار
والكديش يهس عن شوط الاصيل
والصويتـي مايجاريـه الثبـار
الجزيلـه مايحصلهـا الهزيـل
والتحـرص مايطّـول بالعمـار
الردي مثل السراب بلا حصيـل
بالمثل قد الجحـش در الحمـار
والتوبيع لا طلع ماسـال سيـل
والكرم كالغيث والبخـل الغبـار
والجزالة مستوى الرجل النبيـل
والردى يمناه محسـوب اليسـار
الرجوله سلّّمٍ صعـب وطويـل
يمنع الرديـان عنهـا الانهيـار





القصيدة التاسعة عشر::



(يابو حسن) غشام ماهو على الكيف
عيّـا يحـول لـو ربطنـا الحمامـه
يقـول ابقعـد بالهضـاب المقاييـف
قد هـج منـي ماحسـب بالسلامـه
يقـول ابقعـد بالبـراد الهفاهـيـف
اخيـر مـن قصـرٍ عليّـه اردامـه
مبرقعٍ راسـي ومربـوط ومخيـف
ولاشفت عنـدك يالحويفـي كرامـه
بالبر انتـف ناعـم الريـش تنتيـف
آكل طري الهبـر واتـرك اعظامـه
وعندك على جلمد بعيرٍ تقـل ليـف
ياخـذ بحلقـي شدتـيـنٍ وقـامـه
والبـق ياخـذ لـه عليّـه تصانيـف
وحتى الدجاج يهوزني بـه حدامـه
ياطيـر تكـذب يـاردي المعاريـف
ماجـاك منّـا يالمفضّـح مـلامـه
غداك من هبـر البكـار المشاعيـف
اللي كبـر رجـم (النميري)سنامـه
مرباعها خضر الفيـاض المطانيـف
ترعى من (الشملي) ليا خشم (رامه)
انشد (عريفج) يوم احسب المصاريف
شهـد ووقـع لـي ببسـرة بهامـه
واجبك نركض به مثل واجب الضيف
لا واخسـارة حذفـتـي للعمـامـه







القصيدة العشرون::



لو كل رجلٍ ينقل الطيـر صقـار
كـان الصقـاره ماتغيـر سنعهـا
مير الصقاره تختلف فيها الافكـار
وهذا سبب عيب الطيور ووجعهـا
الطير له عنـد الصقاقيـر مقـدار
عند الرجال اللـي حقيقـه ولعهـا
وإلا الغشيم يخلـي الطيـر بـوار
يشري من العالـم ويدمـر سلعهـا
ولا تامنه لا يشوي الصقر بالنـار
كلمة (مثل) كـلٍ بسمعـه سمعهـا
يقوله اللي ماذكـر شـي ماصـار
ابيـات موجـز للجريـدة دفعهـا
توجهت لمراقب الشعـر مسيـار
امـا نشرهـا صـح وإلا منعهـا
واللي يبي يأخذ مع الوضع مشوار
يمكـن يجاريهـا وينسـاق معهـا
وتصير وجهة رأي مابيـن شعـار
واهداف موضوع القصيده جمعهـا
وان كان ماناسب هدفها للاحـرار
صارت يتيمـه مستواهـا قطعهـا
اخطت هدفها واختفت عنها الانظار
واللي درس موضوعهـا مارفعهـا
وكان اعترضها من هلّ الشعربيطار
يعيش من شاف الفتـوق ورقعهـا






القصيدة الحادية وعشرين::



ياطير يوم اشريك مـن حـر مالـي
ابغى الشبب بأسفل شغايا (غنيجـان)
جسمك كبير وجوهر القلـب خالـي
مأنته مثـل ماقـال ليّـه (بعيجـان)
ليا نطت الارنـب يصيبـك اجفالـي
خسران من يرجي العشاء منكخسران
يقـول لا جـاء بالمجالـس مجاليـا
ستر علـي الله يجازيـك باحسـان
اوصلني الشعبـان واطلـق حبالـي
بأرضٍ بها حروة جـراذي وفيـران
ماريـد شـوف ام الآذان الطوالـي
اللي صفار عيونهـا تقـل حـوذان
واما الحباري مابهـن لـي مدالـي
ويطير قلبي مـن عيـون الكـروان
مير اترك الموضوع واستر خمالـي
الله يخلـي لـك محمـد وسلـمـان
قلت انثبـر لامـا تهـب الشمالـي
تقلعك عني يـم صنعـاء ونجـران
ما للـردي عنـدي مقـام وجلالـي
لا صار ماتفعل مثل فعـل (راكـان)
اللي مضى وانتـه مخاشـر عيالـي
اقطع لك الهبرة وهم بـس عظمـان
مـن اولٍ عنـدي حشيـمٍ وغـالـي
واليوم قـدرك عندنـا مثـل (....)






القصيدة الثانية والعشرين::




لا شفت لك مغرور يضحك على الناس
تـراه مايسـوى المغـفـل لبـاسـه
لا تمنعـه شيمـه ولا يمنعـه بــاس
بعض العقول يصيـر فيهـا التماسـه
يرى بنفسـه مثـل عنتـر وجسـاس
وعند المره مايقطـع السيـف راسـه
ولو الرجولـه وزنهـا قـدر وقيـاس
مـازاد عـن مثـقـال ذره قيـاسـه
من غرته نفسه حصد زرع الأفـلاس
الـزود ينقـص لا يغـره احسـاسـه
والكبر للي قدرتـه تحيـي الانفـاس
عـلاّم مابصـدور جـنـه ونـاسـه
النـاس تفرقهـا الطبايـع والاجنـاس
فيهـم سبـاع وبــالاوادم بسـاسـه
المجد للـي سمعتـه ترفـع الـراس
وإلا الـردي فرعـه يعـوّد لساسـه
كثر التجارب بينـن غيـب الارمـاس
وعرفت مثمون الذهـب مـن نحاسـه
عليك بالطيـب ليـا صـرت عسـاس
طلق الحجـاج اللـي بقربـه وناسـه
اللي ليا مسـك مـن الوقـت مسـاس
ينعشك مـن طيـب المـروه وباسـه
وإلا الردي لو شـام للطيـب ينحـاس
الطيـب كايـد مايـجـي بالطفـاسـه





القصيدة الثالثة والعشرين::



عندي مثايل عسل وامثـال مسمومـه
هـذا وانـا اقّّـدر الطيـب وميزاتـه
بعض الرجاجيل لا يعجبـك بعلومـه
ان عشت وان مات ماينقص قراباتـه
يقصر على العرف والمعروف مفهومه
فحـل مـره زول لا وده ولا هـاتـه
والناس تعرف طيور الصيد والبومـه
والطيب تعـرف رجاجيلـه وحزاتـه
المرجله بيـن كـل النـاس مقسومـه
إلا الـذي ماتطـول الجـود هقواتـه
هذاك نفسه مـن التقديـر محرومـه
محدود رزقه علـى بطنـه ومخباتـه
شهامته من صميم الـراس معدومـه
الله يمـحـق تقالـيـده وعـاداتــه
لا صار يجهل مجال الطيب وسلومـه
احسن يغمض على مافيـه بااسكاتـه
يغر مـن لا يعرفـه وسـع حلقومـه
جعل الدركتـر يضفـه بيـن ويلاتـه
لا صار ماياصل اهل الحق ولحومـه
قدره وماله تحـت رجليـه واحذاتـه






القصيدة الرابعة والعشرين:



يانـاس بالعـادات شفنـا الغيـاره
رخص الشرف والطيش دقت طبوله
بعض شباب اليـوم ضيـع وقـاره
خص الذي درب المعاصي ميولـه
مايفهم اللـي ينفعـه مـن دمـاره
ولا يحتـرم دينـه وملـة رسولـه
يعوم طول الليل فـي كـل حـاره
مابه شرف دنيـا ولابـه رجولـه
يفرض على نفسه اسلوب الحقـاره
ومن شان فعله مانفع زيـن زولـه
على الخنا يسهـر ويرقـد نهـاره
وأمـه وأبـوه مضيقتهـم فعولـه
عقله ضعيـف ويدّعـي بالشطـاره
ولـه شلـةٍ لا مرهـم صفقـولـه
من بينهم معروف رمـز الأشـاره
وان طافهم مـا شافهـم صفرولـه
سلـك التفاهـم بينهـم والعـيـاره
الفـاظ تنفاهـا النفـوس الخجولـة
قالـوا تعـال وكلهـم بانتـظـاره
نبي لنا مع هجعـة النـاس جولـه
خسـارة ياكبرهـا مـن خـسـاره
ليا عـوّد البالـغ لعقـل الطفولـة
واستثني اللي نهج درب الاخيـاره
كارهالمستقيم اللي نزيهـه اسبولـه
اللي مع الطرق السليمـه مسـاره
حافظ مبـادي سمعتـه والحمولـه
العقـل والديـن الحنيفـي شعـاره
وجيران بيته بالصلاة اشهـدوا لـه





القصيدة الخامس والعشرين



لا تازن الرجّـال لا شفـت زولـه
وزن الرجال اعقولها يافتـى الجـود
دلايـل الرجـال فعـلـه وقـولـه
تحكم عليـه بمنطقـه علـم موكـود
ماينفـع الرجـال جسمـه وطولـه
لا صار مايدري عن النقص والـزود
كسب المعالـي مايجـي بالسهولـه
يصعب على اللي مايجامل على الكود
المجـد عشـاق الكسـل ماينـولـه
دربه على اللي يجهل الطيب مسدود
وحفظ الشرف مبدا صفات الرجولـه
والمتزن ماهـو علـى درب منقـود
ومرافـق الجهـال يابـن الحمولـه
نقصٍ على السمعه وتعقيـد وعقـود
كـلٍ جليسـه يقتـدي فـي فعولـه
المعتدل واللي عن الخيـر مصـدود
ومع الأسف بعض العقول معزولـه
ماتقـل بالدنيـا لهـم رب معـبـود
ماخافوا المولى وطاعـوا رسولهـا
للـي لـه العبّـاد خشّـاع وسجـود
ماحسّبـوا يـومٍ حسابـه وهـولـه
يشيب رأس اللـي هكاليـوم مولـود
يطـرق منافيـذ الخوافـق ذهـولـه
يوم الحساب اللي به العبـد موعـود
بأخر نفـس لا نوخـت بـه ذلولـه
التفاهـم بـيـن نـاشـد ومنـشـود
عند الضريح أخـر محطـه نزولـه
النفس تصعد والجسد مرتـع الـدود
يأهل العقول المبصـرات أحسبولـه
ترى الحياة بـلا عمـل مابهـا فـود
اعمل عمل واطلب مـن الله قبولـه
منهج طريق الخير واضح ومحمـود
دامـك نشيـط وكـل شـئٍ تنولـه
ترى السفر له حد والعمـر محـدود






القصيدة السادس والعشرين::



الجاهل اللي ضحك له واحدٍ هكـه
يمـس نباطتـه ويقـول بازوكـه
مافيه داعي لسوء الظـن والشكـه
وافكار من معدن القصدير مسبوكه
اللي ظنونه من الاوهـام منزكـه
نفسه لشيطانها تخضـع ومملوكـه
يالله ياللي وضعت البيت في مكـه
انك تسلط علـى النمـام وسلوكـه
اللي يجّمع كـلام النـاس ويعكـه
من سوء ظنه ينوبه ريب وشكوكه
يطرق لسانٍ من العـدوان مافكـه
نعارته في نحاء الاجناب مفروكـه
عوجاء عدوه تدقه نطـح وتشكـه
وان وقعت في صميمه قال مبروكه
وعلى الرفاقه يحد الموس ويحكـه
كلمة صديقه يحلل وضعها شوكـه
وان ميزت هيئة التمييز في صكـه
ماله وثايق من المعقـول منسوكـه
نفسه خفيفه مع الداكـوك لا دكـه
ومشارك اللي يبيع العلك بعلوكـه
قصده يكافخ صدى الهوجاس لا تكه
وذكراه عن طاعة المعبود ممسوكه






القصيدة السابعة والعشرين::



يالواشـي الله لا يسـنـع سنـوعـك
فرقت شمـل بحينـا كـان مجمـوع
ياللـي تبجـح فـي بهـاك وميوعـك
يامرتدي نوعٍ مـن الزيـف مصنـوع
مغرور يمكن مايجـي سبـر بوعـك
ياسبع ياللـي تدعـي وانـت مسبـوع
وزنك خفيـف وكـل شـيٍ يروعـك
بين الطيور الجارحـه تقـل جربـوع
قاسـي وليّـن للقسـاوي خضوعـك
جنبك كبير بلا غضاريـف وضلـوع
مهمـا تحـاول بالبلاغـه طلـوعـك
حبلـك معقـد لـو تمـده مقـطـوع
اترك صدوع الناس عالـج صدوعـك
ياللي تلف الـراس والذيـل مقشـوع
وان كان ماغيـرت سيـرة طبوعـك
سمعك عن التوجيه والنصـح مطبـوع
ياللي تمثل مـن هـل الخيـر نوعـك
وانته تقـول لفاعـل الخيـر ممنـوع
تبي تحصـد اثمـار ناتـج ضلوعـك
واللي يودك نجدتـه حـزن ودمـوع
راجع ضميرك قبل تطفـي شموعـك
تحت الثراء يسعى بك الدود مجضوع
عريان تلقى عقـب الانعـام جوعـك
عطشان ماتملك مـن المـاي قرطـوع
ساعة بهـا تقديـر كفـرك وطوعـك
آخـر دقيقـه ينتهـي كـل مشـروع
الحـق باظفـار المنـيـه يلـوعـك
بارخص رخيص تلف والثوب مخلوع
جف القلم واللي بقـى مـن متوعـك
حنزط ينشب فـي لواحيـك وتـزوع
فـي ساعـةٍ ماينفعونـك فـزوعـك
لو لبسوا الفرسـان خـوذات ودروع
لو مسحـوك بدمعـةٍ مـن دموعـك
ما انته على الدنيـا مخلـد ومرجـوع
مضمون من بعـد طيرانـك وقوعـك
يا اللي نسجت من اهزل النكث قنصوع






القصيدة الثامنة والعشرين:



حنـا كـلام الـزور مانكتسبـه
ونساير العالم حسـب مستواهـا
والرزق عند اللي خلق نوح وأبه
علام ماتبدي الصـدور وخفاهـا
والهرج بالغياب من غيـر سبـه
كلمة سخيفـه والفشـل منتهاهـا
والرجل واجب بالكـرام يتشبـه
والناس واضح طيبها من رداهـا
الشخص جسم وثوب والعقل لبّه
وليا جهلت بنـاس قيّـس نباهـا
نطق اللسان اكبـر دليـلٍ ينبـه
ينبيك عن نقص العقول ووفاهـا
وعمى القلوب هيام مفقود طبـه
وعمى العيون يجوز يلقى دواهـا
من صارع الدنيا دخل لـه بغـب
هسباحها يخشى شواذيـب ماهـا
فيها نوايع جنـد سبحـان ربـه
اللي رفع سبـعٍ وسبـعٍ دحاهـا
سبحان من يخرج من الزرع حبه
وأخرج من الما كل روح وسقاها
والشعر زين وشيـن كـلٍ لعبـه
مثل الضريبه من تسلـح رماهـا
أحدٍ ليا سدد علـى الـزول ذبـه
واحدٍ يثورها وهـو مـا قداهـا
ولا أحدٍ يشوف قصور فيما خطبه
كـلٍ بقولـه يفتخـر ويتبـاهـا
وجهت معنايـه لشخـصٍ مانبـه
رجّال فاهم جابتـي وش نحاهـا
رجلٍ عن المنقود في راس تبـه
يحفظ كرامة سمعتـه ويحماهـا
ماهوب مغرورٍ غـروره نصبـه
عشاق عميا عنـد وجهـه قفاهـا
يجي لها باللـي عشقهـا مغبـه
والا النشامـا ماتخثـع أخطاهـا
وراع النميمـة لا تداريـه هبـه
خلـه يـروح بكلمتـه ماحكاهـا





القصيدة التاسعة والعشرين:



يابو فهـد قلبـي تقـل فيـه لحـام
كنه براس التـاج تكـوى عروقـه
أسباب طيرٍ مـات والنـاس صيـام
بآخر شهر تسعـه طوينـا سبوقـه
النادر اللي يعجـب العيـن لاحـام
يازيـن تنجيمـه ومأزيـن اخفوقـه
صيروم لا حوّل على الخرب جزام
وان طار واقفى عن نويّـه يعوقـه
عز الله انـي ضايـقٍ عقـب غنـام
آلحق على القلب المولـع حروقـه
ان ماحصلـي سجـةٍ مثلـي العـام
اخـذ بيـن الصقاقـيـر روقــه
لا كان مدري عـن مقابيـل الايـام
يا الله عسى حظي تساعـد وفوقـه
أنا غرامـي شقـة النـور مجهـام
الفجرلا قفى الليـل نـوره يسوقـه
لا طاب نوم اللـي ليـا نـام ماقـام
اكبر ضحى ياكـل غـداه وريوقـه
يسهر على البيلوت وفنـون الانغـام
وكشف البروق اللامعـه مايشوقـه
ما لايعه لكـم الصحـاري بالاقـدام
ولا احفت ذعاذيع الهبايـب رموقـه
ما هو بمثلـي بيـن عـاذل ولـوام
من شان نفسي للضقـاره عشوقـه
قلبي لشرسـات القرانيـس مريـام
اللي لهن بيـض الدواغـر علوقـه
هذا غرامي لو تجي لـي بـاالأولام
مالي هدف وش باع وشلون سوقـه
اليا قطعـت (البتر)وعروق(لـزّام)
ضاعت همـومٍ بالضميـر مخنوقـه
في ديرةٍ مابـه مـزارع ومرسـام
بين (الخرم)و(الهوج)و(اشعاف لوقه)
مع ربعـةٍ نقـوة شغاميـم وحشـام
وخويهـم يحشـم ويعطـى حقـوق
الكـل منهـم بالمواجيـب مـقـدام
نفسه على فعـل المراجـل سبوقـه
كل ابلجٍ يعجـب مقامـه ليـا قـام
مستارثٍ طيب النبـا مـن عموقـه
ماهـو لغـاوي ولا هـو بشـتـام
صدره وسيع وزين الاخلاق ذوقـه






القصيدة الثلاثين::



كلٍ شراء له طيـر ويقـال صقـار
غشيـم والا عــارفٍ للصـقـاره
غامر وطامر مع مسافـات واديـار
مع فّـرع الوديـان يكثـح غبـاره
يدبك على الحروة وترويج الاذكـار
امـا الضحـى والا تليّـة نـهـاره
واكثرهم اللـي ماتوفـق بالاسفـار
لا صـاد صيـد ولا ترّيـح بـداره
هـذا وانـا معهـم مسنّـد وحـدار
والطيـر زاوي مربطـه بالغمـاره
يومٍ مع الصحرا ويـومٍ مـع القـار
ونعطي على مصباح الارنب بشـاره
وناخذ مع الجره مسافـه ومشـوار
ومن خوف لا تجحر نسد الجحـاره
كل النهار نحوس وندوس الاشجـار
من حرصنا ناطا الشجـو الحجـاره
اثر الولع حكمه على النـاس جبـار
راعيـه ماتشكـل عليـه الخسـاره
خص الي لهم بيض الدواغر لهم كار
وقت القنـص ماحسبـوا للتجـاره
قبل صلاة الفجـر قـد شبـوا نـار
والصبـح تالـي ليلهـم بأنتـظـاره
وليا اصبحوا كـلٍ نـوى درب دوار
قبل شعاع الشمس يكشـف حمـاره
وعند الحراوي طلعوا عكف الاظفار
اللي على بيـض الدواغـر سعـاره
اللي لهـن عنـد الصقاقيـر مقـدار
فيهن على الخرب المخيـش جبـاره
خص الذي بمصارع الخرب حشار
يدلي على الخرب النشيط بشطـاره

م/ن












توقيع :

عرض البوم صور f15  
قديم 09-08-09, 03:13 PM   المشاركة رقم: 2
المعلومات
الكاتب:
اللقب:
إداري سابق
الرتبة:

البيانات
التسجيل: Jun 2007
العضوية: 920
المواضيع: 219
الردود: 3158
جميع المشاركات: 3,377 [+]
بمعدل : 0.77 يوميا
تلقى »  1 اعجاب
اخر زياره : [+]
معدل التقييم:
نقاط التقييم: 85

التوقيت

الإتصالات
الحالة:
ضيف الله بن علي غير متصل
وسائل الإتصال:

كاتب الموضوع : f15 المنتدى : دواويـــن
افتراضي

احسنت النقل بارك الله فيك

صراحه قصائد رائعة وشاعر علم














عرض البوم صور ضيف الله بن علي  
قديم 09-08-09, 03:35 PM   المشاركة رقم: 3
المعلومات
الكاتب:
اللقب:


عضو مجلس الإدارة

الرتبة:

البيانات
التسجيل: Jun 2007
العضوية: 539
الاقامة: بـريـدة - الحي الاخضر
الجنس: ذكر
المواضيع: 2042
الردود: 12058
جميع المشاركات: 14,100 [+]
بمعدل : 3.25 يوميا
تلقى »  45 اعجاب
ارسل »  172 اعجاب
اخر زياره : [+]
معدل التقييم:
نقاط التقييم: 598

التوقيت

الإتصالات
الحالة:
ابـن مـطـيـع غير متصل
وسائل الإتصال:

كاتب الموضوع : f15 المنتدى : دواويـــن
افتراضي

ثــــلاثين قـــصيده أشكرك على الديوووووان الجميـــل
يتووووواصل ابدعك يوم بعد يوم












توقيع :



مـشـعل صـالح بـن مــطيـع

عرض البوم صور ابـن مـطـيـع  
قديم 09-08-09, 07:51 PM   المشاركة رقم: 4
المعلومات
الكاتب:
اللقب:
عضو ماسي مميز
الرتبة:
الصورة الرمزية
 
الصورة الرمزية قرناس

البيانات
التسجيل: Feb 2009
العضوية: 1985
الجنس: ذكر
المواضيع: 620
الردود: 5390
جميع المشاركات: 6,010 [+]
بمعدل : 1.61 يوميا
تلقى »  2 اعجاب
اخر زياره : [+]
معدل التقييم:
نقاط التقييم: 236

التوقيت

الإتصالات
الحالة:
قرناس غير متصل
وسائل الإتصال:

كاتب الموضوع : f15 المنتدى : دواويـــن
افتراضي



قصائد رائعه

من شاعر غني عن التعريف

معروف عنه الجزاله












عرض البوم صور قرناس  
قديم 09-08-09, 10:28 PM   المشاركة رقم: 5
المعلومات
الكاتب:
اللقب:
مشرف سابق
الرتبة:
الصورة الرمزية
 
الصورة الرمزية f15

البيانات
التسجيل: Aug 2008
العضوية: 1293
الاقامة: بريدة
الجنس: ذكر
المواضيع: 1624
الردود: 5444
جميع المشاركات: 7,068 [+]
بمعدل : 1.79 يوميا
تلقى »  2 اعجاب
اخر زياره : [+]
معدل التقييم:
نقاط التقييم: 121

التوقيت

الإتصالات
الحالة:
f15 غير متصل
وسائل الإتصال:

كاتب الموضوع : f15 المنتدى : دواويـــن
افتراضي

اقتباس:
المشاركة الأصلية كتبت بواسطة ضيف الله بن علي مشاهدة المشاركة
احسنت النقل بارك الله فيك

صراحه قصائد رائعة وشاعر علم



احسنت المرور ابو ماجد الف شكر على مرورك












توقيع :

عرض البوم صور f15  
قديم 30-08-09, 01:31 PM   المشاركة رقم: 6
المعلومات
الكاتب:
اللقب:
مشرف سابق
الرتبة:
الصورة الرمزية
 
الصورة الرمزية f15

البيانات
التسجيل: Aug 2008
العضوية: 1293
الاقامة: بريدة
الجنس: ذكر
المواضيع: 1624
الردود: 5444
جميع المشاركات: 7,068 [+]
بمعدل : 1.79 يوميا
تلقى »  2 اعجاب
اخر زياره : [+]
معدل التقييم:
نقاط التقييم: 121

التوقيت

الإتصالات
الحالة:
f15 غير متصل
وسائل الإتصال:

كاتب الموضوع : f15 المنتدى : دواويـــن
افتراضي

اقتباس:
المشاركة الأصلية كتبت بواسطة ابـن مـطــيع مشاهدة المشاركة
ثــــلاثين قـــصيده أشكرك على الديوووووان الجميـــل
يتووووواصل ابدعك يوم بعد يوم
اشكركل لشكر على مرورك












توقيع :

عرض البوم صور f15  
قديم 12-09-09, 12:13 AM   المشاركة رقم: 7
المعلومات
الكاتب:
اللقب:
::عضو جديد::
الرتبة:

البيانات
التسجيل: Sep 2009
العضوية: 2337
المواضيع: 2
الردود: 8
جميع المشاركات: 10 [+]
بمعدل : 0.00 يوميا
اخر زياره : [+]
معدل التقييم:
نقاط التقييم: 50

التوقيت

الإتصالات
الحالة:
المتفأل بقوه غير متصل
وسائل الإتصال:

كاتب الموضوع : f15 المنتدى : دواويـــن
افتراضي

الله يعطيك ألف عافيه مع تحياتي @ المتفأل بفوه@












عرض البوم صور المتفأل بقوه  
قديم 12-09-09, 05:22 AM   المشاركة رقم: 8
المعلومات
الكاتب:
اللقب:
::عضو جديد::
الرتبة:
الصورة الرمزية
 
الصورة الرمزية بعيد المدى

البيانات
التسجيل: Apr 2007
العضوية: 126
المواضيع: 3
الردود: 16
جميع المشاركات: 19 [+]
بمعدل : 0.00 يوميا
اخر زياره : [+]
معدل التقييم:
نقاط التقييم: 50

التوقيت

الإتصالات
الحالة:
بعيد المدى غير متصل
وسائل الإتصال:

كاتب الموضوع : f15 المنتدى : دواويـــن
افتراضي

قصائد جزلة
لشاعر جزل
أشكرك f15
على هذا النقل الرائع












عرض البوم صور بعيد المدى  
قديم 02-10-09, 06:10 PM   المشاركة رقم: 9
المعلومات
الكاتب:
اللقب:
إداري سابق
الرتبة:
الصورة الرمزية
 
الصورة الرمزية نواف فارع

البيانات
التسجيل: Aug 2009
العضوية: 2301
الاقامة: مملكتنا
الجنس: ذكر
المواضيع: 163
الردود: 1664
جميع المشاركات: 1,827 [+]
بمعدل : 0.51 يوميا
تلقى »  30 اعجاب
ارسل »  6 اعجاب
اخر زياره : [+]
معدل التقييم:
نقاط التقييم: 51

التوقيت

الإتصالات
الحالة:
نواف فارع غير متصل
وسائل الإتصال:

كاتب الموضوع : f15 المنتدى : دواويـــن
افتراضي

f15
تسلم على هذا الإبداع في النقل












عرض البوم صور نواف فارع  
موضوع مغلق

الكلمات الدلالية (Tags)
الحويفي , الشاعر , بدر , ديوان


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
الديوان الصوتي بدر وقصيد للمنشد عوض البيضاني حاليا في الاسواق فيصل الخضراني مجلس أخبار ومناسبات قبيلة حرب 2 12-12-11 11:38 AM
بدر المطوع اول صفقات العالمي في الانتقالات الشتوية عبدالمجيد ناصر مجلس الرياضة 2 25-01-11 12:05 AM
رحلة بدر الحويفي الى الرياض عبدالله حمد الفريدي مجلس قصة وأبيات 8 21-09-10 12:35 PM
ديوان الشاعر بدر الحويفي .....بن مياس نايف بن مياس.. مجلس فضاء الشعر 2 22-07-10 06:41 PM
مبرووووووك ,, الحق اسمك !! ذيبان مجلس أخبار ومناسبات قبيلة الفرده 5 13-11-08 10:41 AM


الساعة الآن 06:25 PM


Powered by vBulletin® Copyright ©2000 - 2019, Jelsoft Enterprises Ltd.
Content Relevant URLs by vBSEO TranZ By Almuhajir
Ads Management Version 3.0.1 by Saeed Al-Atwi
لتصفح الموقع بشكل جيد الرجاء استخدام الإصدارات الاخيرة من متصفحات IE, FireFox, Chrome

Security team

vEhdaa 1.1 by NLP ©2009

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52