هَــات الْـوَجَـع يَـــا رُوْح رُوْحِـــي بْــشَّـيْـلَـه

هَــات الْـوَجَـع يَـــا رُوْح رُوْحِـــي بْــشَّـيْـلَـه

لبيه ياروح الغلا قول وش فيك=هات الوجع يا روح روحي بشيله
عطني الوجع خل يحترق صدر مغليك=و لايشتكي صدرك من ال آه ليله
خلني معك في كل شي حواليك=مشاعري بالحب ما هي قليله
هات الوجع مادامت ايدي على ايديك=الصد موجع والليالي بخيله
قلي وش اللي فيك يا عل ما ابكيك=يا اعز خل صار غاية خليله
ما ادري اهنئ النفس ولا اهنيك=فيني وفيك اشياء عريضه طويله
مثل التلعثم كل ما قلت ابحكيك=ومثل السحاب اليا تحدر بسيله
ومثل الفرج لا ضيقتك التهاليك=ومثل الاصاله في عيون الأصيله
لبيه من واقع مشاعر تراعيك=ولبيه يا ضل الخفوق ومقيله
ارضيك اي والله وشلون ما أجيك=وانت الخيال اللي خفوقي يخيله
اوصد عيوني في عيونك وخليك =واترك خفوقي يحصد اللي بقيله

وسلامتكم