عبدالله ابن عون 00سعد ابن جدلان 00محمد بن عبــاد

هذه من قصائد الشاعر الكبير عبدالله بن عون

أورد لكم معها مجارات الشاعرين الكبرين

سـعـد بن جدلان الأكلبي ، ومحمد بن عـبّـاد السلولـي

في البداية هذي قصيـدة بـن عون

قصيدة عبدالله بن عون

شعتني علوم الصيف وأرقلـت للمسنـاد=ولاعـــاد يـعــذل واحـــد" طــافــح" شـبـلــه
أبي عبلة" ضاف" عليهـا كمـا السجـاد=ديــار" يــرود عـدودهـا مــن يـحـب إبـلـه
ولاعاد لي من يوم سال الشفاء مقعاد=عـتـيـبـي وداري فــــوق ونـحـيـتـي قـبـلــه
مادامه وكد لي سيل وادي قليـب عنـاد=أنـا ويـش يحرمـنـي شـفـا نـجـد والعبـلـه
أباأتبع هوى وضحـا" تحـط اللبيـد سنـاد=لـهـا غـيـر زيــن طبوعـهـا خـــدة" قـبـلـه
ليـا سمعـت الحـادي نـده نـدهـة المـيـراد=تــقــود أول الـزعــجــول الأول وتـقـربـلــه
أبيهـا ترفـع فـوق عـن سـاخـن الأنـفـاد=وتجي في فياح" كل مصلاح يطرب لـه
أنا في الديار الطامنه في تعـب وجهـاد=عـلـى كـثــر مـرعـاهـا مداخيـلـهـا خـبـلـه
عساهـا يساقيهـا المـطـر ديــرة الأجــواد=ماأبـيـهـا لـــوإن ثمـامـهـا ينـقـلـب ربــلــه

مجاراة الشاعر سعد بن جدلان الاكلبي لقصيدة بن عون

شعتني قصيدة شاعر عذ ّب القصاد = ماحد يستلذ السالفه لين تنسب له
علومك يا بو نايف قراح ٍ على الأكباد = لكن تجرح قلوب ٍ مع الوضح منهبله
مواليف وضح ٍ كنها وضحى بن عبّاد = لا شافها راعي الدبش طيرت شبله
تواغض مع الريضان كنها خيام أسياد = لونها بعيد ٍ بادي الرجم تقرب له
أو حمّى مغاتير ٍ مقاديمها شراد = هريب السحاب اللي تواليه منسبله
قبلها ليا من المناره سناها زاد = قبل الاشهب المرشوش لا فضوا اصطبله
عنقا مارق ٍ نسنوسها سدوها منقاد = مع طول خدتها خراطيمها سبله
شناح ٍ طفوح شبلها دايم ٍ خدّاد = لونها مع ذود ابن عمي خذيت ابله
لا ضاقت براعيها الوسيعه بكل بلاد = يحوّم و كبده من هل المدن مندبله
لا منه نطحها عصر و لا هجد مهجاد = ليا شافته قامت ترازم ترحب له
هذي تنطحه تبغى تقبّله جد عماد = وهذي تنهب شماغه و هذيك تلعب له
و الله ما يهني من حكم عاصمة بغداد = اللي له مزامير الفخر تضرب الطبله

مجاراة الشاعر محمد بن عبّاد لما سبـق

جذبني صدى صوت ٍ تلاحت به الأطواد = يتعّب هواة الشعر بعده و من قبله
صدى صوت عرّافٍ لشعر الأدب روّاد = منابع عيون الشعر و الكلمه الذبله
تلاحوا على وضح ٍ عليها العيون حداد = ولوف ٍ على صوت الموده تراقب له
دقاق العنوق اللي خراطيمها ورّاد = على حب راعيها شغوف ٍ و منجبله
تقدم لها بن عون في وصفها نشّاد = و شعا الأكلبي و الأكلبي تلني حبله
و انا قبل صوته ماشي ٍفي الطريق حياد = على ما تقول الناس كل ٍ على هبله
و بعد زعزع الوضحى فلا عاد لي صدّاد = سلولي و قلبي طاري الوضح يرغب له
ابتعب واحاول لو لحقني عنا و انكاد =على منهج ًٍ ما كل قاف ٍ يناسب له
و انا في هواها مغرم ٍ هايم ٍ منقاد = لو اكثر علي اللوم في حبها الابله
اوقع لها بالعشر واشهّد الأشهاد = انه لاعب ٍ بي حبها لعبة السبله