صدفــــــــــــــــــــــ ـــــــــــــــــــــــــ ـــــــــــــــه

صدفه تلاقينـا بعـد عـام الفـراق صدفه وشفت الدمع علـى وجنتيهـا
شفت الكحل مخلوط مع دمع الاشواق رعشة حنينـي باينـه فـي ايديهـا
شفت الوله بايـن عليهـا وخفـاق شفت الحزن والهم واضـح عليهـا
كانت اهي بدنياي شمسي والاشراق كانـت مناتـي وبالعمـر اشتريهـا
كانت اهي والله فـرح مالـه آفـاق كانت وكانـت حسبـي الله عليهـا
تستاهلين اليوم حزنـك بالأعمـاق ياربي كل الحـزن ازرعـه فيهـا
كنت اهديهـا الحـب دفـاق دفـاق أرخص انا روحـي لجـل افتديهـا
باعت فرح عمري ولحظات العناق بان الأصل يا شينهـا ويـا رديهـا
اليوم من بعد العنـا وعـام الفـراق عفت الشهد الـي جـرى بشفتيهـا
عفت الترف والحب وكل الاشـواق عفت الهوى ملعـون منهـو يجيهـا
من بعد عامن كاملـن كلـه فـراق تقـول ارجــع للهوى ولأيديـهـا
قالت طلال ارجع ترى البعد حراق جفت عيوني من البكا حـس فيهـا
وشلون أرجع من بعد بعدي مـاراق سيرة رجوعي اليـوم لا تذكريهـا
عشقك يا بنت الناس لالا ماينطـاق مابي ازيد جـروح عفيـه افهميهـا
اليوم انا دنيـاي جابتنـي طـراق عرفـت ان البعـد نعمهـا احييهـا
وداع من قلبن عطى الحـب دفـاق فرقى حبيبـك حاولـي تصبريهـا