عطيب المضاريب

قصيده رائعه
من روائع الشاعر الشيخ حجاب بن نحيت أيام الصباء
أرجو أن تنال رضاكم وإستحسانكم

يـاونـتـى ونـــت عطيب المظاريب=يوم إنثنو ربعه رمابه صوابه
ويالجتـى لجـة عـوى جايـع الذيـب=ذيــبٍ عــوى ويجاوبـنـه ذيـابـه
ويافزتـى فـزة قريـص المـذاريـب=نيـبـان دابٍ داسـبــه مـادرابــه
وياعبرتـى عبـرة يتـيـم المعـازيـب=لامـررو عـنـده كــلاه وشـرابـه
وياتـل قلبـى تـل دلـو المجـاذيـب=اليـا نهبهـا نهـب خـطـو القـلابـه
على الذى بينـي وبينـه سمـا الطيـب=سبعـة سنـيـنٍ والــردى ماهقـابـه
واليوم شاقـه رقـى بعـض المراقيـب=يفخـر بمـرقـابٍ وهــو مارقـابـه
كانـه يبـي يجـرى علـى التجاريـب=اليـا كتـب كـتـبٍ قريـنـا كتـابـه
وأرفع ثيابـي عـن سريـب المغاريـب=مـن خوفتـى يدنـس ثيابـى تـرابـه
وان كـان مايـدرى ولايعلـم الغـيـب=ودى يحاسبـنـى ويـاخـذ حـسـابـه
لكـن ودى بالصراحـه بــلا ريــب=ودى يصارحـنـى بلـيـا حـرابــه
امــا نــزود حبـنـا زود ترتـيـب=ونعيـش فـى دنيـا الفـرح والطرابـه
ولا نقـطـع بـاقـيـات المطـالـيـب=وتبـداء مراسيـم الشـقـا والنشـابـه

وســــــــــــــــــــــل امتــــــــــكم