الزين ملهو من شروط الرجوله

الزين ماهو من شـروط الرجولـه

--------------------------------------------------------------------------------

قالت ترى منت بحلو قلت رجـال
والزين ماهو من شروط الرجولـه
الزين يلقى عنـد لباسـة الشـال
والرجل زين ان كان زانت فعولـه
قالت علامك تلبس شماغ وعقـال
انت بدوي؟قلت بدوي ومن حموله
ما ألبس بناطيل لها الوان واشكـال
وامتر الشـارع بعرضـه وطولـه
قالت اجل راعـي معاميـل ودلال
شرب القهاوي تحسبونـه بطولـه
كيفي يابنت الحضر دله وفنجـال
وحليب خلفـه بالمـراح معقولـه
وحب الكرم والجود وعلوم الابطال
مغروس فينا من زمـان الطفولـه
قالت ترى بنت البدو حظها مـال
قلت احذري حذرا تكوني جهولـه
بنت البدو يابنت مضرب للامثـال
فوق الجمال وطاعـة الله خجولـه
ماحطت اصباغ ولا حطت ظـلال
ولا سيرت بالسوق سيـر مهبولـه
هي مهرةٍ تصعب على كل خيـال
وانتي ومثلك عسفهـن بالسهولـه
قالت تغزل بي وشف حبة الخـال
ناظر عيوني والرمـوش الكسولـه
قلت العفو مايجتمع حب وهبـال
ولكـل ذوق فالمزاييـن جـولـه
قلتي وقلت وكلمة الصدق تنقـال
الزين ماهو من شـروط الرجولـه
وسلامتكم.

منقوووول ..

الخيال نشكرك على هذة الجهود المضاعفة
ونترقب المزيد منك


تقبل مروري:أبو مصعب الفريدي

الخيال لك اجمل تحية


لقد امتطيت صهوة الابداع فاتحفتنا بهذه القصيدة الرائعة


لك اجمل تحية ...... واسمح لي بان اقوم بترتيبها لاهنت

قالت ترى منت بحلو قلت رجـال=والزين ماهو من شروط الرجولـه
الزين يلقى عنـد لباسـة الشـال =والرجل زين ان كان زانت فعولـه
قالت علامك تلبس شماغ وعقـال=انت بدوي؟قلت بدوي ومن حموله
ما ألبس بناطيل لها الوان واشكـال =وامتر الشـارع بعرضـه وطولـه
قالت اجل راعـي معاميـل ودلال =شرب القهاوي تحسبونـه بطولـه
كيفي يابنت الحضر دله وفنجـال=وحليب خلفـه بالمـراح معقولـه
وحب الكرم والجود وعلوم الابطال =مغروس فينا من زمـان الطفولـه
قالت ترى بنت البدو حظها مـال =قلت احذري حذرا تكوني جهولـه
بنت البدو يابنت مضرب للامثـال=فوق الجمال وطاعـة الله خجولـه
ماحطت اصباغ ولا حطت ظـلال=ولا سيرت بالسوق سيـر مهبولـه
هي مهرةٍ تصعب على كل خيـال =وانتي ومثلك عسفهـن بالسهولـه
قالت تغزل بي وشف حبة الخـال=ناظر عيوني والرمـوش الكسولـه
قلت العفو مايجتمع حب وهبـال =ولكـل ذوق فالمزاييـن جـولـه
قلتي وقلت وكلمة الصدق تنقـال=الزين ماهو من شـروط الرجولـه

شكرا لك يا منصرور الوسوس

وآسف لأني مارتبتها لأني كنت مستعجل

وما سمحتلي نفسي اني أأجل المشاركه للناس الرائعين أمثالك

مشكور يا ابو مصعب على هذا المرور

بسم الله
الخيال
ليه مستعجل ؟ تبي تلحق المغيره!! هههه
اختيار موفق لاهنت
ولا هان المنسق صاحب الذوق
شكرا لكما

الخيال
ليه مستعجل ؟ تبي تلحق المغيره!! هههه

ههههههههههههههههههههههههههههه

مشكور على ها المرور الرائع