يوم العرب تذبح زكاة للابدان

عز الله ان الزين قبل امس وافان=لكن في نية وانا امشي بنية
سبحان من ركب تواصيف الانسان=ولله ماشفت حلاياه ذية
العين شقرا كنها عين شيهان=والعنق عنق اللي يقود الظبية
والخد برقٍ في مشاميخ الأمزان=هلت هماليله عقاب عشوية
ياناس للي يتبع الفن فتان=غروٍ لطراد الغنادير سية
غروٍ جديله مايلٍ فوق الامتان=عوده ليان وجابته عاطفيه
وريحة نسمها ياملا ريح ريحان=أوزعفران الهند بالشاذلية
وعيون يمضي شوفهن جسم الانسان=مكتوب فيها للهواوي منية
عيني تهل دموعها فوق الاوجان=واظن روحي للحبيب ضحية
يوم العرب تذبح زكاة للابدان=يبي يضحي غض ا**فية
وهني من شافه باطاريف لبنان=لولاه مالي يم لبنان نيه
الى ذكرت وقمت له ياسليمان=ألفين كيلو جبتهن بضحوية
والعلم للي يجهل العلم ما بان=اخاف من خبل يلوم عليه
ماذاق لوعات الغاندير خبلان=قلبه ملي جوفه وجوفه ركية

الشاعر سبيل الحصني رحمه الله