يابن الوطن لأبن الوطن كيف تغتال ؟؟

هذه القصيدة من جديد ابو فهد سعد بن هذيل القاها بمهرجان أوثال والقصيدة رائعة

وحبيت تطلعون عليها

بسم الكريم بدايتي خير الأقوال=الخالق الرازق عليه اعتمادي
سبحانه العالي على كل متعال=اللي له المسلم يمد الأيادي
يا منزل سورة تبارك والأنفال= تجعل لنا التوفيق ياخير هادي
يارب تهدينا على خير الافعال=وتدلنا درب الهدى والرشادي
ياقاضي الحاجات ياعالم الحال=من باب فضلك مايخيب اجتهادي
ومن بعد هذا قلت في جزل الأمثال=لجل الرجال نقول جزله جدادي
نختار من جزله والأحكام تنقال=وطيب الكلام يساق لجل المنادي
سعد داعني قلت لبيه بالحال=في مهرجان أوثال حيثه سنادي
من لابتي درعي سياجي عن اللال=بالعزوة اللي نلتقيها بحادي
يابن الرجال اللي لهم ذكر وفعال=لجلك ويمك نترك الشغل عادي
من العاصمة سقنا الركايب للاميال=يم القصيم نحث لجلك جوادي
من العارض المنقاد والفكروالبال=متوجهه لوثال غاية مرادي
نبي نشارك بالفرح كل رجال=بازكى السلام وبالتحيات بادي
سلام يالحضّار في حفلة أوثال= سلام ياهل أوثال ياهل المبادي
سلام يادار الوفى دار الأشبال=ياوارثين المجد حضر وبوادي
تحية الاسلام بكبار واجلال=على الحضور أقولها من فوادي
تحية تضفي على كل منزال= يذيعها المذياع في كل رادي
ياديرة التاريخ يادار الابطال=ياديرة الشجعان واهل الهنادي
متوارثين المجد ميراث الانجال=ياهل العقول النيرة والسدادي
يامكرمين الضيف والهيل بدلال= من وقت عنتر والحطيئة ينادي
يشهد بها التاريخ وكتاب رحال=ويشهد بها الشعار علمٍ وكادي
طابت لياليكم والأفعال تنقال=في مهرجان الصيف ذكره يشادي
ويرتاده أهل الدين والفكر والمال=ويصير للألباب مجلس ونادي
ويجمع وجوه الخيروكرام الاسبال=ويجمع شباب المملكة بالنوادي
وكان النصيحة للملا تباع بجمال=نصيحتي مجان في ورد كادي
ترى الفراغ بوقتنا اليوم قتال=خصٍ على الطلاب شره نكادي
حاذور يالمنعور يامعرب الخال=اوصيك عن تيار فكر المعادي
أحذر تعيل ولا يخاويك من عال=وعن رفقه الأشرار خلك حيادي
أحفظ عمود الدين في كل الأحوال= وعلى الفروض الخمس خلك حدادي
شوف الحوادث حولنا اليوم تجتال= والمغرضين تجوب في كل وادي
تزرع سموم الحقد في روس جهال=زمرة خوارج جعلها للنفادي
وتغرر الجهال في سيرة الضال=مرضى القلوب اللي غشاها السوادي
ناس تخفى بالبلد صورة ازوال= مغسول مخه ضايع العقل غادي
يابن الوطن لأبن الوطن كيف تغتال؟؟=وعلى وطنك تشب ملح الزنادي
أمرك عجيب وفيه الالباب تهتال =ويبقى سواله للزمن والتلادي
الله يديم الخير لبلادنا فال=وعاش المليك اللي يضد الاعادي
تاج العروبه شامخ الراس حلال=حاكم وفي حكمه تفاخر بلادي
عبدالله الضرغام شيال الاثقال =عز الوطن والدين والامن سادي
لو ميل عقاله ولا لصعب مامال= من دون مكة والمدينة يفادي
وسلطان سلطان الرخى قاد الارتال=قايد سطول الجيش عد وعتادي
وتحيتي تبقى على راسي عقال= لفيصل ولد بندر كريم المبادي
واختامها صلو على خير مرسال= اللي شرع للحق صوتٍ ينادي

نازف الحرف

نازف الحرف ........ شكرا لك

بيض الله وجهك يانازف الحرف


صح لسان ابو فهد

اختيار رائع وقصيدة جزله لاهنت يبن العم

صح لسان الشاعر

وسلمت يمين الكاتب

العزيز

نازف الحرف

سلمت على اختيار

هذه القصيده

الأحتفاليه من شاعر المحافل والمناسبات ((سعد الفريدي))

وليس غريبا عليه هذا الحضور وهذه المعاني الجميله

وصح لسانه ولاهنتم

صح السان ابوفــــــــــــهد

قصيده جزله ولاهي غريبه الجزاله على ابن هذيل


شكراً ثم شكراً ((نازف الحرف))


خطاء مطبعي ليتك اتعدله

ويرتاده أهل الدين ((والفكـر)) والمـال *** ويصيـر للألبـاب مجلـس ونـادي

نازف الحرف


سلمت يمينك على مأبهجت صدورنا به من الجزل أبو فهد


وش دراك إني يوم سمعت بدعوته للمهرجان تمنيت قصيدته بالقريب العاجل .


صح لسان شاعر ورجل القبيلة سعد بن هذيل الفريدي


وشكراً لك يانازف فأنت جزل وتعشق الجزل


مع صادق الود

شاعر جزل وابيات اكثر من رائعة

نازف الحرف اشكر لك النقل واختياراتك دائماً جميلة ورائعة كروعت وجودك

نازف الجرح

الف شكر لنقلك هذه القصيدة الذي طالما انتظرنا طرحها

ولكن تميزن بالطرح المميز دووومآ

يابن الوطن لأبن الوطن كيف تغتال؟؟ = وعلى وطنك تشـب ملـح الزنـادي
أمرك عجيب وفيه الالبـاب تهتـال = ويبقـى سوالـه لزمـن والتـلادي
الله يديـم الخيـر لبـلادنـا فــال = وعاش المليك اللي يضـد الاعـادي

صح لسان شاعرنا وبيض الله وجهه

تقبل ودي وشكري

اخي الكريم ؟نازف الحر ف لاهنت على جهودك ارجو تصحيح البيت 23
المقصود به (الفكر) والاهنت

































9