يـاكــم وكــم من جـملـةٍ تحتـهــا خـــط

قصيدة للشاعر / نــاصــر بن ســـعـــدي
اقراءوها اتمنى ان اختياري نال اعجاب ذائقتكم

قد قلت لك قدام الأخـلاق تشتـط = قبل الفـراق يتـم بأربـع ليالـي
ريح ضميرك وإترك الشيل والحـط = خلك مثل ماكنـت بالقلـب غالـي
ياكم وكم من جملـةٍ تحتهـا خـط = كتبتها لـك لأجـل يرتـاح بالـي
ماهوبأنا اللي يقفل بوجهه الخـط = قفلتـك قفلـه مابعدهـا إتصالـي
قدام كبـدي مـن سوايـاك تنبـط = ماعـاد باقـي للتواصـل مجالـي
ما أحدٍ تجرأ غيرك من البشر قـط = وأنا معك طـول الليالـي مثالـي
ماودي أصحيك في نومتـك غـط = وإليا صحيت إبحث وتلقى بدالـي
وقف على الأطلال ثم عـدْ وإغلـط = ثم إصفق بيمناك كـف الشمالـي
وإحرص على ثوب الوفاء قبل ينقط = وإزبن من الرمضاء تجاه الظلالـي
واللي يقول إلك إحجب النور ينغط = قل له لاتظلـم حظـك أول وتالـي
والحر يبقى حر ماهو كمـا البـط = يشهر سماء ويرود شُـم الجبالـي
أظْنْ قولي واضح حـروف ونقـط = ماعاد باقي شـي يابـن الحلالـي