يا عطلة الصيف كيف أصبر عن أحبابـي ؟ ! !

قصيدة ممزوجة جيدآ بالفكاهه وحبيت انقلها لكم وهي بإسم الشاعر / سداح

اتمنى ان تعجبكم وهي بوقتها ( الصيف ) وخاصة لمن قلبه ( اخضر )

الجوّ حامـي وأنـا ملتهبـه أعصابـي = أزحف عن الشمس .. وتزحف عنيّ الفيّه
يا عطلة الصيف كيف أصبر عن أحبابـي = يطري عليها السفـر مـع كـل صيفيّـه
والوف قلبي على اللي كـلّ مـا غابـي = ما كنّ فـوق البسيطـه نـاس موليّـه
لوّ أني أسرق جوازه وأشـرح أسبابـي = مانيب محسوب من ضمـن الحراميّـه !
وإن راح يصدر ( بدل فاقد ) على حسابي = أشكـي عليـه القـرارات الحكومـيّـه
وأقول ممنوع من دقنـي ليـا إشنابـي = روحي معـه بيـن مامـوره ومنهيّـه
من غيري أولابه .. ومن غيره أولابـي = ردوّه وأعـدّ لـه رحـلـه سياحـيّـه
لو انها رحلـة ٍ فـي ديـار الاصحابـي = محصوره من الكويـت إليـا السعوديّـه
منهـا .. أتلـوّا بحبيبـي ويتلـوّابـي = ومنها .. نشجّـع سياحتنـا المحليّـه !
أهم حاجه ما يتركنـي علـى اعصابـي = اجامـل النـاس واخـلاقـي تجـاريّـه
وأصارع الشوق ميـر الشـوق غلاّبـي = عز الله انّه مـا يـاوي لا رحـم حيّـه