24-01-11, 07:37 PM
|
المشاركة رقم: 1 |
| المعلومات | | الكاتب: | | | اللقب: | ::عضو جديد::
| | البيانات | | التسجيل: | Jan 2011 | | العضوية: | 3967 | | المواضيع: | 1 | | جميع المشاركات: | 1 [+] | | بمعدل : | 0.00 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص  ياحرب شوفو ويش سوا ولدكم
السلام عليكم ورحمة الله وبركاته
مشارك جديد وضيف عليكم من قبيلة مجاوره
غمرني احد ابناء قبيلتكم بطيبه وفزعته الغير مستغربه منه
وفاضت القريحه بااابيات حبيت اني انقلها له ولكم
ياحرب شوفو ويش سوا ولدكم=صعد بفعله فوق روس المراقيب
انتم من منول ومحدن غلبكم=رجال للموقف وفعل المواجيب
واليوم باجد طاب طيب بطلبكم=والطيب مانستغربه من هل الطيب
ياحرب سعد اللي يشد وقربكم=مادام صار الطيب للحربي صحيب
كاس البطوله فاز به منتخبكم=في ساعة فيها عوى الذيب للذيب
سر ياقلم وانثر مع الحبر الاطياب=واكتب قصيدة مدح عقلي سكبها
المدح للمدوح يجري وينساب=مثل المطر لنساب بشعابة ابها
وخصوص اذا هو من عريقين الانساب=من روس قوم ومن نوادر عربها
من لابةٍ وقت اللقا دوم تنهاب=وقت اللقا كل العرب تجتنبها
من لابةٍ ماتختفي من ورى حجاب=تظهر على روس الطوال بنسبها
حرب العريبه هدت حصون وصعاب=حتى تنال الجايزه مع لقبها
فازت بفعل نمور وصقور وذياب=لقت خلف مجهودها مع تعبها
تاقف على بير المكارم والاداب=بالطيب والمعروف تملأ قربها
وياحرب ماتذكر فعايل بلا اسباب=واليوم ابذكرها وباجد سببها
باجد غمرني طيب والطيب جذاب=يغري النفوس اللي تزايد نشبها
باجد ولد هلال للطيب كساب=عسف ذلول الطيب غصب وركبها
بفعوله كفوفه بساتين واعناب=ونخل بساتينه تدانى رطبها
فعايله ماتنحصى بعد وحساب=تتعب من بيمشي وراه يحسبها
لاصك دونك باب يفتح لك ابواب=نفسه مع الفزعات تلقى طربها
سلام ياباجد على كل مرقاب=نرفع لك البيضا وتغضي هدبها
فيك العقول تحير وتثور الاعصاب=يامن فناجيل المراجل شربها
اللي يبا يجاريك بيحصل اتعاب=لو حث نفسه والمحازم كربها
المرجله ماتدرس بفصل وكتاب=وهبه لـ ابن آدم من الله وهبها
تنمو اذا جالست نقوه وشياب=تعطي الدروس الغاليه من طلبها
تنجح بمجهودك وتذكر للأجناب=ومن فاخت علوم المراجل رسبها
بعض اللحى ماجملت طول الاشناب=وبعض اللحى طيب المراجل خضبها
تمدح وتذكر كل ماهب هبهاب=شوف القصيده وانشدوا من كتبها
من لامني في مدح باجد ولاهاب=عسى السنين الغبر يسرع ندبها
عسى الفقر يطرق على راسه الباب=نفسه على الدنيا ويعسر طلبها
وآخر حياته تنتهي بعضة الداب=تجري سمومه فالعروق تعطبها
وان مات جعل القبر صلوه وملهاب=جعله وقود النار واول حطبها
يلومني وهو على اللوم كذاب=جريمةٍ في حق نفس ارتكبها
يوايق الغره وللكعب شذاب=بئس الفعول وبئس منهو كسبها
ونهاية المعنى كتبنا للاحباب=قصيدةٍ بدر الحويفي نجبها
والخس لبسها محازم وجلباب=وسعد بن جدلان مر وخطبها
وخلف بن هذال طير لها اسراب=وجزاء بن صالح طلاها بذهبها
وسعد بن سلطان يرفع لها الكاب=وعبدالله زويبن بذوقه رغبها
طارت وهي وسط السماء كنها شهاب=تنور ديارٍ وسيع رحبها
طارت تـلـّوح فوق ضلعان وهضاب=وبن الفريدي مد يده وقضبها
اخوكم الشاعر / محمد بن عوض الشاطري المطيري
|
| |
العرض العادي
