21-12-10, 11:40 PM
|
المشاركة رقم: 1 |
| المعلومات | | الكاتب: | | | اللقب: | مشرف سابق
| | الرتبة: | | | الصورة الرمزية | | | | البيانات | | التسجيل: | Sep 2010 | | العضوية: | 3626 | | الاقامة: | القصيم | | الجنس: | ذكر | | المواضيع: | 180 | | الردود: | 2025 | | جميع المشاركات: | 2,205 [+] | | بمعدل : | 0.44 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس فضاء الشعر  اسهر اليا نامت عيون الهداريس
تلعب طرب وانا بنومي هواجيس=ماسامرك بالليل كثر الهمومي
أسهر اليا نامت عيون الهداريس=بالليل أساهر ساهرات النجومي
أونس بقلبي مثل صلو المحاميس=الله يلوم اللي لحالي يلومي
أشوف عدلات الليلي معابيس=ولاحد من الدنيا عظامه سلومي
تضحك وتخفي لك خفي الهناديس=تفطر لنا يوم ويوم تصومي
اعمل وتلقى وافهم العلم بالقيس=دنياك لو زانت تراها نقومي
قالوا جهلت وقلت جهل بلا قيس=الجاهل اللي مايعرف اليمومي
من لايدوس الراي من قبل ماديس=عليه داسوه العيال القرومي
ومن لايقلط شذرة السيف والكيس=تبدي عليه من الليالي ثلومي
ومن لاخذ الدنيا بميز وتقييس=مثل الذي يسبح بحر يعومي
البني مايصلح على غير تاسيس=ومن لاتعلم ماتسر العلومي
كل القلم من كتبنا بالقراطيس=وركابنا من كثر الادلاج تومي
ولاخير في كثر الحكي والتماليس=وقول بلا فعل يجي به وهومي
والعز فوق معسكرات السواديس=اليا قصدت اللي بالاشيا رحومي
بالليل أصالي حاميات المحاميس=والصبح أصالي كل قبا قحومي
وصلاة ربي عد رمل الطعاميس=وعلى شفيع الخلق يوم اللمومي
عد النبات وعد ذار الطعاميس=واعداد مايمطر سحاب الغيومي
تركي بن حميد (رحمه الله)
التعديل الأخير تم بواسطة عبدالعزيز العبلان ; 07-01-11 الساعة 03:44 AM
سبب آخر: تنسيق
|
| |
العرض العادي
