من كل قلبي قلتها اليوم ما بيـك=و يشهد على ما قلت دمع ٍ بكيته

من كل قلبي قلتها اليوم ما بيـك=و يشهد على ما قلت دمع ٍ بكيته
ليت الليالي ما تجينـي بطاريـك=ودي بنسيانك و لو مـا قويتـه
و ليت الحنين اللي بعيني يراعيك=يموت و انسى اللي لنفسي جنيته
كلمتني و تقـول قلبـي يناديـك=يشفق على شوفك و حبك رجيته
قلت الله اقوى قلبي اليوم ساليك=و الله ما يرجـع فـؤاد رميتـه
يوم ان قلبي يا عشيري مصافيك=لا يا حسايف بالخيانـة جزيتـه
يومه يبيك و ساعي لجل يرضيك=صديت عنه و في عذابك كويتـه
و اليوم يوم انه قنع في تجافيـك=تقول حبك يـا حبيبـي شريتـه
نسيت كل اللي جرى من تغليـك=كانك نسيت اللي جري ما نسيته
نسيت يوم اتقول ما نيب مغليـك=ابعد تراي اليوم بعـدك رضيتـه
امشي لك بنية سليمة و اداريـك=و اثرك بنية شر قلبـي نويتـه
ما بيننا رجوى و لا نيب راجيك=هدمت قصر ٍ في غرامك بنيتـه
قلبي عقب موت الوفى جا يعزيك=و يغسل بدمع العين حب ٍ نسيته
و يكفنه بالورد و عهود ما ضيك=و يدفن معه ذكرى حبيب ٍ هويته

أغاريد السعودية

ابن مطيع

اختيار موفق وابيات جميلة

مشكوووووور والله يعطيك الف عافيه

العفو أخي شرفني مرورك الرائع والجميل

صح لسان الشاعره
يعطيك العافيه اخي بن مطيع عللى النقل
دمت بود

النمر الارقط
شرفني مرورك وتواجدك الجميل