مما راقلي

لقيت صدي عندي أحسن وسـيلـه
وصديت مبغي أزيد هرج وطلايب
ماهمني حملـي ولا هـم شـيلـه
ولا هـمني زولٍ من الناس عايب
ولا يهـم كـثر المال وألا قـليلـه
ولأنـي مدور من ورآهـم كسايب
مني وفي أجروح صارت علـيلـه
وبـلاك لاجاتك من اقـرب قرايب
ملزوم عن ربعك تـشيل الثقـيلـه
إن كنت ما ترضى عليهم غلايب
وألا البعـيد أعطيه مني حصـيلـه
ومـا صد عنه ولأحسب له حسايب
إن زاد طيـبي فيه بخـلي سبـيلـه
وان شح طيبي عنه شاف الغرايب
ويأهل الحسد ياكاسبـين الفـشيـله
يا مشعليـن النار بـين الحـبايب
انا لنفـسي حكـم عقـلي دلـيلـه
يدلهـا درب الـسنـع والصوايب
يوم الضعيف ايشب نار الفـتيـلـه
والنار تسـعر لين تصل القضايب
وان ما طفت تحرق يديه وشلـيلـه
ولا له بها مكسب وصار السبايب
ومن شان سمعتـنا بوسط القبـيلـه
لكـنها بالـصدر لوهـي لهايـب
تقدير ما هو خوف ياالطـربلـيلـه
عزوتـك في ربعك ولو كنت خايب
خلك لهـم مثل الـسيال الظـليلـه
ومن دونهـم درع تصد الضرايب
وخلك لهم معروف راعي جمـيلـه
تذكر بخير وطيب لو كنت غايب

مــــــــــما راقلي

اخوى


سهم الفريدي


يعطيك العافيه على مانقلت يالفريدي



تحيتي

يعطيك العافيه اخي سهم
مشكور على الاضافه الرائعه
لك ودي

اخوي القدير

ابو فيصل

الحمدلله على سلامتك ونور المنتدى بوجودك يا ابن الأجواد

ومشكور على مرورك الذي عطر متصفحي

تحياتي

النمر الارقط

وجودك اضاف للقصيدة ريحة العود الأزرق وعطرهااا

تحياتي