مساجله بيني وبين الشاعر : فهد محمد العوني الحربي

أرسل لي الشاعر:فهد محمد العوني الحربي هذه القصيده

هنوفن بها نفسي يأبوفايز اكتفت = عليها سلامي كل ما أوحيت طرياها
يأبوفايز اقفت غصب والنفس ماشفت = ولا حصلت منها قبل تقفي شفاها
وضيعت هرجي قدمها ساعة اوقفت = بحلقي عليها عبرتن ماجرى ماها
بقت وسط حلقي حايره بعد ما أكشفت = إلعيني ثمانن غر داخل شفاياها
تكابر وتضحك لكن دموعها ذرفت = على خدها اللي بان من خلف مغطاها
وأنا من هكا اللحظه لها الحين ماطفت = لهايب داخل ثومة القلب تصلاها
عن غيرها نفسي يأبوفايز عزفت = عن البيض مالد النظر يم شرواها
وش الرأي علمني ترى العين ماغفت = وانا مستحيل أشوفها وصعبن أنساها

فــهـــد مـــحـــمــــد العــــونـــي الحـــربـــي
________________________________________________

ورديت عليه بهذه الأبيات ..

هذا بلاء العوني وأنا أقول ماذرفت = دموعن بلاش وصادق الحب يشعاها
هنوفن عليها الوجد شمعاتها طفت = ولا أظن يا أهل الود في نجد حلاياها
طوفت لك فرصه ودنياك ماصفت = وراء ما أرتويت وخالق الناس يجزاها
هذي غلطتن بالعمر هيهاتها ازلفت = ىضيعتها وتستاهل النفس ماجاها
أسلوب العذارى الغدر لو أنها احلفت = نخاشة صدع مروان ما أوحيت طرياها
أنا أقول لا تحسف يوم أنها اذلفت = لعله مهف امقيط والدلو وارشاها
قناة الجزيره نوب لخبارها نفت = وهي تنشر الموجز على أسماع من جاها
نصيب الهدف مرات وأحيان له هفت = ولا كل من يرمي على الصيد قداها

مع تحيات : أبــــوفــــايـــــز..

الله الله على الشعر اللي تذوقه كما تذوق الشهد

المصفى لله درك يالشاعرفهدمحمد العوني الحربي

والشاعر الجديـــد ابوفايز

أشوش مع كل بيت أقراه هذا الشعر الجزل لايمكن

ينضمه الا مثل العوني وابوفايز الف شكر ابافايزالأضافه

الرائعه والتي يتشرف قسم المساجلات للنضمامها

لكوكبته الشعريه الرائعه سجل مروري وأعجابي

وأسمحلي بالتنسيق ابافايز

صح لسانك يبو فايز وصح لسان العوني
مساجله رايعه
علما نه ستشارك على وضعه
وبديت رايك
(وراء ماراتويت وخالق الناس يجزاها؟)
والجزاعلى حسب العمل الله سبحانه يجز بالحسنه حسنه
ويجزا بالسيه ماءشاء
صح لسانك وعشة سالم

شاعرنا القدير : عبدالله بن سمير العوما ( أبوفايز )
صح لسانك على هذه المساجلة الرائعة جدا
تعودنا منك الابداع وجزالة القصيد
نتمنى ان تتحفنا بجديدك وقديمك فالمجالس لها حق
على الشعراء البارزين امثالك ..
شكرا لك على هذه الاضافة الجميلة ودمت بخير وعافية

صح الله لسانكـ أبا فايز...
وصح الله لسان العوني...
مساجله قمه في الروعه.....

.
.,
.

عوفيت

أخواني / أبوعمر,ابوفهد, ابويارا , أحمد المراس صحت ألسنتكم جميعاً ومروركم شرف لنا . وشهاداتكم نعتز بها . تقبلوا تحياتي

اخوي / ابو فايز

صح لسانك ولشان العوني



مساجلة ٍ جميلة ورايعة بين شاعرين


متمكنين ( العوني والعوما )


ابو فايز لاتبخل على المجالس ننتظر منك المزيد


لكما تقديري وتحياتي

صح لسانك ولسان العوني يابوفايز

مساجله ممتعه لك اجمل تحيه

صح لسان الشاعر العوني
وصح لسانك يابوفايز رد وافي لاهنت
واضم صوتي لصوت من طالب بما لديك من درر
تقبل مروري واعجابي لاهنت

أخونا أبوناصر صح بدنك . غالي و الطلب رخيص . مرورك شرفنا . تحياتي