حذراك ، ،، حذراك

من زمرة الطاغوت حـذراك حـذراكلا تبتـلـي بـجــروح يـصـعـب دواهـــا

وإلى مشيت اعرف دروبك وممشاكاحـرص علـى نفسـك وخالـف هواهـا

أمّارةٍبـالـسـوء مـــا هـــي بـتـنـهـاكاقـبـض عليـهـا لـيـن يجـلـى صـداهـا

اقـطــع نـوايـاهـا بـديـنـك وتــقــواكهـلّـل وعـنــد الله سـريــعٍ شـفـاهـا

والعـيـن لا تنـظـر بـهـا مــن تـعـدّاكالمحصـنـه لــو تلتـفـت لــك وراهــا

اصبـر علـى هـمّـك وغـمّـك وبـلـواكعـــف وتـعـفـف لا يـغــرّك حـلاهــا

واترك حـرام القـوت مـا هـو بيمـلاككــل البـطـون الجايـعـه مــا مـلاهـا

رشفةحلال اتسـد جوعـك ومضمـاكتـسـوى مشـاريـب الـحـرام وغثـاهـا

النـار فـي جوفـك وتصـلـى حنـايـاكنــار الجحـيـم تـزيـد لـلــي وطـاهــا

واحـفـظ لسـانـك لا يـجـرك ويـبـلاكاخــذ الثميـنـه لــو غـلـى مشـتـراهـا

الـهـرج ميـزانـك ويكـشـف خفـايـاككـلـمــة تـعـيـبـك لا تـبـيّــن نـبـاهــا

صون الكلام وصون نفسـك ومبـداكللنـفـس حشـمـة لا تفـصّـم عـراهــا

اصمت مدامك عارفٍ سيـر مجـراكلا تـنـقـل الـنّـمـة وتـبـحـث خـفـاهـا

يـزول قــدرك عـنـد أقــرب دنـايـاكلــو هــو ولدعـمّـك حيـاتـك جـفـاهـا

واحلـم تـراه الحـلـم يـرفـع مـزايـاكهـــو سـيّــد الأخــــلاق هومـبـتـداهـا

وصّـى بـه المبعـوث مـا هـو بيخفـاكشفـعـيـنـا يــــوم الـمـلاقــاة طــــه

خـل الجهـل لاتجعـل الغيـظ يـاطـاكتـرى الجهـل سـم القلـوب وعمـاهـا

وإلى ابتليت ارفـع إلـى الله شكـواكلا بـدّهــا الأيـــام تـكـشـف غـطـاهـا

اصبـر يزيـن الحـظ ويـزيـن مـرمـاكالله يـفـرجـهــاويــدفــع بــــلاهـــــا

لا تمـنـع المـحـروم لا مــن تـنـصّـاكالناس لأجل الناس وأحسـن عطاهـا

ابـــذل لــوجــه الله والله يــجــزاكمثـل الغـروس اتطيـب للـي سقاهـا

لا ضـاع معروفـك ولا ضـاع حسنـاكإن كـانــهــا لله تـلــقــى جـــزاهـــا

جارك ولو هو جار تسقيـه مـن مـاكعـلـيـه لا تـرفــع يـديـنـك عـصـاهــا

أحسن جـوار الجـار لـو كـان يشنـاكترى العـرب تحشـم كـلاب اقصراهـا

بـكـره يـشـد ويكـتـب الله فـرقــاكعـســاه يـذكــر جـيـرتـك مانـسـاهـا

الظلـم شيـن ويجعـل الـنـار مـثـواكراع الظليـمـه عيشـتـه مـــا هـنـاهـا

فوقـك إلـه الـعـرش عـالـم نـوايـاكينظـر قلـوب النـاس وش محتـواهـا

يسمـع بمـا تجهـر وعــارف خفـايـاكبأمره شروق الشمس ترسل ضياهـا

هــو عـالـمٍ غيـبـك وركّــب خـلايـاكهــو خـالـقٍ فـيـك الـعـروق ورواهــا

والضيـف لـه حـقٍ إلـى حـل بحمـاكقـلّـط ضـيـوف الله وأكــرم لـحـاهـا

لا تحـقـر الضيـفـان واتـشـح بـغـذاكمـن مـا عطـاك الله قـلّـط عشـاهـا

وعليـك باللـي حـزة الضيـق يـفـداكلا شـانــت الـدنـيــا ودارت رحــاهــا

لا من زهمته لـو علـى المـوت لبّـاكعينـي لجـل عينـك وروحــي فـداهـا

ترى الخوي نبـراس روحـك وملْجـاكلا كـلّـحــت بـقـعــا وزادت غـثــاهــا

حذراك من بعـض المخاليـق حـذراكبعض العـرب مـا تفرقـه مـن نساهـا

تـايــه وضـايــع بـيــن ذولا .. وذولاكفـيــه الجـهـالـة واصـــلٍ منـتـهـاهـا

وسلامتكم،،،

اخوى


سهم الفريدي



صح الشاعر / راشد بن زميع القحطاني



وسلم يراعك على النقل الجميل



تحياتي

واحفظ لسانك لا يجرك ويبلاك
اخذ الثمينه لو غلى مشتراها

الهرج ميزانك ويكشف خفاياك
كلمة تعيبك لا تبيّن نباها

صح لســـــــــــــان الشاعر
وتسلم يمينك على النقل الرائع
أخـــــــــــــــــــــــ ـــــــي سهم الفريدي

أخوي الكبير

غازي تسلم يا جعلك سالم وشرفت الصفحة

لك تحياتي

ميس الريم

كلك ذوق ويكفي مرورك المنور والمشرف

لكي كل الود والتحية