جزاء بن صالح يرثي سبيل بن سند (وسيف من الفولاذ ماهوب معـدن)

والله يالولا الصبر والامل والظـن=بالله يبـدل سيـتـي بحسنـاتـي
ودلال رسلان بها الهيـل والبـن=تحوفهـن يمنـاي ومكرمـاتـي
من حبهن ليـه تقـول يتحاكـن=ومن حبهن عندي تطول سهراتي
لياادبح بهيم الليل وهجوسنا جـن=فنجالهن يبـرد لهيـب أنهتاتـي
لاون ونة من بعود القنـا طعـن=بمشيشل من كـف شبـل زناتـي
واني لاشرّح مقدم الثوب وانجـن=وقدام خلـق الله لافجـر سكاتـي
على رجال يـوم فيهـا اتفطـن=لابصرت فيهم عفت تالي حياتـي
لهم وقار داخـل القلـب يسكـن=والصبر عنهم صار من معجزاتي
اقفوا وخلوني وانا صغير السـن=واخذت منهم طيبـات الصفاتـي
ومن قال للموروث علـم يسكّـن=مافادني بيض الـورق والدواتـي
اجهش فوادي والعيـون يتباكـن=وهليت من دمعي غزير عبراتـي
وليا صفا راسي وقلبـي تطمـن=قلت المقافـي مايجـن راجعاتـي
وانـا ادري ان ايامهـم مايـردن=هيهات ترجع ماضـي المقفياتـي
ولولاي ازور ديارهـم واتوطـن=واشرف عليهم بطايـل النايفاتـي
واشـم ريـح ديارهـم واتفطـن=وادله واعيش بماضي الذكرياتـي
لاشك عبثـات الليالـي يصيبـن=ويخلن الرجـال فكـره شتاتـي
وقبل امس جات اخبارهن مايسرن=اخبار فيهـا طابـع المفجعاتـي
غديت مثل اللي خطف عقله الجن=واصبح يهوبي مع هوى الذارياتي
علـى رفيـق بالوفـا مايتهـاون=صنديد ماهو من رجال الشماتـي
وسيف من الفولاذ ماهوب معـدن=من ابتع خيار سيوفنا المرهفاتـي
سبيـل بـن سنـد ليالـه تقافـن=واضيقتي مـن غيبتـه وافجاتـي
وش عاد لو قلبي تكـدر وحـزن=حكم المنايـا بالبشـر صايباتـي
سنة عزيز الشان والله لهـا سـن=من جاه يومه مابقى لـه حياتـي
كد قالها صالح وانا اقول صابـن=سر الامور اسبابهـا المحدثاتـي
والادمي لو فيـه الايـام طالـن=لابد ماتركـز عليـه الحصاتـي
ولو كان من يبكي دموعه يفيـدن=ياما بكينـا مطوعيـن العصاتـي
فهود الزراج مطوعة كـل مفتـن=الى جا نهار فيه مثـل الجناتـي
الى جت كراديس السبايا ولحقـن=ولحقوا عليهـن ميتميـن البناتـي
بيدينهـم شلـف وطـرم تلظـن=صنعن من الفـولاذ ومشرفاتـي
ليا وردوهن لاحمر الموت شربن=وان صدرن جن غيرهن وراداتي
وشعارهـم وفعولهـم مايـهـزن=وتاريخ وفعـول عليهـا الثباتـي
وشعر بليا افعال وامجـاد يمهـن=مافيـه لاحكمـة ولابـه حلاتـي

القدير


منصور الوسوس

صح لسان الشاعر جزاء صالح الحربي


ورحم الله الفقيد سبيل سند الحربي


وسلم يراعكـ على مانقل


تحيتي