ياوجودي ,, الشاعر/ضيدان بن قضعان

بسم الله الرحمن الرحيم


قصيدة اعجبتني وارجو ان تشاركوني روعتها للشاعر / ضيدان بن قضعان


ياوجودي

ياوجودي كل ماهب نسناس الشمال=وجد من حدّه زمانه على اللي ما يبيه
وياوجودي كل مااضحيت ثم مال الظلال=لاغفت عيني ولاذقت شيٍ مشتهيه
وجد من قفّى وهو في رجا كلمة تعال=والتفت من عقب مااقفى ولحدن لدّ فيه
وياعذابي لادنا الليل من روس الجبال=وانتهى يومٍ من العمر ماعاد ارتجيه
وانتي ابعد من سما الحلم ووصالك محال=يابعد من هلّ دمعي ضحى الفرقا عليه
ياغناتي لاتحسبين دمعي يوم سال=ضعف والاّ خوف والاّ كذا والاّ كذيه
والله اني من رجالٍ يضدون الرجال=لكن الحظ الردي ساق دمعي كلبيه
ووالله اني كل مادار حوليك الجدال=قمت كن الموت يشر على قبري بإيديه
ووالله ان قد لي وانا اصد لاجالك مجال=صدّت اللي لاتضايق تذّكر قبر اخيه
ومن سألني قلت مدري واذا عاد السؤال=قلتله تكفى سؤالك ترى ماهو وجيه
وش تبيني اقول عماََ ترى ذبحي حلال=والخطا منها علي صرت احبه واهتويه
عذرها لو ماتعذر مثل واضرب مثال=واحدن مايعرف الحر الأشقر يشتويه
وان رجعنا للتواصيف لله الكمال=لا انتهى ليل المزايين جاتك تبتديه
كنها غفلٍ مع البدو طاويها الحيال=ما يميز وصفها الاّ نبيهٍ من نبيه
واهني اللي وصلها وذاق امن الزلال=رشفةٍ مع غفلة الناس من فيها بفيه
واعزتي للي سواتي عشق ما لا يطال=ويوم طاله ضيع الحلم بين أمه و ابيه
يااول احلام الطفوله على حد الخيال=الرجا بللي حمى بيت من حملة بريه
حال دونك سيف عنتر وتاسع حول حال=باثر حولٍ حال دونك وانا ادعي هيه هيه
هيه يللي غرك الحسن واطغاك الجمال=والله ان اموت ماشفت لاوصافك شبيه
لو يسام الحسن والتيه بجنيه وريال=مابقى في سوق غيرك لا ريال ولاجنيه
كيف اهدك للمقادير وانتي راس مال=راس مال ومال والمال مايعطى السفيه
حافظك حفظي لعيني ورمشي لك جلال=وانتي تشحّين بالما وانا شفّي مويه
شايفن ظلمك وساكت وطال الليل طال=لاتركتي طعن قلبي وانا ماقلت ليه ؟
لو بقا للهيل صبرن على فوح الدلال=مابقى للقلب صبرن على شيٍ يجيه
كنت احسب ان الغلا زال واثره لايزال=في الحشا ماكنه الا دخيلٍ في الوجيه
ساقني حبك على الموت وسنيني هزال=والظروف اقسى من الظلم للعرض النزيه
وانتي تسوقين عقلي على حد الهبال=تحسبين ان من بغى شي يقدر يشتريه
والاّ انا ياوجد حالي وجودن مايقال=وجد من ضحى بغاليه لرضا والديه
وياوجودي يااول العمر قبل ألبس عقال=وجد من باع آآخر العمر في رغبة ذويه
وياوجودي كل ماهب صوتششش من شمال=وجد من حدّه زمانه على اللي مايبيه

ودمتم سالمين


الشاعر / ضيدان بن قضعان

قصيدة رائعة كروعتك ومواضيعك المتميزة

متميز حتى بالنقل عساك بالوجود ياوجه السعد

الراااائع مرورك المشررق


وحياااااك