دعوه عامه

أيها الاخوه الكرام هذه دعوه من أخوكم

يالربع مروني ترى خاطري ضيق= تكفون مرو يالوجيه الفليحه
مرو علي وبكرو يالمطاليق= وأنا علي أطش رأس الذبيحه
بشاية المعبود رب المخاليق = إني لهبب ريح من هب ريحه
أول بداء جيب الشواء والمعاليق= إمعقبه عودن عسى الله يبيحه
ربيع قلبي شوفتي للهداليق= صريح وأحب الرجال الصريحه
ولا الردي ماله ورايه مواثيق= جعله مهف إمقيط من عقب طيحه

وسلامتكم

وانت سالم وغانم
صح لسانك وتستاهل الزيارة وهذا ممايشرفنا
ولعله يكون قريب بإذن الله ..
شكرا لك على هذا الابداع وعلى هذه الابيات الجميلة
دمت بالوجود مبدعا
تقبل باقات من الورد والكادي لشخصك الكريم

صح لسانك على الابيات الجميلة وتستاهل الزياره تحياتي ابن مزرم

بـشـا يـة المعـبـود رب المخا لـيـق = إنـي لـهــبــب ر يـح مـن هـب ر يـــحـه

نـعـم وكـفـو يـا بـن عـجـا ب . ابـيـا ت را يــعــه

ونـشا الـله تـسـنـح الـفـرصه لـز يـا رتـك

لك اخي غازي تقديري وتحياتي


اخوك مبارك بن ناصر بن حديد

	ولا الردي ماله ورايـه مواثيـق=جعله مهف إمقيط من عقب طيحه

صح لسانك يا ابوزوايد

وبارك الله فيك يا غازي

وعلى القوة ان شاء الله

وتستاهل العنوة والزيارة

كفو كفو كفو والله يا الفريدي

*********

لمن لم يسمع ب مهف مقيط !!!
التكرم بزيارة هذه المشاركة للمشرف f15
**********

http://www.alfredah.net/vb/showthrea...t=%E3%DE%ED%D8

مقيط ورشاه
ذهب مقيط ورفيقه الى جبل ((جبله))


الواقعه جنوب وادي الرشا بين الجمش ونفي .
لصيد فروخ الصقور من اعشاشها في غار بعالي جبله في مكان يصعب الوصول اليه الا ان يربط احدهم الرشا ( الحبل )في وسطه وينزله الاخر برفق الى ان يصل الى اوكار الصقور
الشاهد ان مقيط ربط الرشا في وسطه وقام رفيقه ينزله برفق وقبل وصول مقيط الى غار الصقور حدث ان في منتصف الرشا عقده لم ينتبهوا لها وبقدر من الله دخلت هذه العقده بين صخرتين وبقي مقيط معلق في الهواء حاول رفيقه ان يخرج العقده من بين الصخور ولكن دون جدوى ولم يستطيع ايضا الوصول الى العقده لانها في منتصف الرشا بينه وبين مقيط ظل رفيق مقيط يحاول ولم يستطع وارهقه التعب والعطش ولم يجد حلا لتلك العقده وبعد ان يأس رمى طرف الرشا على مقيط وقال (( دوك .. يامقيط رشاك )) وذهب وتركه معلق في الهواء
ويروي احد الرجال من قبيلة عتيبه يقول انه بعد مضي سنه مر جدهـ على ذلك الجبل (( جبله ))


وسمع قرعا في اعلى الجبل ويقول صعد الى اعلى الجبل واذا بعضام مقيط متعلقه في الرشا تقرع في بعضها
مات مقيط ولا بقي منه الا ذلك المثل
(( مهف مقيط ورشاه )))

	يالربع مروني ترى خاطري ضيق تكفـون مـرو يالوجيـه الفليحـه مرو علـي وبكـرو يالمطاليـق وأنا علـي أطـش رأس الذبيحـه بشايـة المعبـود رب المخاليـق إني لهبب ريح من هـب ريحـه أول بداء جيب الشواء والمعاليـق إمعقبه عـودن عسـى الله يبيحـه ربيـع قلبـي شوفتـي للهداليـق صريح وأحب الرجال الصريحـه ولا الردي ماله ورايـه مواثيـق جعله مهف إمقيط من عقب طيحه يالربع مروني ترى خاطري ضيقتكفـون مـرو يالوجيـه الفليحـه مرو علـي وبكـرو يالمطاليـق وأنا علـي أطـش رأس الذبيحـه بشايـة المعبـود رب المخاليـق إني لهبب ريح من هـب ريحـه أول بداء جيب الشواء والمعاليـق إمعقبه عـودن عسـى الله يبيحـه ربيـع قلبـي شوفتـي للهداليـق صريح وأحب الرجال الصريحـه ولا الردي ماله ورايـه مواثيـق جعله مهف إمقيط من عقب طيحه

والله ماأقدر أجد كلام أرد فيه عليك

الا هالبرواز لله درك قصيده كلها دره

تذكرني بقصيدة أبن عمك الفريدي محمد بن نومان هذا الشعر اللي يغسل الكبد

سجل مروري وأعجابي

صح لسانك على الابيات الراائعة

المشاركة الأصلية كتبت بواسطة منصور الوسوس

وانت سالم وغانم
صح لسانك وتستاهل الزيارة وهذا ممايشرفنا
ولعله يكون قريب بإذن الله ..
شكرا لك على هذا الابداع وعلى هذه الابيات الجميلة
دمت بالوجود مبدعا
تقبل باقات من الورد والكادي لشخصك الكريم

اخوى


منصور الوسوس


لى الفخر بزيارتك لي وإن شاء الله تكون قريب


شكرا لك مرورك والأشاده


تحياتي

المشاركة الأصلية كتبت بواسطة ابن مزرم

صح لسانك على الابيات الجميلة وتستاهل الزياره تحياتي ابن مزرم

اخوى

بن مزرم


حياك وعلى الرحب والسعه ياهلا



تحياتي

المشاركة الأصلية كتبت بواسطة مبارك بن ناصر بن حديد

بـشـا يـة المعـبـود رب المخا لـيـق = إنـي لـهــبــب ر يـح مـن هـب ر يـــحـه

نـعـم وكـفـو يـا بـن عـجـا ب . ابـيـا ت را يــعــه

ونـشا الـله تـسـنـح الـفـرصه لـز يـا رتـك

لك اخي غازي تقديري وتحياتي


اخوك مبارك بن ناصر بن حديد

اخوى العزيز


مبارك بن ناصر بن حديد


جيتك مثل يوم العيد وتباشير المطر أنت واللى شرواك


ولا عليك زود يابو ناصر نفخر فيك وباللى مثلك


تحياتي