رد على الأخ الفاضل مقبل النمران

بسم الله الرحمن الرحيم
السلام عليكم جميعاً ورحمة الله وبركاته

أرسل لي الأخ العزيز الشاعر : مقبل النمران رائعة من روائعه الجزلة كما هي عاداته الجزالة دائماً
ومطلع قصيدته ( يا عبد الله الغنام بعض التجارب .. تثر على قلب المعنى وتكويه ).

وأما الرد عليها فالتالي :

أقول ما أدين الإله بصوابه

البارحة يومه غدا الليل جزوين=لقيت من بعض الروابع كآبه
شيء يهيض ويجرح القلب والعين=طار سرى من أدنى اليمامة لطابة
قاصيه هم وحده الحد والبين=وجاني لفاني يدعي له طلابه
يشرح نتاج المهزلة بالمساكين=في غابة شذت عن أيات غابة
بها الفلو ينبح ! وفيها الثعابين= تعشش ! بطبع زايد بالغرابة
أما أختلف بالدار سمت القوانين=وإلا شهيد الحال شافه وهابه
ثم صور المعنى على غير تقنين=بسرد دواعيه الأمل واقتلابه
حييت يا ترثة هل المجد الأقصين=اللي منازلهم ديار الصحابة
حي الجواب اللي من أول وهاللحين=ما هس فيه اللحن والرتابة
يا مقبل النمران قول على دين=محكم صواب العرف عندي جوابه
لفيتني والله على حالك يعين=لو ما استشرت ولا طلبت الإجابة
لكن عليّ الحق ثبت البراهين=أقول ما أدين الإله بصوابه
وصف العمل بالحال عصف الطواحين=هب الهواء الذعذاع لطف وغدا به
الحال يخلف ظن ما بين حالين=يا حال حق ثبت وإلا سفا به
ما يثمر إلا ما أحتميته عن المين=برجوى غني الجود وسنة كتابه
خل الأمل بالناس ما هو على شين=لا يستزلك عن دروب النجابة
وأليا هجرت أهجر هل الدون عفنين= اللي مجاراهم يصنف خيابة
ما هو بهين يا حفيد المسمين=تطرد كلف من لا تكلف جنابه
ولا هو بحق تنطح الشين بالشين=وأنت تقدر الجزلى وتقوى الصلابة
وإن هز بأركانك رجيف الشياطين=وذليل فعل لهم بالكون عابه
أعرف ترى بالحال مس بعد لين=يديره اللي سعينا في رحابه
وأليا زبنت مكون الكون تكوين= أبشر بنصر الحق وأرهى ثوابه

وسلامة الجميع
مع التحية الخاصة لمقبل النمران والتحية عامة للجميع
أخوكم : عبدالله بن غنام
5/7/1431هـ

الأديب الفاضل والشاعر القدير / عبد الله غنام

صح لسانك وسلم إحساسك , وافي وابن وافي

أشكر لك ردك الجزل وقصيدتك المغلفة بالنور والطيب

والقصيدة قديمة كما تعلم ويعلم بعض الأحبة وماكان إرسالها لك إلا محاولة في كسب ردك الجزل

ومبروكة هالقصيدة اللي جابت رد كهذا الرد

ودمت كما تحب ونحب
.

صح السانك اباعزام قصيده جزله بعد غياب

صافحتنا فيها وطربت مسامعنا ولله درك
سجل أعجابي بهالرائعه ومقبل شاعرغني

عن التعرف مهندس القافيه له من التحيه

والتقدير كلكم عينين براس

صح لسانك ابو عزام على هذه القصيدة الرائعة بعد هذه الغيبة الطويلة

وابو ياسر شاعر وغنى عن التعريف وله بصمات تثبت ذلك

عدت وعاد الجمال معك اخي ابو عزام

فمرحبا بعودتك الرائعة

تقبل تحياتي

صح لسانك ابو عزام

ومرحباً بك وبعودتك لنا من جديد

وعوداً حميداً

والله يبارك بالسبب اللي خلانا نستمتع بعودتك ونتلذذ برائعتك .

صح لسانك والله يبارك بالقصيدة اللي جابتك من بعد هالغيبة الطويلة

سعدنا بها


شاكر لك اطلاعنا عليها

الأخ الشاعر عبد الله الغنام صح السانك
لقد أسمعتنيا عذب القصيد ,,لله دركـــ
والحمد الله على السلامه
تقبل مروري لك.................

الاستاذ الاديب الشاعر
ابو عزام
عوداً حميداً
دمت حاضراً

الشاعر القدير ابو عزام
صح السانك
هذه الرائعة اعطتنا احساس
بالعوده انشاء الله الى مجالسنا
جميعاً

التي طالما شكت من فراق
كلماتك
وحضورك
لك
تحية من الاعماق

المشاركة الأصلية كتبت بواسطة عبدالله بن غنام

لكن عليّ الحق ثبت البراهين=أقول ما أدين الإله بصوابه
وصف العمل بالحال عصف الطواحين=هب الهواء الذعذاع لطف وغدا به

صح لسانك يابو عزام

جزل وماتجيب إلا الجزل