يا (راعي التعداد) بحي السويدي=عد الذي عالبال بالله عن ألف

يا (راعي التعداد) بحي السويدي= عد الذي عالبال بالله عن ألف
اللي جرا حبه بمجرى وريدي = ابيض شبيه البدر وقاصر الطرف
ملفاه حظي ويوم شوفته عيدي= أبوصفه وألقاه ابلغ من الوصف
احترت به واحتار بوصفه قصيدي= له رمش من طوله عليها تعكف
في يوم عن يوم هواها وطيدي= شعره قصير ومتكي فوق الكتف
تقصر خصل منه وبعضه تزيدي= في ثغرها لولين صف على صف
لا تبسمت هاضت شجون العبيدي= وإذا بكت تبكي سحابات ويجف
ورد وتلف هموم وحزن شديدي= اضيع زمان اللي قضيته ولا كف
لامس كفوفة ليت وقت يعيدي= مرت سنين من بعيد اترشف
حسنه واحاول انثره من جديدي= وازف له قلب من الشوق مرهف
ويا (راعي التعداد) بحي السويدي= هذي تراها احلام عاشق وبه لف
قلبه هواها وذاب عالم جليدي= لانه عفيف وكل إنسان لا عف
مالك سوى الاحلام لوصله تشيدي= اتخيل اطيوفه بقربي وإذا رف
نمت وخياله وسط عيني وسيدي= هذي مشاعر في الهوى لو توقف
كل القلوب العاشقة وصار بيدي= ابعد حشى حتى لو الروح تنزف

ببقى على عهد المحبة وأعيدي= وأكثره كل ما قارب يخف
شاريه ماني بالمواصل زهيدي= وهاوية لو يهوي بقلبي إلى الحتف
هذي وصاتي وادري انه بعيدي= انه تحقق بس لا تقول لي أفِ
اتركني احلم دام حلمي سعيدي= دام الزمن ما جمًع اثنين وانصف
واحرق قلوب فرقتنا وأكيدي= قلوب على شوف الولايف تحسف
خلك معي مرسال وساعي بريدي= تكسب أجر من احرقه الحب واتلف

شعر / مبارك علي الجوهي