تشفع لـك ايـام الغـرام القديمـه

هذه الابيات للشاعر الكبير خليل الشبرمي

لاتعتذر ما للهجـر منـك تبريـر=وصدك بليـا ذنـب والله ظليمـه
ما صار لي بعدك يفوق اي تصوير=تجددت كـل الجـروح السليمـه
بعدك لعب في هاجسي والتفاكيـر=وقلب ن جريح وروح صبن مهيمه
ما غير اسلي خاطري بالمشاويـر=اروح وارجع والهواجـس مقيمـه
يا حب ياللي بين بيض الغناديـر=لك في عروش القلب قدر ن وقيمه
ان كان صدك ماخذك عني الغيـر=روح ولـو ان الخسايـر وخيمـه
فن كانها عنـي خذتـك المقاديـر=فالعفو عند المقـدره فيـه شيمـه
يا مرحبا والحـب كلـه معاذيـر=تشفع لـك ايـام الغـرام القديمـه
يوم الهوى لا زارني منك عصيـر=اضم في صدري من اجلك نسيمـه
واليوم اصبر خاطر الوجد تصوير=واقول صدك عدو وصلك جريمـه

هذه الابيات للشاعر الكبير خليل الشبرمي