لاتعتذر ما للهجـر منـك تبريـر=وصدك بليـا ذنـب والله ظليمـه
ما صار لي بعدك يفوق اي تصوير=تجددت كـل الجـروح السليمـه
بعدك لعب في هاجسي والتفاكيـر=وقلب ن جريح وروح صبن مهيمه
ما غير اسلي خاطري بالمشاويـر=اروح وارجع والهواجـس مقيمـه
يا حب ياللي بين بيض الغناديـر=لك في عروش القلب قدر ن وقيمه
ان كان صدك ماخذك عني الغيـر=روح ولـو ان الخسايـر وخيمـه
فن كانها عنـي خذتـك المقاديـر=فالعفو عند المقـدره فيـه شيمـه
يا مرحبا والحـب كلـه معاذيـر=تشفع لـك ايـام الغـرام القديمـه
يوم الهوى لا زارني منك عصيـر=اضم في صدري من اجلك نسيمـه
واليوم اصبر خاطر الوجد تصوير=واقول صدك عدو وصلك جريمـه

هذه الابيات للشاعر الكبير خليل الشبرمي

المشاركة الأصلية كتبت بواسطة عايض المقطع (المشاركة 149741) صح لسان الشاعر خليل الشبرمي، وصح بدنك يابن مطيع على الاضافه الجميله.

المشاركة الأصلية كتبت بواسطة عاشق رايد (المشاركة 149766) صح لسنا الشاعر خليل الشبرمي و شكرا يا ابن مطيع على النقل