قصيده وفاء حزينه

قصيده مدري سمعتوها والا لا
اعجبتني واتمنى تعجبكم :

غابت ثمان سنين حل وترحال =غابت ثمان كلها مدلهمه
قصيتها بالحب والشوق رحال=بشوق تحدى كل ياس وهمه
سألت عنها سنين وشهور وليال=ولا فيه فج غير وجهت يمه
وعقب الثمان الي تعبها برى الحال=جاب الزمان الكارثه والمطمه
جاني ولدها يبتسم بين الاطفال=ومن بسمته ذكرت انا بسمت امه
شفته وصاحت داخلي كل الامال=بصوت عجزت بكتم الانفاس المه
وركضت له ودمعي على الخد همال=زمن كثر شوقي قمت بالحيل اضمه
ولحظة حضنته والطفل في يدي مال=شميت ريحتها على اطراف كمه
واستلهمت نفسي مقادير الاهوال=تم الضياع واكدت لي بهمه
ليت الغياب الي شغل غربتي طال=ولا دور العاشق على حرق دمه
اليوم بنت الناس في بيت رجال=حب على غير الشرف لي مذمه
مجبور اعود واشتكي كل الاميال=بنفس حزينه جايرة مستهمه
برجع غريب سكته بر ورمال=يموت يحيى يندفن مايهمه

لكن لا اعرف القائل .....

وتقبلوا تحياتي