30-03-10, 03:20 AM
|
المشاركة رقم: 1 |
| المعلومات | | الكاتب: | | | اللقب: | عضو ماسي مميز
| | الرتبة: | | | الصورة الرمزية | | | | البيانات | | التسجيل: | Mar 2010 | | العضوية: | 2780 | | الاقامة: | السعـــــــوديه | | الجنس: | ذكر | | المواضيع: | 1678 | | الردود: | 3083 | | جميع المشاركات: | 4,761 [+] | | بمعدل : | 0.92 يوميا | | تلقى » 9 اعجاب | | ارسل » 2 اعجاب | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس فضاء الشعر  خلف ابو زويد السنجاري
الشاعر/ خلف ابو زويد السنجاري الشمري....
ولد بالشمال الغربي من مدينة حائل في اطراف نفود جبه التي تبعد عن مدينة حائل
حوالي (100 كلم)
وعاش حياته في احضان النفود متنقلاً بين من يقطنها في ذلك الوقت من القبائل
وطال بقائه بجوار الشيخ ( سطام بن شعلان شيخ الرولة ) ثم ( الأمير محمد بن عبدالله الرشيد )
امير حائل في تلك الفترة حتى وافاه اجله بعد عمر جاوز المئة عام بقليل
وقد اشتهر الشاعر ( خلف ابو زويد ) في قصائده بالحكمة وضرب المثل للناس
وكانوا الناس في ذلك الوقت يقومون بحل مشاكلهم ببعض من حكمته وامثلته التي سارت
مع الناس الى يومنا هذا....
واشتهرت معضم قصائده بوصفه الدقيق والنادر للأبل الأصيلة....
تزوج ابو زويد عدة نساء رزق من احداهن بإبنه ( دخيل ) الذي يسند عليه في اغلب قصائده
وله احفاد لايزالون على قيد الحياه وهم أبنا لحفيده ( عثمان ) رحمه الله....
(1)
قصيده يوصي به ولده دخيل
دخيل خذ مـن والـدك لـك مسالـه مسالـةٍ مايفهـمـه كــل رجــال احشم خويـك عـن دروب الرزالـه تر الخوي عند الاجاويـد لـه شـان والمرجلـه بالـك ترخـي حبـالـه حذرا تعيـل ولاتراخـى لمـن عـال البـل يفتـل مـن وبرهـا عقـالـه والخيـل تزلـج بالشبيلـى والاقفـال ان كان ماتدعـى علـى كـل قالـه تراك مـن حسبـة هـدومٍ لـه ازوال وان كـان دلـوك ماتموحـه شمالـه تر النشامـا ينسفونـه علـى الجـال رفيقـك الدانـي ليـا شفـت حـالـه احمل عليك مـن المعاليـق ماشـال ياعـل رجـلٍ شوفتـه قـد حـالـه عسى تـدور زوجتـه فيـه الابـدال الحمّـرة تـدرك معيـشـة عيـالـه لاعاد مايبغـى منـه بـاق الاحـوال وان صار لك من عوص الانضا زماله حمرا تورد بـك ليـا صنقـر الـلال تمرس كما تمـرس خطـاة المحالـه مع سهلـةٍ عمّّـال مـن جامعـه ذال خلـه مـع الديـان تمشـي لحـالـه ياصار ماانت لمسـة الخشـم حمـال تـر ربـع يـومٍ مجلسـك بالشكالـه يسوى حـلالٍ عايشيـن بـه انـذال
(2)
قالوا تسير قلت مامـن فضـا بـال وقت(ن) على الاجواد مابـه وناسـه قم سـو يـاراع المعاميـل فنجـال كثر بهـار الهيـل يغـدي عماسـه هذا زمان(ن) مقبل(ن) منه انـا ذال ناس(ن) كلت ناس(ن) بخبث ونجاسه قامت بصاع المنكر النـاس تكتـال ودلـت تبـاع الجوهـرة بالنحاسـه واشوف انـا الاِسّـود خِشّـع وذلال وقت(ن) به الحصني يدور الفراسـه راع الجحش شرهن على جدع خيال متحزم(ن) فوقـه بدرع(ن)وطاسـه ولباسة الجوخ الحمر وادهم الشـال قامـت تغولهـم عيـال البسـاسـه ماينتعـدل شيـل بقعـا اليـا مـال ومنـيـن ماعدلتـهـا ماتـواسـه ياراعي الخصرين والطوق وهـلال اللـي شفاتينـه ســواة اللعـاسـه اصبر وعند الله تصاريف الاحـوال والقصر مرجاعه على بنـي ساسـه
(3)
راكب اللي مـا يعـوزه تواصيـف حمراء تورد به ليـا سـرب الـلال قب الضلـوع وطولهـا بالأطاريـف شقرا شعر به من تحت تقل سـروال يزال جفله للخـلاوي علـى الكيـف عاقل تحض المزهبـه ليـن تشتـال ويروحـه مـع وادي ذل ومخـيـف ركّابها عـده عـن الجيـش خيـال ويا درهمة تشدى سريع الشواحيـف يكتلـه مـوج ٍبعيـد عـن الـجـال منوة غريـب دون حيـه مياهيـف اللي من الثنتيـن يامـن بـه الـذال تلفـي لربعـي نازليـن الأطاريـف نزّالة الحـزم المطـرف ليـا سـال ربعي هل الطولات وتكرّم الضيـف ربعي هل الردات ماضيـن الأفعـال بتفرّق الشوفـات ياحيـف ياحيـف الله لحـد ماطـاح بالفكـر رجـال الفكر ساس الحظ والفعـل بالسيـف والعـز بجمـع الرفاقـة والأفعـال وليا ضاع فكرك شاور اهل المعاريف الله جعـل لمـدوّر الفكـر الأسيـال ولا تشاور إلا من يخوّفـك ويخيـف يتيـه راي مشـاور البايـه الضـال ولا تطيع مقرود ٍ يدربيـك بالهيـف وليا سرا بك قبلـة تصبـح شمـال بير العيا من طببه قيـل مـا شيـف همج ٍ ولا عمره ظهـر منـه حيـال وصيّور ما للقالات تاتـي مناكيـف وتصير كسبات الفشايل لمـن عـال يانـاس بقنـا الله بكثـر المحاليـف هو الذي عنـده ميازيـن الأعمـال
(4)
ياراكب اللي كن فخذه مـن الجيـم ماسومها الكفه على الساق وهـلال ابوه وضيحـانٍ مضربـه سليهيـم وجده فحل شعلان من زمل شـوال عليه حلايا وصـف قـوادة الريـم شقرا وغاشٍ وركها مثل الاشعـال لا هي قمر لا ريح لا شين لاغيـم ولا هي قطاةٍ حاديه واهـج الـلال فيحا ومشيه بالعصـا دوب تيميـم ركابها عده عـن الجيـش خيـال عليه دليـلٍ مـا بمشيـه تعاويـم قـطـاويٍ اوي والله مـرســال مدت من الخابور من قبـل تقديـم وبالمد الايمن ركب الجدي بشمـال خل الغراب ايمن منك صوت او قيم ووادي المياة ايسر منك هو وماسال ومن عند لاهي بس خلـه تراهيـم وخله تروح بك مع الخر زرفـال خله تسهم بك مـع الخـر تسهيـم والخامسه تشرب من الحزل زللال ومن الصليمي خشم ربدا الى دهيم ويا ما تطالع من رهاميـن وازوال بخور الخماطيـة رجـوعٍ مقاويـم ربعي هل الطولات ماضين الأفعال ربعي لذيـدان المعـادي مجاريـم كم بـدريٍ باسبابهـم راح وبـال الظهر عنـد مولـم الـزاد توليـم مره على البايح هجـورٍ وفنجـال والعصر عنـد مذبحيـن المراديـم اهل دلالٍ بـس تقليـط وارسـال شيوخٍ وحكـامٍ وحصـنٍ نواهيـم ضياغمٍ لا شافـوا الـزول زعـال اللي عطـاه الفيـن بيـتٍ بتقسيـم وانا عطوني مثولثٍ كنـه الجـال ياما عطت يمناه من طرش وغنيم وياما عطت يمناه معهن من المـال ماقلتهـا ادرا ولا زاحمـن ضيـم ولا خايفٍ منهم ولانـي بعـد ذال 5 ـ
يا راكب اللي تقل تداري من ايده حمرا على السند اخروم يشوعي حمـرا تدنّـا للديـار البعـيـدة عمال ما جارت عليها القطوعي ركابها يوصل سلامـي امكيـدة حبه مخلي بالضمائـر مزوعـي كلٍ نهـار العيـد عايـد وديـده وأنا نهار العيد عيدي ادموعـي ياناس هنيـت القلـوب البليـدة ما ولعنـة زاهيـات الردوعـي جو جمع من كل سمـويٍ بديـده وجان البلاء من ذهيبان النجوعي الرأس ذيل اللي تلـوج بحديـده شقرا ترادي من هواها الفزوعي
6 ـ
أبديت أنا هاجوس قلبـي بقيلـي ماهي هواجيس القلوب الهبايـل هرجات ماهولس بهن الهبيلـي مثايل من رمعـة العقـل قايـل دخيل كان أنك لهرجـي تشيلـي هرج يدل اللـي يتيـه القوايـل ياصاحبـي وداعتـك يادخيلـي ودعتك اللي ما يبوق الرسايـل خويك اللـي بالخلالـك وكيلـي لوزن عنـدك زلـة لا تسايـل وأحذرك عن رفقة خطاة الرذيلي ماينبذر بلّـي يغـط ّ الجمايـل صديقك اللي قبل جيلك وجيلـي صديق جدك بالعصور الأوايـل لاتطيع به حكي العرب والنقيلي -عدّل معه شيله الى صار مايل وعدوّك اللي بغض جده محيلـي تاتيك لو صافاك منـه النقايـل وأفهم ترى باقي العرب مايضيلي ياصاحبي ماغير ربعك صمايـل أصبر تصير بعين ربعك جليلي صبرك يجنبك الدروب الرذايـل الصبر يودع باب حظك طويلـي وخل الهبايـل تايهيـن الدلايـل ياصاحبي حذراك بالـك تعيلـي ارتك على العاقل اللي جاك عايل ياصاحبي حذراك تنسى الجميلي ولاتنفـع اليمنـى بليـا شمايـل الكد يصلح بالحصان الأصيلـي اللي يهـدد بالجيـاد الأصايـل
7 ـ
انا هوا بالي خطات السجلـه هذا هوا نفسي وغاية مرادي ان غاب عنها كافره واسفهله ياتقل له رب المقادير هـادي يابركن عوص النضا بالاضله بالقايله تلقى قرينـه يـدادي حمرا ومذنب عينها تقل غله مثل لهيب النار لولا السوادي حمرا بطولٍ باتسـاعٍ بجلـه حمرا وتقل مولفه لك ستـادي ياجللوا دهم القرب بالاجلـه والما بعيدٍ حال دونه حمـادي ياوردن مع سهلةٍ مـا تدلـه عليه ردي الخال ماله جلادي لحاقة المقفي ولا يلحقـن لـه حمرا سنادٍ غاربه للشـدادي تشدا تهنفل خفرةٍ جـاه خلـه متغربٍ عقب البطا جاه بادي
8 ـ
القلب يبرم بالهواجيـس ويديـر من جادل جتها طوارف اطروشه قام الفهيم وصخر القيل تضخير قرايض مـا ولفوهـا الدحوشـه والله يالولا باقي الناس لا اشيـر اخاف من ناس تنثـر اقفوشـه لاقول عجوا بالبنـي الغناديـر وعزي لمن له عشقه ما يحوشه مصور منبوز الارداف تصويـر تصوير وشحا نايشتها اعطوشه لا بالقصار ولا الطوال الطناطير ولا بالغلاظ ولا دقـاق نشوشـه خده من الموت الحمر به دواوير كن الصعيوي دورجن في نقوشه خده عفر واصفر كما ذوبه الكير والخشم مصقول بلمات هوشـه والردف شط امتيه له علي ضير امه جضور وراعية ما ينوشـه والا يشادي نابيات ال****يـر عقب الهبوب ونايشتها رشوشـه وثنيوات التـرف غـر مغاتيـر من شافها يسقم علي اردا معوشه والعين غين اللي بروس العناقير نجل سواد عيونها مع ارموشـه
9 ـ
يا الله يعالـم خفيـات الاسـرار حليـم ماتخفـا عليـك الجحـاده تفرج لقلـب دب الايـام محتـار الى قلت هـود جـاه يـوم وزاده قلب غدا لمذلق الشوك محضـار سـدر بساتينـه وطلـح بـلاده من عقب ذاياركبن فوق مزعـار مافوقـه الامزهبـه مـع شـداده حمرا سناعينه تشادي سنـا نـار تلقب كما المشهاب عقب السـواده عين العديم الي سمع صيحة الجار وعىولـه عندالملازيـم عــاده تلقى فهد وتبلغـه كـل الاخبـار العلـم كلـه داخـل فـي فـواده ان ساعفت دنياك فالحبل **** النفس ماتنسـا طـوارى مـراده ما من قلوب حيل كله بها اعشار غيب والادريويـش حـزة ولاده تلقح رجال من رجال بالاشـوار وكل بحد السيـف ياخـذ سـداده سبب لقاحه من مدورة الاشـرار لقـاح قبسـون قمعهـا زنــاده والصبر مابـه للفتىكسرةاعبـار ليـن لـه الدنيـا تبيـن مقـاده ان كان ضيف مخطىله على جار عزالله انك ناجيـن مـن سـواده رعى الزقيميات فىضلع سنجـار اخير عنـدي مـن قعادالزهـاده
10 ـ
نجدٍ جفتنا بالمحـل وأبعدتنـا ويوم أخصبت حنا هذولاك جينا لولا محمد ماإفتـدت سابلتنـا كان تاخذ الحكام بـاقٍ علينـا
والقصيده اطول من ذالك
11 ـ
ياراكبٍ حمراء تسوف العراقيب حمراء تسوف كعوبها بي سبيبه تلفي لهل العلياء هم منقع الطيب ونعمين بالعلياء ومن ينتخي بـه رويلات والله مابهم عد أجانيـب ولا منهم اللي نازحٍ عن قريبـه سطام مثلك ماحمل به ولا جيب من مطلع البيضا لغربي مغيبـه مايستوي للبيض غيرك ضواريب البيض خطو المشتبه وش تبي به ياشوق من عيّت على كل خطيّب قبلك على كل القبايل عصي بـه
والقصيده اطول من ذالك
12 ـ
يا راكب حمرا من الجيش مرعـاب طويلـة الساقيـن مثـل الـزرافـه ما ضربت عند الشرارات بضـراب ابوه وحـش هـي كاسبينـه حيافـه بين الرباع وسنهـا وبيـن الانيـاب ومحيلينـه ليـن زيــن عسـافـه وليا روحه مع سهلة تلعـب ألعـاب تاطا علـى مثـل المجيـدي خفافـه يقصر رسنها ويدب الجيـش بـاداب مثل الطموح اللـي تزايـد اعيافـه تسهم على الممشى كما يسهم الـداب وتنـف برطمهـا وللذيـل سـافـه وعلى السنود مضريه توثب اوثـاب عين العديم اللـي يشـوف الجنافـه وليا ركبها الشيـخ والغـزو كسـاب وحكوا مطـراش الأهـل والكيافـه كثيرهم يلفي علـى اللـي تقـل داب وهروجها مثـل وشيـش الحضافـه لجه مثل معـارك الذيـب وكـلاب والذيب منهم خاطـف لـه خطافـه زوله طويل وغاربه تقـل مصـلاب ومن طول زوله صاير بـه هدافـه وليا جت بالسايه تقـل مشـي دولاب حسـه طويـل ولاتهـاب القنـافـه والشيخ يلفي على وضـاح الانيـاب بنت الشيوخ اللـي تبـارق رهافـه بنت الشيوخ اللي خواله لـه انسـاب اعطوه (نوره) من سخاهـم مرافـه يا شبه وضحا به دباديـب واجنـاب اللـي يحطبـه الجـرس والكتافـه ما شفت (نوره) مع اجانيب واصحاب ولا تنتوصـف عايـزات اوصافـه يا عود مـوز بـه الريـح تنسـاب يازيـن ياهـب الهبـوب انتسـافـه
13 ـ
قالو تشير وقلت انا اليـوم ماشيـر وعيب على من جاب شوره ولا جاز خيل الصحابه ربّطـت بالجواخيـر يصفقن من قل العوافـي بالاجـواز الاوله ماجـت علـى نيـة الخيـر ولا صاده الوكري خذا حر من بـاز والثانيه بنـت الشيـوخ المناعيـر اللي لهـم عنـد المظاهيـر ملكـاز والثالثـه يدهـم خمالـه دميثـيـر نفل بتصويت العشـاء كـل عنـاز (14)
الى قيل هاوش ذا شحلن تشحيل مثل النعام اللي مع القاع شـراد حيل يشادن مرمسات المحاحيل الى قلت بادن هاظ مكنونهن زاد تلقى على اثرهن قطيع المخاليل تدويح يتمان على كرمة اجـواد فان نوخوهن العيال المشاكيـل على طرف قوم يحرفون الاذواد يشدن تحلفز رجعن تالي الليـل جاهن خبر عرس وهن قبل رقاد
(15)
ومما قال شاعرنا ابو زويد:
ياراكب اللي كـن مشيـه تضـدي مامونةٍ منـوة مقضـى الاغاريـض حمرا علـى السنـدا عديـم يهـدي عليه سنام شاتـي عقـب تقييـض ميـلاف عنـد المزهبـه ماتـردي ولاعذبتنـي بالرغـا والتفاضيـض نصـه عتيـق يانصيتـه يـسـدي قرمٍ يبيع الروح بـاردا المعاريـض مـن ماكـرٍ ينتـج حـرارٍ تهـدي ربعٍ لـه يـوم اللـوازم مراكيـض لايابعـد خالـي وعمـي وجــدي وباللي غدا يالقرم فيـك المعاويـض ابي عليـك ابـدي خفيـات سـدي قلبي تـدالاه الهواجيـس والغيـض عتيق وجرحـي بـرى واستـردي من هم غروٍ نقض الجرح تنقيـض عينه كمـا الساعـه لوقتـه تعـدي او عينٍ عنزٍ سوهجت عقب تربيض والـردف شـط حـوارة ماتـردي ترضع لبن بكر على الكيف تفويض والـزول زملـوق نعـم واستجـدي وكساه عن لفح الهوى عشب تحميض وشوفـه بليـا شـب نـار يغـدي ياصار قلبك داله مع هـوى البيـض بنـت الـذي عينـه لربعـه تقـدي حقه عليه من الضـواري لعافيـض
|
| |
العرض العادي
