صوت وصدى.. الفريدي والحصني

(صوت)
الشاعر: علي هليل الحصني

طاح الخرز والسبحه اللي بلا خيط=والله ما ادري من يجمع خرزها
قام المعلم يستفز احمد الغيط= والمؤتمر قضيته ما فرزها
المعظله ماهي مبرة مصافيط= لو تنحرز ما منكم اللي حرزها
بشار ومعمر على زعيط ومعيط=من عرق حنظلها مقاطف كرزها

(صدى):رشيد الفريدي

ياصاحبي بالوضع نكبه وتوريط =مالك ومال اللي كنوزه كنزها
وجه العرب كله بثور وعرافيط= وحال العرب يرثى لها من عوزها
السالفه راحت علوم وخرابيط= وعين الحقيقه من وصلها نقزها
تصريح ريس واجتماع وشخابيط= وحلوق يطلع من غضبها لوزها
يرسم لهم خط ويقولون تخطيط =من شاف لاوراق القضية لفزها
شف كم اسير لعين جلعاد شاليط= شوف اليهودي كم خناجر غرزها
مادامها ذله وضيعه وتفريط =سبحة عربنا لاتجمع خرزها

وبإتصال ورسالة من الشاعر / علي الطهيمي شارك بهذه الابيات

جعله مهف مقيط ياعارف مقيط= القربه الي شقها ماخرزها
الله من حيٍ تصكه علا الحيط= وكلٍ يسو الخبزه الي خبزها
والي يابا يرضاعلى الهون بقليط= الي دفن روس النصايب ركزها
احدٍ يبلطها بلااكذاب تبليط= لجن المضاهر والحقيقه حجزها
ماله مع اصفوف النشاما مقاليط= واهل الفيز ماعندها الا فيزها

درر و ذهب منظوم صح السان الشعراء
صدقني من أروع ماقرأت شعراً
رائد المجالس تسلم على كل جديد هنا في المجالس العامره . بوجودك ووجود الأخوان
تقبل قرائتي للأبيات الرائعه وأعجابي في أختيارك الرائع

صح السان الشاعرين وقافيه فيها نوع من التحدي لصعوبتها

وتسلم أبايارا على النقل

العزيز

حد الغيم

قلب المجالس

منصور الوسوس

يسلم بنانك ويسلم قلبك

ابا يارا على جهودك المميزه

ومبادراتك الرائعة وادين لك بهذا الوفاء

الغير مستغرب وليكن في علم شخصك الكريم

انني اعشق مثل هذه الأخوانيات الهادفه

وبصراحة اثارة شجوني ابيات الشاعراالصديق

علي هليل الحصني وابو مشعل معروف بقوة المبنى

وجزالة المعنى ولك مني اخوي منصور صادق الود

وازكى التحايا ....وسلم لي على قلبك

شكرا على هذه القصائد الجيدة والهادفه الله يخارجنا

بو يارا لا تكنز الاذهب لاتقطف الاثمر

وتحياتي لكل شاعر شارك في تلك الدرر

ابا اتلقّط عقب الاخوان تلقيط=مرّت امامي فرصةٍ وانتهزها
ياربعنا تكفون من دون تثبيط=خلّوا خيول (الجامعه) في لززها!!
عند(الزناتي) لو رقينا .. مهابيط=(أمّه) تميّز من عليهم عنزها !!
بعض الامل يا أمة (العُرب) تنقيط=اشوا لكم من موتةٍ في جرزها
قمه ورا قمه وجوله وتنشيط=قمّة عمل والثانيه عن (حززها)
لاباس نفتق ثوبنا اليوم ونخيط!!=وجروحنا مايهم كثرة اغرزها
ولو المعلّم حمّر العين ويشيط!!=(عتب حبايب .. والسياسه بها ازها)

صح لسان الشاعرين


استمتعنا بها


وتسلم يمين ناقلها

وعسى عمرك يطول

صح السان يا ابو عبد العزيز على الأبيات الرائعه
ولنا الفخر بك وبي الأخوان شكراً لكم جميعاً
شكراً ابا يارا
أعلم انني قمت في الرد مسبقاً ولكن أجبرني الشاعر خلف الفريد أرد مرة أخرى
صح السانك ياابو عبد العزيز(( عندليب المجالس))

صح لسان الشاعرين الكبيرين

ومساجلة رائعة من شعار كبار

والشكر موصول لعندليب المجالس للقصيدة الجميلة

وسلمت يدي ناقلها ابو يارا