& يقولون العرب صدر الشمالـي .. مايضيـق بسـاع &

قصيدة للشاعر / خـــلف المشعـــان

يقولون العرب صدر الشمالـي .. مايضيـق بسـاع = وانا اقـول الصـدور اليـوم .. ماعـادت شماليـه
بدت في داخلي ضيقـه عجـزت القالهـا مطـلاع = تغيب . وترجع .. وترجع تغيـب ... ومالهـا نيـه
عمتني كلمة ٍ جتني . وضقت .. وضاق صدر القاع = الا يالله لاتـجـزى غشـيـم ٍ .. قالـهـا فـيّــه
لهو صفـاع .. ياربـي .. ولاهـو للعـرب نفـاع = بلاني وابتلـى حالـه ... وبعـض النـاس مبليـه
نهيته قبل هالمـره .. يخلـي سيرتـي .. ماطـاع = الا يالعنبـو جــد القصـيـد .. ولعنـبـو بـيـه
ضعيف النفس ( نسونجي ) يشوف بعينـه الاطبـاع = يحسبني مثـل ربعـه .... يسـوق بضاعتـه ليـه
انا اشري .. لابغيت اشري .. ولاني مساوم البيـاع = الـى مـن قاللـي ميـه .. عطيتـه فوقهـا ميـه
انا اكتب .. لجل من يقرا .. ولاارجي من يقول ابداع = وابــد لاتحسـبـن مثـلـك يشكـلـي أهمـيـه
ترى ياهيه .. لامني نويتك .. بـس اطـق اصبـاع = يجينـي الـف شيطـان ... ووراهـم الـف جنيـه
أجرك من طرف حرفك .. وارد الصاع مية صـاع = جنون القاف ... ارقصها ... على راسك .. هجائيه
يويلـك لـو توليتـك .. وربـي .. مالـك الشفـاع = يجيك من القصيد .. احسب .. ثلاثميـه.. ثلاثميـه
ولكن .. خلك بحالك .. مادام ان الصـدور وسـاع = تـرى للحيـن ماضاقـت ولسعـهـا .. شمالـيـه