%% أن قالها الله يـا أبـو ثـوبٍ منقـط %%

قصيدة للشاعر/ بدر بن ناصر اتمنى ان تنال اعجاب ورضى الجميع

خط الكدر في محجر العين له خط = خط وفتح له وسـط خـدي سجايـا
مــن واحــدٍ عـلـى كيـانـي تسـلـط = يطعـن خفوقـي بالعـمـد يــا بـرايـا
من يوم عرفه ضايع الفكر مشتـط = إلـى متـى والنفـس فيـهـا شظـايـا
هو يحسب أني له ضعيفٍ ومحبط = لا والله ألا مــا عــرف لــي نهـايـا
صحيح أنا من زود جوره مشطط = لا شك أبا أنسا وأتركه مـن ورايـا
مـا هيـن نفسـي لــو علـيـا تعـبـط = كريـم نفـس وعزتـي هــي دوايــا
طبعي كذا مـا أحـب منهـو تشـرط = أنـــا زعـيــم ويتبـعـونـي سـرايــا
مـا نـي أنـا الـلـي بالنـوايـا تخـبـط = أعرف طبوع أهل النمم والوشايـا
وأن قالها الله يـا أبـو ثـوبٍ منقـط = لا أذوقــك مــر الـزمــن بالحـنـايـا