صور وأبيات تعبر عنها

الموضوع واضح من عنوانه أعجبني فنقلته.....
سوف أقوم بطرح صورة وأكتب معها أبياتاً تتمشى معاها.
اتمنى المشاركه
إليكم الصورة الأولى:

يا قلب سامحني على كل زلة=أخطيت في حقك كثير وتماديت
علمتك أدروب الهوى والمذلة=عليك يا قلبي قسيت وتجنيـت
ياما نصحت وقلت من صد خله=لا شك ما طاوعت يومك تخليت

بعض الجروح تروح في ظرف ساعه=وجروح تبقى لين تقضي على الروح
الأولـه فينـي عليهـا استطـاعـه=و الثانيـه تحدنـي لأخـر الـبـوح
احيان احس اني بصبـري شجاعـه=واحيان احس أن الصبر ضيف ويروح

هجسي زهمني مير قافـي تصـدد=ما يلتفت لو كان صوتـه طنوبـي
وان عفت قرب الناس ما طقت مقعد=أسج رجلي فـي طويـل الدروبـي
لو كان مابه قصـد للبـر بقصـد=واترك جميع الناس لو رحبوا بـي
وطاري العرب لو مرّ بي قلت له عد=ما ابغي لهم طاري ولا يمر صوبي
انا هوا نفسـي ليـا ضاقهـا حـد=لا قام يصفق بي من النـود ثوبـي
في راس مزمومٍ من الخلـق مبعـد=واقرب من البدوان لو مـا دروبـي
وامد شوفي لين يطوي لـي الخـد=لا شايفٍ شارع ولا بيـت طوبـي

ماني من اللي يطردون القراطيس=وهي عندهم كبر الجبال الرواسي
ولا حب جلسات الرجال المعابيس=أهل البشوت معذبيـن الكراسـي
ومأهز راسي حين دق المراويس=وش هوله أدوخ بالخرابيط رأسي
أنا هوايه ريح بـن المحاميـس=الي يطيّر من عيونـي عماسـي
في مجلسٍ ماخربـوه الدنافيـس=ولا دار فنجاله بكـف الخساسـي
وإبكار جدي والغزايز من العيس=حليبهـا مأبـدلـه بالببـاسـي
وريحه رحولي كنها عطر باريس=يسوى ظهرها بالطعوس التكاسي
وطفطوف رجمٍ برّدته النسانيـس=خلّى الثرا والفقر عندي سواسـي
في راسه أسمح للدموع المحابيس=تقطر على أرضٍ رملها مايداسـي
متلطمٍ وأرقب بعيـد المراميـس=والحزن في وسط الحشى مايقاسي
عن خوة الأنذال رمت النواميـس=لن الوفاء في طبعهم شيء اساسي

ابو يارا

الله يخليك لها ,,

طيب واللي مهوب شاعر مثل ابن جضعان والفريد وابن نمران وش يعلق ؟؟

يصلح كلمات حلوة ؟؟؟ او تنزيل صورة جديدهـ

بالفعل المشاركة جميلة وقوية ومشجعة

شكرا لحضور الراقي ابا راكان لاهنت

فنجال بن خنته تقعد الـراس=والزعفران مقطع فيه تقطيـع
انا يعدا لي ولو فيه جـلاس=هراجة المجلس قعود مهانيع
اللي لهم همز ولمز ووس=واسفي ساقة الاجواد همز وتراتيع

واشب نار السمر واخلي الغـاز=حتى الجمر بالنار يصبح عززها
واقرب الدله على الجمر لانحاز=فنجالها يبرى الكبود ولهزهـا
واجر صوتي للحبيـب بمعنـاز=ويردد لحوني ويفهـم رمزهـا

يقولون الطويل إن كان عديته يهيض الجاش=وأنا ذالي ثمان شهور أجي ولا هاض لي جاشي
نصيته بالنهار وليل وجيته حزة المغباش=ولا قدر متهات الطريق وطول مغباشي
ولا ادري هو صحيح العلم ولا قالها غشاش=رماها كلمة منها حفت رجلي وأنا ماشي
أجي عاني أدور فيه راحت راسي المنداش=وبالمخلاص من ذيبٍ يسمى الهم نهاشي
نهش لب الخفوق وحط له بين الظلوع فراش=وعلى غالي قطيع آمال روح الروح معتاشي
معي ذاله زمن ينهش بجوفي لين ما بقاش=تهاوت له معاليق خوت يباس وعطاشي
ولازمني مثل ما لازم الملقاط للمنقاش=وأنا وشلون أبلقالي طريق عنه وانحاشي
إلى مني بغيت اسج عنه شوي هاج وشاش=تعدا بي حدودٍ ماهقيت اتطال وتناشي
ولا من هاج ما كنه سوى موج بعرض الطاش=تلاطم بالضلوع ألي غدة باسبابه هشاشي
ونزلت من الطويل وما معي ما ينقش النقاش=ولا ني معتليه إن دمت أحول منه ببلاشي
أبي لا جيت أهيضبه عن اللي في ضميري جاش=عساي أرتاح من مابي ويلقى قلبي إنعاشيى

على ذاك الجدار اللي على حد البيوت الطيـن=وقفت وهاجس الذكرى نفض عن قلبي غباره
وقفت أطلق مدى شوفي واناظر مفرق الدربين=واشوف الدار وعيوني تضم الدرب وجـداره
أجل هذا الجدار اللي سهر يوم العرب غافيـن=أجل هذا الصديق اللي ذكرته واذكر أسـراره
حجر لكن أحس أنه يحـس بفرحـة القلبيـن=أحس أنه نفس لكن غدى جامد مـن أقـداره
حجر يوم العرب تنسى اذا مرت عليها سنيـن=حجر يوم العرب تنسى حبيـب مبعـده داره
ولكن الجدار اللي تركته مـن هـذاك الحيـن=عرفني يوم قابلتـه وبلـل دمعـي أحجـاره
جلست وهاجت الذكرى وقلت بخاطري مسكين=ثمان سنين في وحشه ولا أحـد بيننـا زاره
وفى ذاك الجدار أثبت بأن الادمي مـن طيـن=تخيل يوم لامستـه تنهـد مـن شقـا نـاره
سألني قال أنا أذكركم تجوني أنتـو الأثنيـن=بكيت وقلت صدقني رحل وانقطعـت أخبـاره

تجيني طيف يـا عمـري=على جنحان شوقـي لـك
اخاف ارمش من عيونـي! =وابعثر جيـت وصالـك
حبيبـي لا تجينـي قـول=وين انت؟ وانا اجي لـك
ابيك تقـول ويـن انـت=وعلى عيوني انا اسعى لك
وربي فوق روس الشوك=لا اخلي القلب يمشي لـك
واخلي ظلالـي يسبقنـي=قبـل يحضنـي منزالـك

انتبهت لدمعها بالهدب والكحـل سـال=لين جفت عينها دمع والقـاع ارتـوى
وابتدت لحظة جفا وأنتهت لحظة وصال=وأنطفى نور السعادة واحسب انه ضوى
ما اكتفيت من الهوى والغرام أربع ليال=واقفت أيام التلاقي وجا وقـت النـوى
كنت ابسلى وابتسم والتفت عنها شمال=لا قويت الصد عنها ولا قلبـي قـوى
ما هقيت ان الهوى عذب قلوب الرجال=لين ضاع القلب مني وتفكيري سـوى
رحت أدور دفوة الشمس ظيعت الضلال=جيت اطفي شعلة النار والقلب انكـوى

زرعت الورد واسقيته بدمي ليـن ريحـه فـاح=لكن الورد خاين جـاه غيـري وقطفـه دونـي
الا يالليل يـا ظلمـة تعانقنـي بـك الأشبـاح=اسلي خاطري وانسـج بقايـا لهفـت جنونـي
وش اللي باقي إلا وش بقى يامنوتـي مـا راح=سحابت شوقي اقفت والمطر دمعة من عيونـي
بنيت احلام عمري والبناء من قمته بـي طـاح=على اشواك الغرور اللي فرشها ضيم مظنونـي
الا يا كسر جبرك في خفوقي من عذابي صـاح=وذاك الجرح ينزف داخلي من كثـرت طعونـي
انا عفت الغرام .العشق. المضوى على المسراح=لا بجلـس ولا باقـف ولا بـانـام فيـدونـي
اجل تدرون آبو الحب آبـو ذا الهـوى الذبـاح=انا بعيـش عـزي واتـرك الأيـام ينسونـي
الا يانفس دومـي بالغـلا ردي لـي الأربـاح=يكفي مـا خسرتـه مالقيـت اللـي يعذلونـي
نويت ارمي شماغي من عبوس الوقت والمسباح=واناظر في مرايا وحشتـي واقـول شوفونـي

ياسحايب .. سراة ابها .. تعدي شمـال=واستعيري دموعـي سيلـي كـل وادي
غطي ارض الحبيّب بالنـدى والجمـال=مثل ماهو منـدي .. بالمحبـه فـوادي
ارعدي ياسحابه .. فوق هـاك التـلال=صوري له حنيني عقب طـول البعـادي
ولعـي ياسحابـه بالسمـا كـل جـال=مثل ما اشعل فواد فيـه قـدح الزنـادي
مير انا اشوف التسلي عن هواه استحال=وقفي ياسحابـه حمـل الاشـواق زادي
دوك عيني ..وقلبي .. دوك بعض الخيال=دوك كلـي تبعتـك مابقالـي قـعـادي

يا كليب شب النار يا كليب شبه=عليك شبه والحطب لك يجابـي
الوالمه يا كليب عجـل بصبـه=والرزق عند اللي ينشي السحابي
حنا علينا جيـب ماهـا وحبـه=وعليك تقليـط الـدلال العذابـي
ادغث لها يا كليب من جزل خبه=وشبه الى منه هبا كـل هابـي
باغي إلـى شبيتهـا ثـم قبـه=تجذب سراة من بعيـد غيابـي
بنسرية يا كليب صلـف مهبـه=متلطميـن وسوقهـم بالعقابـي
صبه لقرم صرفته مـا حسبّـه=يوم البخيل مدنهر الوجه هابـي

بعض الجروح تروح في ظرف ساعهوجروح تبقى لين تقضي على الروح
الأولـه فينـي عليهـا استطـاعـهو الثانيـه تحدنـي لأخـر الـبـوح
احيان احس اني بصبـري شجاعـهواحيان احس أن الصبر ضيف ويروح



روعة عفاك الله

/ مشلح بن براك الغنامي أتمنى أن تحوز على رضاءكم ..

أمس الضحى في عالي الرجم عدّيـت

في مرقـب ٍ يبحـث كنيـن المـودّي

رجـم ٍ ليـا منّـك براسـه تعلّـيـت

يبحـث خفايـا المتـقّـي للمـعـدّي

وقضيت في راسه من الوقت ماأقضيت

أوّل نهـاري بيـن جـزر ٍ ومــدّي

ونادى علي وقال جـا مـن تحرّيـت

ازهم عسـى اللـي تحتريلـه يـردّي

وألاّ إنزل الله لايعوقـك ليـا أقفيـت

مـن كثـر ماونّيـت بيّحـت سـدّي

ناديت في راسي على الحي والميـت

عدّيـت فـي وجـاك همّـك معـدّي

قلت انت نقّضت الجـروح وتخلّيـت

أباك عـون ٍ لـي وعـوّدت ضـدي

يارجم أنا من يـوم فيـك اشرهبيـت

شفت الخلي من حيـث عينـي تلـدي

ذكـرت جيـل ٍ فـي كنفهـم تربيـت

وحـب ّ ٍ بقلبـي عامـر ٍ مايـهـدي

قال انزل انت اللي على نفسك أخطيت

الرجـم خـط الذكريـات الـمـودّي

وحوّلت من راسـه جـداي التناهيـت

مثل الخلـوج وعبرتـي فـوق خـدّي

مبدا ً يجـرّع راعـي الـود حلتيـت

أسقانـي السـم الذحـاح المـصـدّي

وسلامتكم

تسلم ويسلم غاليك يابويارا صور وابيات رائعه

يعطيك العافيه

الله يعطيك العافيه على الجهود وحسن الذوق نقل رائع