يـــاولـــد حــــوثــــي

الرائع عبدالله الهديريس

ونص وطني شامخ

ياوطنـا فـوق هـام السحـب ياموطنـا =في حمى الله ثم أوسود الغابـه المحميـه
وان زما العايل وطِمْع حماك دونك حنـا= تحت راية روس قوم ٍ يحتمـون الهيـه
في ظلال اخوان نـورة معتلـي منزلنـا= الملوك اللي رهين الغـي تخلـف غيّـه
مايجـي منـا عليـك الضيـم ولا ّ منـا =هيبتك تكسرعزوم اهـل النوايـا السيـه
وكان رعّاد القصير مـن القرامـه دنّـا= عقب ماضِيّق خناقه ماعَـرَف لـه نيـه
عاف ديس أمه وطاع بليس هن ّ وهنّـا= وقام يطمر من غـواه ويرفـع الجنبيـه
لايحسْب ان الهجوس من الرعد تسكنـا= نارنا في السلم ولا ّ الحرب دايـم حيـه
ياولد حوثـي فنـون الحـرب ماتجهلنـا=قبلك اطيَب منك راح وماحصـل مبغيـه
انشده ، ولا ّ انت ويش بدون شك وظنا؟= حبـة ٍ ماضـرّت الكِفَّـه يابـن حوثيـه
ابحث التاريـخ يالزيـدي يفيـدك عنـا= في الرخاء صدقان طيب وفي اللقاء قطعيه
من شكا ضيم المعـادي لاطغـى يزبنـا= عقب ذاق الكـدر ذوقنـاه مـن صافيـه
احتمينـاه وحمينـا موطـنـه وأمـنّـا =حـد ّ داره والحـدود لدارنـا محمـيـه
بالخفاف اللـي لقصـف اهدافهنّـه فنّـا= فوقها اللـي للبـلاد ارواحهـم مهديـه
كم ديـار ٍ يالضعيـف يسارنـا وايمنّـا =عن لهيب الشمس تلقى في ذرانـا فيّـه
مير خشمك كان فيه عـرام قـرّب منـا= كان ودك تطعـم الصِبْـره وحِـرّ الكيـه

لو تمـدّك عمّتِـك بالصـاع ولا ّ المَنّـا= مدهـا فوقـك نـرده عطـوة ٍ مجزيـة
العجـوز ام الطبـوع العـوج ماتشحنـا= وانت صرت لطبعها المنعاج كبش ضحيه
ليلـة ٍ غنيـت للشيطـان ساعـة غنـا=تحسب انـا نعتبرهـا حذفـة ٍ عفويـه
ميـر حنـا نـدرك الاهـداف ياجاهلنـا =وكل حادث له بميـزان الحـدث وزنيـه
اعتزينـا واقتضينـا والولـي عـاونـا= والقضى منكم بعد زدنـا عليـه شويـه
كم صويب ٍ في صفوفك من قبلنـا ونّـا= وكم قتيل ٍ فـوق راسـه عِمّتـه ملويـه

نحمـد الله واثقيـن ودمـت ياموطـنـا =في حمى الله ثم أسود الغابـه المحميـه

تسلم المراقب العام

وربي يحرسك على النقل الرائع

هلا هلا والله قصيده قويه وتحمل في طياتها الروووح الوطنيه الواثقه
مشكووووور منصور الوسوس على القصيده الجميله جداً وصح السان الشاعر

صح لسان الشاعر ومشكور على النقل الرائع

قصيدة جزله

وبتوقيت رهيب

اتمنى ان تصل هذه القصيدة الرائعة إلى مسامع الأبطال هناك

ولاهنت ابومحمد على هذاا لإختيار

صح لسان الشاعر والله يدوم علينا نعمة الامن والامان

والله يحمانا ممن كيد الكايدين ويحفظ وطنا وولاة امرنا وجنودنا البواسل

ويعطيك العافيه يابويارا على القصيده الحماسيه الرائعه

تسلم المراقب العام

وربي يحرسك على النقل الرائع

قصيده وطنيه والوطن نفديه بالدم والروح

تسلم ابو يارا على النقل الجميل