ياللي طموحك عز ما له خلايط

هذه القصيدة للشاعر الشاب : نايف بن مزيد بن دهيكل بن دغيشم بالأخ منصور الوسوس قصيدة جميلة وقوية ومن شاعر له مستقبل مشرق ـ رغم بخله علينا بما لديه من قصائد قوية اطلعت على بعضها وسأحاول إن شاء الله وضع بعض منها في متناول الأخوة في هذا الصرح .. والقصيدة في شخص يستحق المدح وغني عن التعريف .. والرجال مواقف ومن لا يشكر الخلق لا يشكر الخالق ..

اكتب رسالة بالوسايط على الفور=عبر الجهاز الهاتفي بالوسايط
مني سلام عد ما شعشع النور= واعداد ما ترسم رسوم الخرايط
نصيتها للمبتعث في كلمبور= ما راح سواحن يدور صقايط
ترجع بالدكتوراه يالخال منصور= ياللي طموحك عز ماله خلايط
ياخال لك مني تحيه ومشكور = ياللي ورى الهقوه بعيد القلايط
تقلط بديوانٍ به العز مخبور = ديوان عز ما ذكر به لقايط
بالخير مذكورٍ وبالطيب مشهور = ياللي لفعل الطيب حايز وحايط
يفداك منهو في هقاويه مثبور = اللي على عز العزيزين شايط
خبل يحسب انه على الناس مكبور = يوم ان ما للعز عنده ربايط
والا انت مشهور وبالطيب مشهور = لاهل الوفا والطيب عندك صفايط
يابن الرجال اللي لهم بالوفا دور = أولاد راشد يوم شعط ومعايط
يوم السنين اللي رحا حربها اتدور= ياما اهلكوا رجلن براسه صعايط
ما يقبلون المنع لو ملحها يثور = لو صاطهم من لاهب النار صايط
ربعن لهم في ماقف العز طابور = عدوهم منهم يصيبه جلايط
واقبل تحياتي والابيات منظور = تنبيك عن حالي وبعض النقايط