تدور الليالي

هذه قصيدة آمل أن تحوز على رضاكم

تدور الليالي والهوى بالحشا يزداد=جروحه طوارالقلب تبحث مواجعها
تجيه الطواري جيتن مابها ميعاد=وعلى صورة الذكرى هجوسه ترجعها
صوره من الواقع لها بالحشا مقعاد=ليا من طرالي صاحبي قمت اطالعها
وليا من طرالي شب في ضامري وقاد=وقاد نارن والهوى الصلف يلفعها
ترى الحب لاصاب الأبن آدم معه ينقاد=لونه يبى المخلاص نفسه يطوعها
لياقلت طاب الجرح والقلب سج اوهاد=طرالي ونارالشوق فالقلب ولعها
احبه وله مسكان بقصى الحشا من غاد=وله صورتن بقصى الضماير وطابعها
وجودي عليهاوجد عودن قليل ارقاد=على آخرعياله عينه النوم قاطعها
رجيته ثمان اسنين ميرالبخت ماجاد=وبين بحالي نقصها من موادعها
ومن حزت الفرقى وانا والضميراجهاد=لواقفت وانا قفيت قلب العنا معها
يطول الفراق وكل ماطال حبه زاد=صطى في ضميري والمعاليق يشلعها
يتل الحشى تل الدلو في يد الوراد=وروده على بيره ضمى القيض دافعها
تصدر مقاديمه روى واخره وراد=وتداحم اوسطهاعلى جال مشرعها
عليه الجروح ابظامري مبطيه وجداد=وعيني سهرها له زمانين لايعها
ليا نامو العربان ماتهتني برقاد=تسهرعيوني والعرب في مهاجعها
ولاينفع المشتاق لو كثر الاوجاد=ومركب وجوده فوق الامواج تدفعها

الشاعر/حامد بن ردمان الفريدي

صح لسانك وعلا شانك وقصيدة رائعة و اتوقع يكون لها صدى عند اهل القلوب الخضر

صح لسانك يا شاعرنا القدير

حامد بن ردمان

قصيدة رائعة جدا تحمل بين طياتها صور ومعاني غزيلة جميلة

كم نتمنى ان تواصل تألقك عبر مجالس الفردة لنزداد معرفة بنصوصك الشعرية

دمت بخير وعافية ..........

وتقبل باقات من الورد والكادي لشخصك الكريم

صح السانك وبيض الله وجهك على القصيده الجميله
ترى الحب لاصاب الأبن آدم معه ينقاد,,,,,,,,,,,,,,,,,لونه يبى المخلاص نفسـه يطوعهـا
انا شهد أنـــك صدقت ماعد فيها مخراااااج
سجل أعحابي في القصيده ودمت مبدعا
عطنا جديدك.. في نتظااااااااارك

اخوي ضيف الله بن علي
اخوي منصورالوسوس
اخوي ابن مطيع

شاكرومقدر لكم هذه المشاعرالطيبه

دمتم بخيروعافيه

صح لسانك وبيض الله وجهك

قصيدة غزلية رائعة

ابدعت ونثرت لنا كلامنا رائعا

دمت في هذا التالق والتميز

ولاتحرمنا من جديدك

ولك تحياتي

صح لسانك قصيده فيها من الجمال الشئ الكثير


وفيها من الروعه مايجعلك تكرر قرائتها


سجل أعجابي وننتظر الجديد


عندي ملاحظه : ودي أستفسر منك


هل هو الأبن أو أبن أدم معه ينقاد



ترى الحب لاصاب الأبن آدم معه ينقاد


مع شكري لسعة صدرك وتقبل مروري

يطول الفراق وكل ماطـال حبـه زاد=صطى في ضميري والمعاليق يشلعها

اخوي حامد الفريدي ,,,




صح لسانك على هذه الجميله ,,




ولا تحرمنا من جديدك ,,




تقبل مروري اخوك -ولد وهب-

يطول الفراق وكل ماطـال حبـه زاد****صطى في ضميري والمعاليق يشلعها


صح لسانك ابن ردمان ............. مشكور......

صح ابدانكم اجمعين ومشكورين على المرور

اما بالنسبة لإستفسار الأخ علي الجضعان فالمقصود بالبيت هو البنآدم ونأسف على الخطأ الاملائي