|
رد: ديوانية مجالس الفردة . اقتباس:
صح لسانك ابو عبدالعزيز وبيض الله وجهك وماقصرت ويستاهل اخونا طلال ابن حماد كل خير وهذه القضية وانتهت وحكمت من صالحك ومبروك عليك هذه الابيات وتستاهل المدح ياطلال |
رد: ديوانية مجالس الفردة . اقتباس:
هلا باخوي احمد بن حماد نورتنا ونورت الديوانية بطلتك الجميلة واهلا بك بيننا في مجلسك وعطنا علومك واخبارك وشكلك من خصيبة ولا انا غلطان ومشبه |
احمد بن حماد الفريدي ,,,,, اقتباس:
الشيخ الرائع / الحبيب لقلبي هو::: من أهل كل ديار وهجر وقرى الفردهـ http://alfredah.org/up/uploads/1b3ab9cafa.jpg هو :: أحمد بن ضيف الله بن محمد بن زيد بن حماد الفريدي وعمه :: الامير زيد بن محمد بن زيد بن حماد الفريدي شيخ الفردهـ ورئيس مركز الهميج وحبيبنا أحمد ( ابو الوفا والطيب ) هو من سكان جدة وهو طلب جامعي ( بس ما ادري وش تخصصة ) والدهـ هو ::: وهو:: ابن الامير / محمد بن زيد بن حماد الفريدي رحمه الله وشقيق الامير / زيد بن محمد بن زيد بن حمادالفريدي رئيس مركز الهميج وهو عميد متقاعد من سلاح الحدود ورجل اعمال ويسكن في جدة ابنه الأكبر / خالد بن ضيف الله حاصل على ماجستير في نظم المعلومات من لندن ابنه الأخر / فيصل بن ضيف الله بن حماد حاصل على ماجستير من استراليا في هندسة الأعمال المصرفية وابنه أحمد بن ضيف الله العضو المبدع في مجالس الفرده العضو بمجالس الفرده / احمد بن ضيف الله بن محمد بن زيد بن حماد الفريدي |
رد: ديوانية مجالس الفردة . هلا والله فيك يامزعل والديوانيه مضويه بنورك وبنور المبدعين اللي فيها لا والله انا من مواليد جده ولهالحين عايش فيها لكن كل دار للفرده دار لي وتسلم على الترحيب |
رد: ديوانية مجالس الفردة . ونعم فيه وشكراا لشاعرنا الكبير خلف الفريد |
رد: احمد بن حماد الفريدي ,,,,, اقتباس:
مشكور يا بو راكان على الترحيب وعلي اللي كتبته وهاذي عادتك كبير وتبقى كبير لنا في هالموقع ويعلم الله اني احببتك باللذي احببتني فيه ونتمنى نشوفك في وقت قريب وحياك انت والاخوان كلهم لاعدمناهم في جدة وعلى فكرة تراك كبرتني شوي انا لهالحين بثالث ثانوي وانشالله اتخرج هالعام لكن ان وصلنا لل18 انشالله نكون بالجامعه تحياتي لك |
رد: ديوانية مجالس الفردة . اخوي ذيبان مساك/ صباحك ورد ابو راكان شف الفريد وش تسبب علي وجه الحضرمي عندما نزلت البيتين كنت مشغول وقلت التكمله بكره المهم خلف جاء مثل شخب بليس وكمل القصيده واضطريت لتغيير بعض القوافي لتطابقها مع ابياته الى هنا الوضع عادي لكن انكته اني قبل مس طلعت للبر عقب الأمطار على جيبي الشروكي رفيق دربي لدروب العسره طبعاً اليوكن نعومي ماهو فيد شعبان وطعوس وطين أعرفه زين 00 وبعد التنزه والوناسه اخذت مجموعة أوراق بجني ورميتها مع النافذه واليوم الثلاثا نعدما جيت ابي انزل أكمالت القصيده لقيتني رامي القصيده مع الدريشه آه والله اني زعلت 00لا00والحفظ صفر وهذا عيب فيه ماحفظ اي قصيده لي حسبي الله على عظم العرب !!!ولكن ابي احاول أكمالها عن قريب منت عندي رخيص اباراكان
ياطيب الشروكي لآحديته على أقصاه = يبردلهيب الكبد صوت المكينه والله أن كنك يافتى الجودتنخاه = مثل الشجيع الي يشوف الغبينه على صعيب الارض محد(ن) تحداه = لاأونس البنزين حرن بعينه لاانتهض شيهان كنك تحلاه = شاف الحباري بالعرافج يمينه هده طلال حمود والعسر ياطاه =وجيبه على اللفات الله يعينه وانادى عليهم قال شوفوا سواياه = دم الثنادي صابغن في يدينه قالوا ضلمت الجيب الضلع يرقاه = ومع الدبل وأثنين نسمع حنينه قال أرتفع وأخاف يبعد ولاألقاه = ولاينفع الصقار لاقال وينه كم واحد(ن) صفق يمينه بيسراه = وعود من المقناص يم المدينه وعلى المرايه بس برقع لذكراه = ذكرى حزينه بس عنده ثمينه واناعسير الدرب جسر أتهقواه = ماهمني لوزاد سيله وطينه وانا نويت ومع أرفيق اتمناه = وكل الوازم جاهزه مشترينه عشيرعمري شف قلبي مخاواه = الله يطول مابقى من سنينه سعدي فلاح الله عن الشر ياقاه = أسمه على كل البشر معلنينه متقاسمين الراي مابه مراواه = نبي الغوطه الى أطراف لينه حبيت عرفكم حبي لشروكي ويمك انزل صوره له هنا اتمنى ان تنال اعجابكم ملاحظه : هذا نصف القصيده فقط _______________________ |
رد: ديوانية مجالس الفردة . صح لسانك يا ابو عمر خليتنا نحب الشيروكي من حبك ومدحك له وبالنسبة للفريد :: يا ابو عمر ::: الرجل ذا غالي عندي وكنت اسمع به قبل اشوفه اول مرة في بيت ابو عماش بالرياض ويوم هو يداوم في رحيمة وعلمه غانم : :: لذلك وش ما سوى ابو عبد العزيز على قلبي مثل العسل الجبلي والورد الدمشقي ::: بس تراكم انتم الاثنين ما تتخيرون على بعضكم ::: متمركين بشغافيف القلب وعلى الدلال الصفر بالقلب سكناكم حياكم ربي عيال ابوي راشد |
رد: احمد بن حماد الفريدي ,,,,, اقتباس:
والله وسبعةانعام في ابن حماد وماقصرت ابو راكان في هذا التعريف وان شاء الله تكون لنا زيارة لاخونا احمد في جده |
رد: ديوانية مجالس الفردة . اقتباس:
صح لسانك ابو عمر وبيض الله وجهك ودنانشوف الشروكي اللي سويت فيه هذه القصيدة لايكون مثل تمساح الرجال >>>>>>>>> |
| الساعة الآن 05:39 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO TranZ By
Almuhajir