مجالس الفرده - الفرق بين الدمع والدمع شتان

مجالس الفرده (http://www.alfredah.net/forum/)

- مجلس فضاء الشعر (http://www.alfredah.net/forum/alfredah4/)

- - الفرق بين الدمع والدمع شتان (http://www.alfredah.net/forum/threads/alfredah35136/)

الفرق بين الدمع والدمع شتان

الفرق بين الدمع والدمع شتان
ياهل العقول المدركه والبصيره

افضل دموع .. اللي على الذنب ندمان
ماهي دموع .. اللي مفارق عشيره

الاوله بنت التدين والاحسان
والثانيه بنت الظروف المريره

الضعف لله قوه بنفس الانسان
ضعفك لربك غير ضعفك لغيره

مابه ضعيف اضعف من ضعيف الايمان
ولا خبيث الا خبيث السريره

يارب اعذني من دنس كل شيطان
وابعدني من اهل النفوس الحقيره

ماني على رديان الافعال شفقان
شبه الرجال اللي بشبه الجزيره

القرب من بعض الرياجيل سلوان
والبعد عن بعض الرياجيل خيره

رد: الفرق بين الدمع والدمع شتان

تسلم اخوي عبد العزيز على روعة الاختيار

رد: الفرق بين الدمع والدمع شتان

رحم الله
الشاعر / فيصل سعد الدوسري
ولاهنت اخوي على النقل والنشرالموفق
تحيتي

رد: الفرق بين الدمع والدمع شتان

اللـــه لايهينكــــــــم..

تشــرفــت بمــروركــم العــطر