الفرق بين الدمع والدمع شتان

الفرق بين الدمع والدمع شتان
ياهل العقول المدركه والبصيره


افضل دموع .. اللي على الذنب ندمان
ماهي دموع .. اللي مفارق عشيره


الاوله بنت التدين والاحسان
والثانيه بنت الظروف المريره


الضعف لله قوه بنفس الانسان
ضعفك لربك غير ضعفك لغيره


مابه ضعيف اضعف من ضعيف الايمان
ولا خبيث الا خبيث السريره


يارب اعذني من دنس كل شيطان
وابعدني من اهل النفوس الحقيره


ماني على رديان الافعال شفقان
شبه الرجال اللي بشبه الجزيره


القرب من بعض الرياجيل سلوان
والبعد عن بعض الرياجيل خيره

تسلم اخوي عبد العزيز على روعة الاختيار

رحم الله
الشاعر / فيصل سعد الدوسري
ولاهنت اخوي على النقل والنشرالموفق
تحيتي

اللـــه لايهينكــــــــم..

تشــرفــت بمــروركــم العــطر