شاعر الملايين زياد بن حجاب بن نحييت والوصول الى البيرق ..} متجدد

نعومة السكين · 19-04-09, 11:54 AM

اختي نعومة السكين
اشكرك كل الشكر على هذا الجهد الكبير الرائع ...
بارك الله فيكِ ....
.................................................. .....................
ولان هذا المتصفح خاص بشاعر الملايين احببت نقل قصيدتي في هذه المناسبة هنا ..............

الى من جعل للتحدي معنى وللفوز طعم
وللنصر حلاوة وطلاوه ...
الى حرب الام ورجالها الافذاذ ....
الى من وعد فاوفى وعاهدناه فصدقنا ....
الى شاعر حرب وفخرها .....
الشيخ النقيب / زياد بن حجاب بن نحيت
.....

((( حامل البيرق)))

البيرق اللي عانـد رجـال ورجـال=اليـوم باليمنـى القويـه رفعـنـاه
يمنى الشطير اللي وفـيٍّ ليـا قـال=نسل الشيوخ اللي بحـربٍ مسمـاه
ابن نحيت اللي تسنـد علـى جـال=يومه عطانا الوعـد حنـا عطينـاه
ركنٍ ثبت بين الفريقيـن مـا مـال=ولا حاد عن نهجه وطبعـه ومبـداه
هادي طباع وداخلـه ثـورة ابطـال=يرقا سناد وعارفٍ موضـع خْطـاه
ماغرته ضحكـه ولا اغـراه مـوّال=ولا راق ماء وجهه ولا ضيع الجـاه
متسلـحٍ بامجـاد واقـوال وافعـال=وبلابـةٍ مايعـرفـون الـمـراواه
ويامنتخي في حرب حركـت زلـزال=وثوّرت بركـان الوفـاء والمثـاراه
دون اسم حربٍ نرخص الروح والمال=واليا زهمنا زيـاد ..جينـاه جينـاه
هاذي رسالة شات وهـاذي بجـوال=وذي دعوةٍ من طاهر القلب مهـداه
مهمةٍ شَمّـر لهـا شيـب وعيـال=يوم ادركوا كبـر المهمـه ومعنـاه
ولا انسى رجالٍ بالمواقف لهم حـال=من نعرفه باسمه ومـن لا عرفنـاه
ولا هي غريبه وقفة العـم والخـال=وياهل الوفـاء وقفاتكـم لاعدمنـاه
ومبروك ياحرب المعـزه والابطـال=الكاس من يمنى الفلاحـي خذينـاه
فخر لنا يبقى علـى مـر الاجيـال=دوري تحـدّي بالنهايـه كسبـنـاه

......
ابو عبد العزيز